Schwyzer*i vum Joor

Schwyzer*i vum Joor (dt. Schweizer des Jahres, frz. Suisse de l’année, ital. Personaggio svizzero dell’anno, roman. Persunalitad svizra da l’onn) isch e Bryys gsii, wu vu 2002 bis 2015 als im Jänner vum Joor druf vum Schwyzer Fäärnseepublikum bi dr «Swiss Award»-Gala gweelt woore. No dr Sändig im Jänner 2016 isch d Sändig un dodermit au dr Bryys us Spaargrind yygstellt woore.

Schwyzer vum Joor 2012: Fyyr am Mittelpunkt vu dr Schwyz

Daafele mit dr Schwyzer vum Joor (Stand 2005)

D Näme vu dr Bryysdreeger sin uf ere Eeredaafele uf dr Älggi-Alp, em geograafische Mittelpunkt vu dr Schwyz, vereebigt woore. Wänn deert e neie Name yygraviert woren isch, het s all Joor e Fyyr gee, wu zmaischt au dr aktuäll Bryysdreeger derbyy gsii isch.

Syter anne 2014 sin d Gwinner us dr Sports Awards automaatisch bim SwissAward as Kandidaat*ine fir dr Titel Schwyzer*i vum Joor nominiert woore, nämli dr Spoortler vum Joor, d Spoortleri vum Joor un d*r Behindertespoortler*i vum Joor. D Reegle, ass mer dr Titel Schwyzer*i vum Joor nume aimool im Lääbe het chenne gwinne, isch wäge däm gstriche woore.

Bryysdreeger «Schwyzer*i vum Joor»

• 2015: Muusiker Polo Hofer
• 2014: Bundesroot Didier Burkhalter
• 2013: Tännisspiiler Stanislas Wawrinka
• 2012: Langlaifer Dario Cologna
• 2011: Skirännfaarer Didier Cuche
• 2010: Chrankeschweschter Marianne Kaufmann un Dokter Rolf Maibach
• 2009: Härzchirurg René Prêtre
• 2008: Bundesreeti Eveline Widmer-Schlumpf
• 2007: Schwingercheenig Jörg Abderhalden
• 2006: Fueßballnazionaaltrainer Köbi Kuhn
• 2005: Formel-1-Rännstaalbsitzer Peter Sauber
• 2004: Entwickligshälferi Lotti Latrous
• 2003: Tännisspiileri Roger Federer
• 2002: Chinderdokter Beat Richner

Fueßnote

Dä Artikel basiert uff ere fräie Übersetzig vu dere Version vum Artikel „Schweizer_des_Jahres“ vu de dütsche Wikipedia. E Liste vu de Autore un Versione isch do z finde.