Schpanischi Fuessballnationalmannschaft
| |||
| Spitznäme | El Toro, La (Furia) Roja | ||
| Verband | Real Federación Española de Fútbol | ||
| Konföderation | UEFA | ||
| Technische Sponsor | Adidas | ||
| Trainer | Luis Enrique Martínez | ||
| Kapitän | Iker Casillas | ||
| Rekordtorschütz | David Villa (59) | ||
| Rekordspiiler | Iker Casillas (156) | ||
| FIFA-Code | ESP | ||
| FIFA-Rang | 8. (1636 Pünkt) (Stand: 11. Juni 2020)[1] | ||
| |||
| Bilanz | |||
|---|---|---|---|
| 580 Spiil 328 Siig 138 Unentschiide 114 Niiderlage | |||
| Statistik | |||
Erschts Länderspiil Spanie 1:0  Dänemark(Brüssel, Belgie; 28. August 1920) | |||
Höchste Siig Spanie 13:0  Bulgarie(Madrid, Schpanie; 21. Mai 1933) | |||
Höchsti Niiderlag Italie 7:1 Spanie (Amsterdam, Niderlande; 4. Juni 1928)  Ängland 7:1 Spanie(London, Ängland; 9. Dezember 1931) | |||
| Erfolg bi Turnier | |||
| Weltmeisterschaft | |||
| Endrundenteilnahmen | 13 (Ersti: 1934) | ||
| Besti Ergebnis | Final 2010 | ||
| Europameisterschaft | |||
| Endrundeteilnahme | 8 (Erste: 1964) | ||
| Besti Ergebnis | Europameischter 1964, 2008 | ||
| Konföderatione-Pokal | |||
| Endrundeteilnahme | 1 (Erste: 2009) | ||
| Besti Ergebnis | Dritter 2009 | ||
| Olympischi Spiil
| |||
| Silber | 1920 | ||
| (Stand: 7. Juli 2010) | |||
Di schpanischi Fuessballnationalmannschaft (span.: Selección de fútbol de España) isch d Uswahl vom schpanische Fuessballverband Real Federación Española de Fútbol. Schpanie isch im 1964, im 2008 und im 2012 Europameischter gsi.
Gschicht
ändereFrühi Johr
ändere
Wi fascht überall z Kontinentaleuropa isch de Fuessball au uf Schpanie vo Ängland us cho. Schpanie isch eis vo de Gründigsmitglid vo de FIFA gsi, het aber zu dere Zit no kein natiponale Verband gha. Dodefür de Verein Madrid F.C., s hütige Real Madrid Schpanie verträte. Di erschti Mannschaft isch für di Olympische Spil im 1920 z Antwerpe ufgschtellt worde und het s erschti Länderschpil am 28. Ougschte 1920 z Brüssel gäge Dänemark gha. Schpanie het den Match 1:0 gwunne. Zum Schluss vom Turniir het Schpanie d Silbermedaille übercho und wäge sinere Art z spile ihre Übernäme, wo si bis hüt hei: la furia roja (alem.: di roti Furie). S erschti Mol z Schpanie het d Mannschaft am 7. Oktober 1921 z Bilbao gschpilt, gäge Belgie, wo si 2:0 gwunne het. Bi de Olymische Spil im 1924 und im 1928 isch Schpanie jewils gäge Italie usgschide, einisch in de Vorrunde, bim zweite Mol im Virtelfinal. En bsunderer Match isch im 1929 s Spil gäge Ängland gsi, will Schpanie gwunne het und des für d Ängländer di erschti Nidelag gäge es Team isch gsi, wo nöd vo de Britische Insle isch gsi.
Erschti Wältmeisterschaftsteilnahm
ändereIm 1930i het Schpanie uf e Teilnahm an de WM z Uruguay verzichtet gha, isch dann aber im 1934 z Italie derbi gsi. Nach eme Unentschide gäge Italie im Virtelfinal hets es Widerholigsspiil gäh, wo Schpanie 1:0 verlore het. De Match isch sehr umschtritte gsi und de Schwiizer Schiri isch im Aaschluss ans Spil vo sim Verband läbeslang gschperrt worde.[2][3] Wägem Schpanische Bürgerchrieg het Schpanie in de nächschte Johr kei Länderspil me ustrage.
