D Stadler Rail isch e Schwizer Aktiegsällschaft, wo vor allem Regionalzüg herstellt.

Stadler Rail
Logo
Unternähmensform Aktiegsällschaft
Gründig 1942[1]
Sitz Bussnang
Leitig

Markus Bernsteiner (Gschäftsfüerer)
Peter Spuhler (Verwaltigsrotspresidänt)

Mitarbeiter 3'500 (2011)
Umsatz 1'077 Millione CHF (2010)
Branche Fahrzügbau
Produkt

Schinefahrzüg

Uffdritt im Netz www.stadlerrail.com

Gschicht ändere

S Undernämme isch 1942 dur de Ernst Stadler z Züri gründet worre; d Broduktion hät im Johr 1945 agfange. Sit 1962 isch de Undernämmessitz z Bussnang im Kanton Thurgau. Personezüg sin aber erscht ab 1984 broduziert worre; vorher hät's vo Stadler numme Draktore zum Rangiere gee. De erscht GTW 2/6 hät's 11 Johr spöter gee.

Im Johr 2001 isch di zweiti Montaschehalle z Bussnang baut worre; 2004 isch di dritti gfolgt.[1]

Übernahme vo andere Undernämme ändere

  • Schindler-Werk (1997; hütt Stadler Altenrhein AG)
  • Zahnradbahn vo de ehemolige SLM (1998)
  • Stadler Pankow GmbH (2001)
  • Winpro AG (2005; hütt Stadler Winterthur AG)[1]

Brodukt ändere

 
de GTW (zweidürigi Usfiehrig)
 
de Regio-Shuttle RS1 als Südthüringer Bahn
 
de FLIRT
 
de Tina

Bi siner Broduktion fokussiert sich s Undernämme uff d'Segmänt Regional- und Vorortsverchehr, Stroße- und Zahnradbahne, [...] Einzel- und Sunderfahrzüg, [...] Chlei- und Mittelserie und [...] Modernisierig vo Schynefahrzüg.[2] Do di drei bekannteste Brodukt (lüeg au Bild):

  • De Glänkdrybwage (GTW) erkännt mer am Power-Modul in de Mitti vom Zug, wo de Zug demit adrybe wird und wo's für d Passagier e Durchgang dure git. De Ruum für d Passagier isch relativ groß, wyl innerhalb vom Zug keini Adrybskomponänte sin. Es git näbe de Standard-Usfiehrig mit zwei Düre au drei- und vierdürigi Züg; bi de dreidürige git's usserdem Usfiehrige mit einem und mit zwei Power-Modul. Es sin bisher meh wie 430 GTW verchauft worre, wo de Zug demit s beliebtest Brodukt vo Stadler isch.[3]
  • De Regio-Shuttle RS1 beinhaltet Abstellrüm (z. B. für Chinderwäge, Velos, Rollstiehl etc.), e Mehrzweckruum und Informationssystem für d'Passagier. Mit sällem Modäll cha schnäller uff bis zu 120 Stundekilometer beschleunigt werre.[4]
  • De FLIRT isch bsunders lyslig und macht au Behinderte, Lüt mit Chinderwäge oder vyl Gepäck s Ystyge lychter. S Wort FLIRT stoht für Flinker Leichter Innovativer Regionaltriebzug. In dem Zug hät durch d Mithilf vo de BÖV au e Behinderte-Toilette chönne ybaut werre. De FLIRT git's in fümf verschydene Länge.[5]
  • D Stadler He 4/4 isch di stärchscht Zahrad-Loki vo de Wält. Si isch s erschtmol 2012 för e Isebahn-Gsellschaft z Brasilie baut worde und chömed uf de rund 10 km lange Bärgschtrecki zwüsched Raiz da Serra und Paranapiacaba (810 m) zum Iisatz. Da isch e Schtrecke-Abschnitt vo de Linie Santos, de gröschte Hafestadt vo Südamerika, noch Sao Paulo ufe und überwindet en Höeunderschid vo öpe 800 Meter.[6]

Standort ändere

In de Schwiz git's drei Standort, nämlig z Bussnang, wo di meiste vo de Mitarbeiter schaffe, z Alterhy und z Winterthur. De dütsch Standort isch sit 2002 z Pankow (Berlin), di ungarische sit 2005 z Budapest, z Pusztaszabolcs und z Szolnok und de polnisch sit 2006 z Sidlce. Sit 2008 git's Stadler-Züg au z Algerie.[1][7]

Weblink ändere

  Commons: Stadler Rail – Sammlig vo Multimediadateie

Quälle ändere

  1. 1,0 1,1 1,2 1,3 Stadlerrail/Geschichte Archivlink (Memento vom 3. Juni 2009 im Internet Archive)
  2. übersetzt zitiert noch Archivierte Kopie. Archiviert vom Original am 26. April 2009; abgruefen am 30. April 2009., abgrüefe am 30. Abril 2009
  3. stadlerrail.com/GTW
  4. stadlerrail.com/Regio-Shuttle Archivlink (Memento vom 27. März 2009 im Internet Archive)
  5. stadlerrail.com/FLIRT
  6. Die stärkste Zahnrad-Lokomotive der Welt, Artikel vom Thomas Gerber, uf srf.ch Wissen Technik, vom 29. Mai 2013
  7. Stadlerrail/Standorte Archivlink (Memento vom 16. Mai 2009 im Internet Archive)