Somogy

Somogy

Komitatssitz	Kaposvár
Flächi	6035,86 km² (5. Platz)
Ywohnerzahl	325'024 Ywohner (, 13. Platz)
Bevölkerigsdichti	53,8 Ywohner pro km²
Dialekt	Transdanubischi und Süddialäkt (Dunántúli és déli nyelvjárások)
ISO-3166-2-Abchürzig	`HU-SO`

Somogy (Ussproch: [ˈʃomoɟ], dt. die Schomodei) isch e Komitat im Südweste vo Ungarn, südlig vom Balaton (Plattesee). De Komitatssitz heißt Kaposvár.

Geografy

S Komitat gränzt im Weste an Zala, im Norde an Veszprém, im Nordoste an Fejér und im Oste an Tolna und Baranya. Südlig devo litt Kroatie. Di nadürlige Gränze sin im Weste s Hügelland vo Zala, s Hügelland vo Tolna und Baranya, im Norde de Plattesee und im Süde d'Drau (Dráva).

E Großdeil vom Komitat bstoht uss Flachland; im Oste git's zwar vereinzelt Hügel, wo aber nit höcher wie 300 Meter sin. Somogy isch relativ rych an Wasser: d'Drau und d'Kapos fließe durch s Komitat und an de nördlige Gränze litt de Balaton, de gröscht See vo de Pannonische Diefebeni.

Gschicht

1 – vo Somogy zu Zala
2 – vo Somogy zu Fejér
3 – vo Somogy zu Baranya
4 – vo Veszprém zu Somogy
5 – vo Tolna zu Somogy
6 – Veszprém
7 – Fejér
8 – Vas
9 – Zala
10 – hüttigi Komitatsgränze
11 – Komitatsgränze bis 1949
12 – spöteri Komitatsgränze

S Komitat isch in sine hüttige Gränze durch d'Komitatreform vom Johr 1950 entstande. D'Gränze entspräche denne vom historische Komitat (vármegye) Somogy, woby Deile vo sällem an di hüttige Komitat Baranya, Fejér und Zala hän mieße abgee werre, während vo Tolna und Veszprém neui Gebiet dezüecho sin (lüeg Bild).

Verwaltigsglyderig und gröschti Städt

S Komitat wird in 11 Chleigebiet ydeilt und bstoht insgsamt uss 245 Gmeinde. Di gröschti Stadt isch Kaposvár mit 67'746 Ywohner, wo glychzitig au de Komitatssitz ("megyeszékhely") isch.

Wirtschaft

In de Landwirtschaft spylt s Wy-Land südlig vom Balaton e wichtigi Rolle; es isch ca. 3500 Hektare groß. Dört git's rund 4000 Wybure in 16 Gmeinde; in sällem Gebiet isch scho zu de Römerzit Wy broduziert worre.

S Undernähme mit em gröschte Erdrag isch (2006) d'MOL Földgázszállító Zrt. gsi (s 20.-gröscht Undernähme vo Ungarn).

Tourismus

D'Zyl vo de meiste Touriste sin s südlig Ufer vom Balaton, s Somogy-Hügelland, d'Heilbäder (zum Bispyl z Nagyatád, Kaposvár, Barcs, Siófok-Igal und Csokonyavisonta) und d'Donau. S Somogy-Hügelland mit sine Dörfer wird als ruhig gschätzt; usserdem gältet s Wygebiet südlig vom Balaton als eini vo de schönste Gegende, wo d'Donau z biete hät.

Ungarndütschi Ortsnämme

Ungarndütschi Ortsnämme im Komitat Somogy

Bartsch, Draustadt - Barcs
Niksbrod – Bize
Bonna, Punnia - Bonnya
Besinge - Bõszénfa
Etschi – Ecseny
Füssen - Somogyfajsz
Gadatsch - Gadács
Gerstlek - Kercseliget

Hommigg - Kaposhomok
Kötsching - Köcse
Niklasing - Miklósi
Nagotsch - Nágocs
Polern - Polány
Sil - Somogyszil
Sulk - Szulok
Wetz - Vásárosbéc

Weblink

Commons: Komitat Somogy – Sammlig vo Multimediadateie

Dä Artikel basiert uff ere fräie Übersetzig vum Artikel „Somogy_megye“ vu de ungarische Wikipedia. E Liste vu de Autore un Versione isch do z finde.