Square Colbert (Reims)

Dr Square Colbert [skwaʁ kɔlbɛʁ] ìsch a klainer Schpàziargàrta-n-ìm Schtàdtzäntrum vu Reims. Ar lììgt àm Zäntrum vu da Promenades de Reims äntlàng em Boulevard du Général-Leclerc, grààd vor’m Reimser Hàuiptbàhnhoof. Ar ìsch a 1,1 ha grooss. Ìn dr Mìtta vum Gàrta-n-ìsch a Schtàtüüta vum Jean-Louis Colbert, em Minìschter vum Keenig Ludwig XIV., wo dr Bìldhàuijer Eugène Guillaume ànna 1860 gmàcht hàt — dr Colbert ìsch z’ Reims uff d’ Walt kumma.

dr zäntrààla Tail vum Square Colbert mìt dr Schtàtüüta

Dialäkt: Mìlhüüserdiitsch

Gschìcht

S’ Gàrta-n-ìsch ànna 1828 ärschtällt worra, àwwer hàt sii Nàmma numma-n-ìm Joohr 1860 bikumma, wu maa noch dr Bàhnhoof hàt düa bàuija. Ar lììgt àn dr Schtälla vum ehamooliga Plàtz vum Boulingrin Central, wo ànna 1730 ärschtällt worra gsìì ìsch.

Ànna 1904 hàt maa zwìschem Boulevard Louis-Roederer un em Square Colbert a Gebäi fìr d’ Büroo vu dr Bàhngsällschàft vum Reimser Ràuim (chemins de fer de la Banlieue de Reims) bàuija. S’ Gebäi ìsch zwìscha 1921 un 1934 àbgrìssa worra. Ànna 1919 hàt sìch a Ührmàcher zittawiis uff da Basses Promenades nììdergloo, wial sii Gschaft àn dr Rue Colbert ìm Äärschta Waltkriag zärschteert worra gsìì ìsch. Àm And vum Zwaita Waltkriag hàt maa ànna 1945 vorschtällt, d’ Schtàtüüta vum Colbert durs Dankmol fìr d’ G’màrterta vum Wììderschtànd z’ ärsätza; dia Vorschtällung hàt d’ Schtàdtverwàltung jedoch nìt ààgnumma.

Ànna 2018/19 sìnn àm Square Colbert groossa Àrweta gsìì: maa hàt d’ Schàtüüta-n-ärfrìscht, dr Ràuim àm Gàrtarànd änthìllt un d’ Waagla näi gschtàlta. Àn dr Sitta vu da Waagla hàt maa-n-a 190 Meeter lànger runder Bànk g’sätzt. Ànna 2020 ìsch dr Gàrta nochamol umgschtàlta worra. Ìm Dezamber 2023 hàt maa-n-a groosser Tail vum Gàrta näi gepflànzt.

Pflànza

Ìm Gàrta sìnn äbba 80.000 Pflànza: bii dana 3.900 Aiba, 74.500 àlljaahrliga Pflànza un 93 Baim. Bii da Baim sìnn unteràndrem a Ginkgo, a jàpàànischer Schnüarbàuim, a Rootbüecha, a Araukàària un a Tulwabàuim.

a pààr Bìlder

• 
  Ààsìchtskàrta üss’m Joohr 1910: dr Square Colbert mìt’m Reimser Mìnschter ìm Hìntergrund
• 
  Nordwäschtiigàng
• 
  Süüdwäschtiigàng mìt Pflànza
• 
  uff’m Platzla-n-ìsch a runda Waagla fìr schpàziara
• 
  d’ Schtàtüüta vum Jean-Louis Colbert
• 
  dr Owertail vu dr Schtàtüüta
• 
  d’ Sitta vu dr Schtàtüüta
• 
  s’ Müüsikfascht (Flâneries Musicales) àm Square Colbert ànna 2013
• 
  dr Bàhnhoof vum Square Colbert har gsah

Lìteràtüür

• Michel Racine: Jardins en France : Nouveau guide illustré. 6. Auflage. Actes Sud, Arles 2004, ISBN 2-7427-4782-6, S. 139 (französisch, Iigschränkti Vorschau uf books.google.de). 
• Colbert, square Jean Baptiste. In: Jean-Claude Thuret (Hrsg.): Reims, ses rues et ses lieux. Gegema, Crestic, RHA, Reims 2011 (französisch, blogspot.com [abgerufen am 29. Januar 2024]). 
• Hier/aujourd’hui à Reims : le square Colbert de 1860 à nos jours. In: L’Union. 27. Januar 2023 (französisch, lunion.fr [abgerufen am 29. Januar 2024]). 
• PHOTOS. Le square Colbert à Reims de 1930 à nos jours. In: L’Union. 14. September 2018 (französisch, lunion.fr [abgerufen am 29. Januar 2024]). 

Weblìnks

 Commons: Square Colbert à Reims – Sammlig vo Multimediadateie

• dr Square Colbert biim Comité des Parcs et Jardins de France (frànzeesch)
• Bìlder vum Square Colbert bii Reims Avant (frànzeesch)

Ainzelnoohwiisa

Dä Artikel basiert uff ere fräie Übersetzig vu dere Version vum Artikel „Square_Colbert_(Reims)“ vu de französische Wikipedia. E Liste vu de Autore un Versione isch do z finde.

49.258184.02578