Stephan Burger
De Stephan Burger (* 29. April 1962 z Friburg) isch Erzbischof vu Friburg un Metropolit vu de Oberrhiinische Kilcheprovinz.
| Dialäkt: Friburgerisch (eltere Stadtdialekt) |
Leewe
ändereDe Stephan Burger sich z Leffinge mit Alemannisch als Muetersproch ufgwachse.[1] Er het zwee Brieder un e Schweschter.[2] Sin Brueder Tutilo Burger OSB isch sit 2011 Erzabt vu de Benediktiner-Erzabtei Beuron.[2]
No de Grundschuel un de Realschuel isch er uf s Internat Hersberg z Immestaad gange. Er isch in s Collegium Borromaeum, s domolig theologisch Konvikt z Friburg, iidrette un het an de Universitete Friburg un Minche Philosophi un Theologi studiert. Am 20. Mai 1990 het er im Friburger Minschter d Prieschterweih empfange un het si Primiz in Sankt Michael z Leffinge gfiirt.[3] Er isch zerscht Vikar z Tauberbischofsheim un z Pforze gsi. Ab 1995 isch er zerscht Pfaaradministrator un schließlig Pfaarer vu St. Mauritius z St. Leon-Rot gsii. Parallel het er vu 2004 bis 2006 ei kilcherechtlig Lizenziatsstudium am Kanonistische Institut vu de Universitet Münster absolviert.
Am Offizialat, em Kilchegricht vu de Erzdiözese Friburg, isch er sit 2002 Ehebandverteidiger (Defensor vinculi) gsi, sit 2006 Kilcheaawalt (Promotor iustitiae) un sit 2007 Offizial un Leiter vum Kilchegricht. Er het unter anderem s Seligsprechungsverfahre vum NS-Opfer Max Josef Metzger betreit. Vu 2013 bis 2014 isch er Domkapitular gsii.[4]
Erzbischof vu Friburg
ändereAm 30. Mai 2014 isch de Burger vum Papscht Franziskus as Noofolger vum Robert Zollitsch zum Erzbischof vu Friburg ernennt wore.[5] D Bischofsweih un fiirlig Amtsiifierung dur si Vorgänger Robert Zollitsch isch am 29. Juni 2014 im Friburger Minschter gsi. Mitkonsekratore sin de Bischof vu Mainz, de Karl Kardinal Lehmann un de Bischof vu Rauteburg-Stuegert, de Gebhard Fürst, gsi. De Stephan Burger het de Wahlspruch Christus in cordibus („Christus in de Herz“) gwehlt, wu us em Brief vum Paulus an d Epheser (Eph 3,17 EU) kunnt.[6]
Sin Vorgänger Robert Zollitsch het de Burger bi de Vorstellung vum neie Erzbischof „im guten Sinne konservativ“ un e „Mann der Mitte“ gnennt.[7]
De Stephan Burger isch uf de Spotjohrsversammlung 2014 vu de Ditsche Bischofskumferenz zum Mitglid vu de Kummission Weltkilche un zum Vorsitzer vu de Unterkummission fir Entwicklungsfroge (vor allem MISEREOR) un zum Mitglid vu de Bischeflige Arbetsgruppe „Arbetsrecht“ beruefe wore. Sit 2016 isch er au Vorsitzer vu de Caritaskummissio´m.[8][9]
Weblink
ändere- Yytrag zue Stephan Burger uf catholic-hierarchy.org, aagluegt am 30. Mai 2014 (englisch)
Fueßnote
ändere- ↑ Wappen für die beiden Theologen, Badische Zeitung, 27. Auguscht 2014.
- ↑ 2,0 2,1 Stephan Burger nun neuer Domkapitular. Schwarzwälder Bote, 21. September 2013, abgruefen am 7. Juni 2014.
- ↑ Löffingen ist stolz auf Stephan Burger. Badische Zeitung, abgruefen am 7. Juni 2014.
- ↑ Offizial (Memento vom 23. Septämber 2015 im Internet Archive), Werdegang vum Stephan Burger uf ebfr.de. Abgruefe am 30. Mai 2014.
- ↑ Nomina dell’Arcivescovo di Freiburg im Breisgau (Germania). In: Bolletino. Sala Stampa della Santa Sede, 30. Mai 2014, abgruefen am 7. Juni 2014 (italiänisch).
- ↑ Neuer Erzbischof von Freiburg: Grußbotschaft an die Gläubigen, You Tube, 30. Mai 2014
- ↑ Stephan Burger ist neuer Erzbischof von Freiburg. Badische Zeitung, abgruefen am 7. Juni 2014.
- ↑ Pressebericht des Vorsitzenden der Deutschen Bischofskonferenz, Kardinal Reinhard Marx, anlässlich der Pressekonferenz zum Abschluss der Herbst-Vollversammlung der Deutschen Bischofskonferenz in Fulda am 26. September 2014. (PDF (114 KB)) In: Pressemeldung Nr. 165. Deutsche Bischofskonferenz, 26. September 2014, S. 18, abgruefen am 26. September 2014.
- ↑ Deutsche Bischofskonferenz: Pressemeldung vom 20. September 2016 - Nr. 175. Archiviert vom Original am 30. September 2016; abgruefen am 12. Oktober 2016.
|
Dä Artikel basiert uff ere fräie Übersetzig vu dere Version vum Artikel „Stephan_Burger“ vu de dütsche Wikipedia. E Liste vu de Autore un Versione isch do z finde. |