Nach em zwoite Wältchrieg
ändereSchpanie het dann wider bi de WM im 1950i z Brasilie teilgnoh. D Mannschaft isch in d Finalrundi cho und isch derte 4. worde. Im 1954i und im 1958i het sich s Team nöd chönne qualifiziire. Wo im 1954 d UEFA gründt worde-n-isch, isch Schpanie eis vo de Gründigsmitglider gsi. Us politische Gründ het’s Franco-Regime de Nationalmannschaft d Teilnahm an de EM im 1960i verbote, will s Team hetti müesse uf Moskau reise und gäge d Sowjetunion spile. D UEFA het dänn s Hin- und s Rückspil jewils mit 3:0 für d Sowjetunion gwertet.[4] Im 1964i, wo d EM dann z Schpanie schtattgfunde het, het di Schpanisch Nationalmannschaft gäge d Sowjetunion im Final gwunne und isch Europameischter worde. Nch dem Erfolg isch es nüm so guet gloffe. Schpanie het sich hüfig nöd chönne qualifiziire oder isch, wi bi de WM 1962, 1966 und 1978 und bi de EM 1980 scho in de Vorrundi usgschide. Au di Heim-WM im 1982, wo d Schpanier so vil Hoffning hei gha, isch enttüschend gsi. Schpanie isch in de Zwüscherundi usgschide.
Im 1984i hets dann zu de Vizeeuropameischteschaft glangt, wo me z Frankriich gäge de Gastgeber de Final verlore het. Bi de nächschte Turnir isch für Schpanie dann meischt im Virtelfinal Schluss gsi: Bi de WM 1986 gäge Belgie im Penalty-Schüsse, bi de WM 1994 gäge Italie, bi de EM 1996 gäge Ängland im Penalty-Schüsse, bi de EM 2000 gäge Frankriich und bi de WM 2002 gäge Südkorea. Bi de WM 1998 isch Schpanie scho in de Vorrundi usgschide. Bi de EM 2008 z Öschtriich und in de Schwiiz isch Schpanie dann zum zwoite Mol Europameischter worde. Im Endschpil het s schpanische Team z Wien gäge Dütschöand 1:0 gwunne.
WM 2010 z Südafrika
ändereBi de Wältmeischterschaft z Südafrika im 2010 het Schpanie de Uftaktmatch gegä d Schwiiz 1:0 verlore, aber di nächschte Match alli gwunne. Zum Schluss hei si sich im Endschpil gäge d Niderländer mit 1:0 in de Verlängerig chönne düresetze und hei so de Titel gholt.
EM 2012 z Pole und i de Ukraine
ändereBi de Europameisterschaft z Pole und i de Ukraine im 2012 het Schpanie als erschti Mannschaft de Titel chönne verteidige und dodemit als erschti europäischi Mannschaft drei Titel in Folg gwinne.
WM 2014 z Brasilie
ändereBi de Wältmeischterschaft z Brasilie im 2014 isch Schpanie scho i de Gruppephase uusgschide.
Weblink
ändere
Commons: Schpanischi Fuessballnationalmannschaft – Sammlig vo Multimediadateie- Offizielli Website vo de schpanischen´ Nationalmannschaft
- Website vom schpanische Verband
- Schpanie uf FIFA.com
Einzelnochwis
ändere- ↑ Die FIFA/Coca-Cola-Weltrangliste. In: fifa.com. 11. Juni 2020, abgruefen am 14. Juni 2020.
- ↑ Die schwarze Liste. In: ballesterer fm. 1. Juni 2006, abgruefen am 30. Mai 2010.
- ↑ WM-Historie: Highlights ohne Ende. In: Stern. 21. Juni 2006, archiviert vom Original am 8. Juli 2010; abgruefen am 30. Mai 2010.
- ↑ Als Spanien und Russland fast die EM sprengten. In: Der Spiegel. 21. Juni 2006, abgruefen am 30. Mai 2010.