Ysebaa-Signaalbuèch

È Signaalbuèch isch bi dè Ysebaa è Regèlwärk, welles diè im Ysebaabetrièb vowendetè Signaal beschrybt un diè nötigè Vohaltenswysè aagit.

Z Dütschland wörred Ysebaasignaal in gsetzlich vobindlicher Form i dè Ysebaa-Signaalordnig (ESO) feschtglait, diè im Zuèschtändigkeitsberych vum Bundesminischterium für Vokeer, Bau un Stadtentwicklig unterlyt. Diè Dütsch Baan AG vowendet zuèsätzlich s Signaalbuèch Ril 301, welles d Vorschriftè vo dè ESO durch Uusfüürigsbeschtimmigè (AB) ergänzt, welli d Durchfüürig vo dè ESO reglet. Ußerdemm sin dôdrin nit i dè ESO uffgfüürti Signaal enthaaltè, für diè vum Ysebaa-Budesamt è Uusnaamegeneemigung erteilt worrè isch, wiè d Kombinationssignaal.

Strõßebaansignaal wörred z Dütschland i dè Strõßebaan-Bau- un Betrièbsordnig greglet. Dô git s voschideni regionali Ergänzigè.

Ysebaansignaal vo dè Nõchborländer wörred zum Byschpill i dè Schwiz i dè Faardiènschtvorschriftè greglet, z Öschterrych giltet d Signaalvorschrift DV V2. Generell ka mo i jedem Land unterschydlichi Signaalsischteem findè. Voeinheitlichungè sin europawit nu ganz seltè z findè.

Luèg au

• Ysebaasignaal

Weblinggs

• Signaal un Signaalbüècher vo dütschè Staatsbaanè, sowiè vo dè SBB un ÖBB
• S aktuelle Signaalbuèch vo dè DB Netz AG, Ril 301 Bekanntgaab 5 (PDF; 2,0 MB), gültig sit èm 9. Dezembèr 2012
• Privati Sitè mit èm Vowys uff s aktuelli Signaalbuèch
• Faardiènschtvorschriftè i dè Schwiz
• Signalvorschrift DV V2 z Öschterrych (dè Link enthaaltet è voaalteti Version vom V2; PDF-Datei; 1,42 MB)

Dä Artikel basiert uff ere fräie Übersetzig vum Artikel „Signalbuch_(Eisenbahn)“ vu de dütsche Wikipedia. E Liste vu de Autore un Versione isch do z finde.