St.-Matthias-Inseln

D St.-Matthias-Insle (au Mussau-Insle) sin e Gruppe vu zeh Vulkaninsle, nerdli vu Neiirland im Bismarck-Archipel im Weschtpazifik. Bolitisch ghere si zue dr Provinz New Ireland z Papua-Neiginea.

St.-Matthias-Inseln
St.-Matthias-Insle mit dr Hauptinsle Mussau St.-Matthias-Insle mit dr Hauptinsle Mussau
Gwässer	Pazifik
Archipel	Bismarck-Archipel
Geografischi Lag	1° 35′ S, 149° 49′ O-1.5833333333333149.81666666667
St.-Matthias-Inseln (Papua-Neuguinea) St.-Matthias-Inseln
Zahl vo de Insle	ca. 10
Hauptinsle	Mussau
Gsamtflechi	ca. 480

Geografi un Natur

Di grescht un au nerdligscht vu dr Insle isch Mussau. Di hegscht Hebig isch dr Eunainaun uf Mussau mit 650 m. In Richtig Sidweschte lige derno d Insle Eloaua, Emananus, Boliu, Emussau, Ebanalu, Ekaleu un e baar chlaineri Insle. In Richtig Oschte vu Mussau uus gsääne lige Emirau un Tench Island.

D St.-Matthias-Insle sin vu BirdLife International as Vogelschutzbiet fir endemischi Vogelarte (Endemic Bird Areas, EBA) yygstuft wore. E Unterart vu dr Spächtpapageie, dr St.-Matthias-Spechtpapagei (Micropsitta meeki proxima) chunnt nume uf Mussau un Emirau vor. Dr Wyssrucke-Monarch oder St.-Matthias-Monarch (Monarcha menckei) un dr Schwarzbruscht-Fächerschwanz (Rhipidura matthiae) sin endemisch un au as „fascht bedroht“ yygstuft.

Gschicht

Di erschte Europäer, wu zue dr Tabar-Insle chuu sin, sin di niderländische Seefahrer Jacob Le Maire un Willem Cornelisz Schouten im Juni 1616 gsii. Vu 1885 bis 1899 het d Inselgruppe zum sognännte „Dytsche Schutzbiet“ un vu 1899 bis 1914 zue dr Koloni Dytsch-Neiginea, Verwaltigsbezirk Neumecklenburg-Süd ghert.

Uf Mussau sin am 1. April 1901 bin eme Aagriff vu Yyhaimische, dr Finanzier un Laiter vu dr Mencke-Expedition, dr Bruno Mencke un drei vu syner Beglaiter um s Läbe chuu. As Reaktion dodruf hän im Summer 1901 Aagherigi vu dr Bolizeidruppe un e Landigsabdailig vum Chryzer SMS Cormoran unter em Kommandant Korvettekapitän Max Grapow bin ere „Strofexpedition“ e Massaker unter dr Bewwohner vu dr Insle aagrichtet.

Anne 1914 sin d Insle vu auschtralische Druppe eroberet un noch em Erschte Wältchrieg as Mandat vum Velkerbund vu Auschtralie verwaltet wore. Syt 1975 sin si Dail vum unabhängige Staat Papua-Neiginea.

Weblink

• Saint Matthias Islands uf oceandots.com
• Mussau, Deutsches Kolonial-Lexikon. Band 2, S. 606, Leipzig 1920