Sizilianischi Fuessballnationalmannschaft
| ||||
| Spitznäme | Naziunali Siciliana | |||
| Verband | Sicilia Football Association | |||
| Konföderation | Confederation of Independent Football Associations (CONIFA) | |||
| Trainer | Giovanni Marchese | |||
| ||||
| (Stand: Juli 2021) | ||||
Die sizilianischi Fuessballnationalmannschaft vo dr Manne (sizilianisch:: Naziunali Siciliani di Palluni) representiert Sizilie uf internationali Ebeni bi Spiil vo dr CONIFA. D’Mannschaft wird vo dr Sicilia Football Association (kurz: Sicilia F.A.) kontrolliert. Sie wird umgangssproochlich au Naziunali Siciliana bezeichnet.
D'Sicilia F.A. isch im Joor 2020 gründet worde. Sie isch zwar wäder FIFA- no UEFA-Mitglied, aber dafür sit 2021 Mitglied vo dr CONIFA, und cha wegedem bi de Wältfuessballmeisterschafte und Europa-Fuessballmeisterschafte vo dr CONIFA mitmache.[1]
Gschicht ändere
In dr Vergangeheit hät’s in Sizilie sittens Journalischte und Sizilianischte immer wieder Forderige ge, dass e sizilianische Fuessballteam sötti etabliert wärde.[2][3][4] 2019 isch es denn sowit gseh, nachdäm durch e Gründigskommittee, bestehend us de drei sizilianischi Großstädt Palermo, Catania und Messina, die erschte Kontakte mit der CONIFA g’knüpft worde sin.[5] Am 15. Mai 2020 isch denne d'Sicilia F.A. offiziell g’gründet worde und ihri öfentlichi Aktivitäte hänn im 2021 aagfange.
By de Gründig hän Salvatore Mangano (Messina) als Präsidänt, Angelo Priolo (Palermo) als Vizepräsidänt, sowie Fabio Petrucci (Palermo) als Generalsekrätar ihri Arbeit uufgnoh. S’Amt als Generaldirektor hät Alberto L’Episcopo (Catania) - e frühere Manager vom Serie-A-Team Chievo Verona - übernooh. L’Episcopo isch in de Vergangeheit au Manager bim F.C. Messina, sowie Marketing Manager bi dr Malta Football Association gsi. Pietro Cannistrà und Benedetto Bottari, zwei Schlüsselfigure im Uffstieg vom S.S. Milazzo in der Lega Pro-sind jewyls zum Head of Sporting Area und zum Teammanager usgwählt worde.
Eins vo de primäre Zyle vo dr Sicilia F.A. isch s'Fördere von e sizilianische Nationalbewusstsy durch em Fuessball. D’Initiative von e sizilianischi Fuessballmannschaft basiert uf dr Überzügig, dass Sizilie e staatelosi Nation isch, mit syni eigeni geografischi, gschichtlichi und kulturelli Bsunderheite, sowie au en eigini Sprooch.[6] Die Sicilia F.A. hät bereits e Zsämmenarbet mit dr Akademie für sizilianischi Sprooch (”Accademia della Lingua Siciliana”) und mit em Kulturverein “Lu Statutu” unterzeichnet, um die Primärzyl z’erreiche.
Ziemlich bald nach dr Entstehig vo dr Sicilia F.A. hän verschiedeni Medie uf Sizilie drüber fantasiert, dass internationali Stars wie Mario Balotelli oder Vincenzo Grifo s’Trikot vo dr sizilianischi Mannschaft könnte trage.[6][7]
Die erschti zwei Fuessbalverbänd wo d Sicilia F.A. Offiziell anerkannt hän, sind die beide Fuessballverbänd vo Sardinie und Korsika gseh. De Global Executive Committee vo dr CONIFA hät am 27. Juni 2021 d'Ufnahm vo Sizilie als Mitglied vom Verband zuegstimmt.[1]
Mannschaftsfarbe ändere
Die offizielli Farbe vo dr sizilianische Fuessballnationalmannschaft sind rot und gääl, wie uff dr sizilianische Flagge. S'Logo vo dr Sicilia F.A. basiert uf der Flagge vo dr sizilianische Vesper und enthält s'Motto “Animus Tuu Dominus” (d’Muet söll di Herr sy), wo bereits 1282 vo de sizilianische Revolutionäre während em Ufstand gege s’Huus Anjou gnutzt worde isch. S'Logo isch im Juni 2021 durch en Abstimmig uf de soziale Medie vo sizilianische Fuessballfans und von e Fachjury bstimmt worde.
Spielkleidig ändere
D’Spielkleidig vo der Sicilia F.A. basiert uff dr Geschicht vo Sizilie. Insgesamt wärde drei Mannschaftstrikots gnutzt:
- 1: “Vèspiru”: rot und gääl mit em Emblem vo der sizilianische Triskele, zu Ehre vo de sizilianische Revolution vo 1282;
- 2: “Fidiricu”: wys mit 4 roti und gääli Streife und em hohestaufische Adler, zu Ehre vo dr königliche Flagge vom König Friedrich III. vo Sizilie im Joor 1296;
- 3: “Ruggeru”: blau mit rot-gääl karierti Streife, zu Ehre vo dr Entstehig vom Königreich Sizilie durch König Roger II. im Joor 1130.
Weblinks ändere
Fuessnote ändere
- ↑ 1,0 1,1 CONIFA welcomes the Sicilia Football Association (en) CONIFA offizielle Webpage. 9. Juli 2021. Abgrüeft am 10. Juli 2021.
- ↑ Nazionale di calcio siciliana (it) L'Altra Sicilia. 12. August 2003. Abgrüeft am 10. Juli 2021.
- ↑ Una nazionale di calcio siciliana. Che ne pensate? (it) BlogSicilia. 21. Juni 2010. Abgrüeft am 10. Juli 2021.
- ↑ Una nazionale di calcio della Sicilia? C'è la proposta degli indipendentisti (it) goal.com. 12. Oktober 2017. Abgrüeft am 10. Juli 2021.
- ↑ Nazionale siciliana di calcio, l'idea parte da Messina. Ecco i primi nomi (it) Gazzetta del Sud. 4. Mai 2021. Abgrüeft am 9. Juli 2021.
- ↑ 6,0 6,1 Nasce la Nazionale di calcio della Sicilia: i giocatori che potrebbero farne parte (it) calciopolis.it. 11. Mai 2021. Abgrüeft am 10. Juli 2021.
- ↑ Nazionale di calcio della Sicilia, l'idea tenta il decollo: contest per il logo ufficiale (it) Palermo Today. 11. Mai 2021. Abgrüeft am 10. Juli 2021.