S Oratorium «Semele» vom Georg Friedrich Händel

Semele (HWV 58), äigentlig The Story of Semele, isch en Oratorium in drei Akt vom Georg Friedrich Händel. Näben em Hercules isch s s zwäite dramatische Oratorium vom Händel mit eme wältlige Thema.

Wie s entstande isch

Dr Händel het am 3. Juni 1743 dr erst Akt afo komponiere und isch am 13. Juni fertig gsi. Dr zwäite Akt isch sibe Dääg spööter fertig worde. Dr dritt Akt und s Usfülle vo de Middelstimme si am 4. Juli baraat gsi.

D Uruffüerig het am 10. Februar 1744 im Theatre Royal in Covent Garden stattgfunde. Es isch denn no dreimol widerholt worde. Im Dezämber 1744 isch s Oratorium nonemol zwäimal ufgfüert worde.

Dr Händel het s as e Wärk After the Manner of an Oratorio bezäichnet, also nit as Oratorium. Es git zwaar Szeeneaawiisige, dr Händel het s aber immer konzertant ufgfüert. Vilmol wird si as Opere bezäichnet, und weer eso äini vo de erste ächte Opere uf Änglisch.

S Libretto

S Libretto het dr William Congreve ursprünglig 1705/06 für en Opere verfasst, wo dr John Eccles d Muusig drfüür komponiert het. Die isch aber nit ufgfüert worde. Mä nimmt aa, ass dr Newburgh Hamilton es für e Händel überarbäitet het. In dr Opere goot s um dr griechisch Müthos vo dr Semele, wien er vom Ovid im dritte Buech vo de Metamorfoose beschriibe wird.

Litratuur

• Winton Dean: Handel's Dramatic Oratorios and Masques. Clarendon, Oxford 1989, ISBN 0-19-816184-0, (Originalusgoob: Oxford University Press, Oxford 1959).
• Hans Joachim Marx: Händels Oratorien, Oden und Serenaten. Ein Kompendium. Vandenhoeck & Ruprecht, Göttinge 1998, ISBN 3-525-27815-2.
• Albert Scheibler, Julia Evdokimova: Georg Friedrich Händel. Oratorien-Führer. Edition Köln, Lohmar 1993, ISBN 3-928010-04-2.

Weblingg

• Partitur von Semele (Händel-Wärkusgoob, uusegee vom Friedrich Chrysander, Leipzig 1860)
• Semele: Note im International Music Score Library Project.
• D Handlig und s Entstoo (Site cha nüme abgrüeft wärde; Suche im Webarchiv)[1] [2] Vorlage:Toter Link/www.handelhouse.org vo dr Opere bim Handel House Museum (änglisch)
• Libretto von „Semele“ bi Opera-Guide
• Aktuelli Inszenierige vo „Semele“ bi Operabase (Produkzioone, Bsetzig, Kaländer)