Spui

S Spui isch e Fluss z Holland.

d Fääri bi Hekelinge

Das Gwässer isch es Stück vom Flussnetz im wytlöifige Delta vom Rhy und vo dr Maas südlech vo dr Nordsee. Es isch öpe 16 Kilometer läng und lyt zwüsch dr Oude Maas und em Haringvliet, wo beides grösseri Flüss i däm Gebiet sind. Wenn uf em Meer Ebbe und Fluet wächsle, cheert au s Wasser im Spui d Flüssrichtig.

Es git kei Brugg übere Spui, aber e Fääri, wo zwüsche de Dörfer Nieuw-Beijerland und Hekelinge fahrt.

Weblink

• S Spui uf rijkswaterstaat.nl