Selim II.

Dr Selim II. (* 30. Mai 1524; † 13. Dezämber 1574 z Konstantinopel) isch vo 1566 bis zu sim Dood Sultan vom Osmanische Rich gsi. Wil er Alkohol e chli z gärn gha het, het er dr Biinaame Sarhoş Selim, „Selim dr Süffel“ überchoo.

Selim II.
Sultan II. Selim Han
Periode	Ufstiig vom Ottomanische Riich
Volle Naame	Selim II.
Uf ottomanischem Türkisch	سليم ثانى
Uf d Wält cho	30. Mai 1524
Gstorbe	13. Dezämber 1574
Vorgänger	Süleyman I.
Noochfolger	Murad III.
Consort	Nurbanu Sultan (äigentlig Cecilia Venier-Baffo)

Regierig

Dr Selim isch dr erst osmanisch Sultan gsi, wo sich nid sälber um d Regierig kümmeret het, das het er sim Schwiigersoon, em Groosswesir Sokollu Mehmed Pascha überloo. Er het im Topkapı-Palast Fester gfiirt und vil Wii gsoffe, und in dr Forschig wird er für alkoholchrank ghalte. Am Aafang vo sinere Regierigszit het er mit alle Nochberstaate Friide gmacht. Er het im Sinan befoole, d Selimiye-Moschee z Edirne baue. Er het islamischi Missionäär uf Indonesie gschickt, zämme mit 30'000 Janitschare, wo die asiatische islamische Staate häi sälle understütze. 1571 het er Züpere lo eroobere und zwäi Joor druf Tunesie.

Er isch am 15. Dezämber 1574 bsoffe umgheit und umchoo.

Litratuur

• Ferenc Majoros, Bernd Rill: Das Osmanische Reich 1300-1922. Die Geschichte einer Großmacht. Marix, Wiesbaden 2004, ISBN 3-937715-25-8.
• Josef Matuz: Das osmanische Reich. Grundlinien seiner Geschichte. 4. Auflage. Wissenschaftliche Buchgesellschaft, Darmstadt 2006, ISBN 3-534-20020-9.
• Nicolae Iorga: Geschichte des Osmanischen Reiches. Nach den Quellen dargestellt. 5 Bände, Verlag Perthes, Gotha 1908-1913, Nachdruck Frankfurt/Main 1990.
• Gabriel Effendi Noradounghian: Recueil d’actes internationaux de l’Empire Ottoman 1300-1789. Tome I. Paris, Neufchâtel 1897. Reprint: Kraus, Nendeln 1978, ISBN 3-262-00527-4.

Weblingg

 Commons: Selim II – Sammlig vo Multimediadateie

• https://web.archive.org/web/20130624133000/http://www.tuerkenbeute.de/kun/kun_bio/Selim2_de.php Badischs Landesmuseum, Karlsrueh: Selim II.

Vorgänger Süleyman I.

Sultan und Kalif vom Osmanische Riich 1566–1574

Nochfolger Murad III.

Dä Artikel basiert uff ere fräie Übersetzig vum Artikel „Selim_II.dütsch“ vu de.wikipedia.org. E Liste vu de Autore un Versione isch do z finde.