S Oratorium «Hercules» vom Georg Friedrich Händel
Hercules (HWV 60) (au: „Herakles“) isch en Oratorium in drei Akt vom Georg Friedrich Händel. Dr Händel sälber het gsäit, es sig A New Musical Drama und äänelet ere Opere wie Semele.
Wie s entstande isch
ändereSo wien er s im Allgemäine gmacht het, het dr Händel s Oratorium in e baar Wuche im Juli und August 1744 fertig komponiert.
D Uffüerige
ändereDr Hercules isch am 5. Januar 1745 im King's Theatre am Londoner Haymarket urufgfüert worde statt und isch e verheerende Flop gsi. Dr Händel het d Spiilsäsong zerst welle abbräche und de Abonnierte iir Gäld zruggzaale, er het aber denn doch 16 vo de blaante 24 Konzärt gee: näben em Samson, Saul, Joseph and his Brethren und Messiah isch am 27. Merz dr Belshazzar zum erste Mol ufgfüert worde.
Dr Hercules isch lang kuum ufgfüert worde. Im 20. Joorhundert het män en as Opere afo spiile.
Libretto
ändereS Libretto isch vom Thomas Broughton. Es basiert uf dr Dragödie D Trachierinne vom Sophokles und uf de Metamorfoose vom Ovid.
Litratuur
ändere- Winton Dean: Handel's Dramatic Oratorios and Masques. Clarendon, Oxford 1989, ISBN 0-19-816184-0, (Originalusgoob: Oxford University Press, Oxford 1959).
- Hans Joachim Marx: Händels Oratorien, Oden und Serenaten. Ein Kompendium. Vandenhoeck & Ruprecht, Göttinge 1998, ISBN 3-525-27815-2.
- Albert Scheibler, Julia Evdokimova: Georg Friedrich Händel. Oratorien-Führer. Edition Köln, Lohmar 1993, ISBN 3-928010-04-2.
Weblingg
ändere- D Partitur vom Herakles (Händel-Wärkusgoob, uusegee vom Friedrich Chrysander, Leipzig 1859)