Kapell Sankt Sebastian uf dr Splee oder nur Spleekapell isch e Kappell im schwiizerische Ort Sargans.

D Spleekapell troont über em Städtli

Dr Name Splee isch historisch nid gnau überliferet, me denkt aber, dass es vum romanische spelunca chunnt, wo uf alemannisch «Berghöli» heisst. D Kapell liit uf nem Hügel, so dass me ir nöchi vur Kapell e Berghöli findet. Si isch vum 1501 bis 1502 baut worde, dr Buumah isch abr unbekannt. Am 24. April 1502 isch si dor de Weihbischof Stephan Tschuggli vo Chur zu Ehre vom Heilige Sebastian, Jodocus, de Maria, em Jacobus, Bartholomäus, Christopherus, Antonius, de Barbara und de Dorothea gweiht worde. D Kappell isch ir Zyt baut worde, wo s im St. Galler Rhytal und im Seeztal zu viilne Peschtfäll cho isch. Si isch drum am Heilige Sankt Sebastian gwidmet, wo als Peschtheilige gilt und mit dr Kapell, d Pescht vur Region verschone sött. Oberhalb vum Altar befindet sich es Fotti vum Bild vum Sankt Sebastian, wo vum Josef Kaufmann gmalet worde und während ere Renovation im 18. Jahrhundert ahmontiert worde isch. D Kapell gköhrt zum Bischtum Sanggalle.

Fund vu früeher Zyt hend beleit, dass unterhalb vur Kapell sich e urgschichtlichi Füürstell befunde hett, wo für religiösi Ritual benützt worde isch. Während em 16. Jahrhundert isch es i de Spleekapell zu über 1'000 Prozessione cho. Me cha also säge, dass d Splee sit meh als 2000 Johre e religiösi Stett isch.

Weblink ändere

  Commons: Splee-Kapelle St. Sebastian – Sammlig vo Multimediadateie