Stephan Dabbert
Dr Stephan Dabbert (* 23. Juni 1958 z Braunschweig; † 1. Oktoober 2024) isch e dytsche Agraarekonoom gsii. Är isch vu April 2012 bis zue sym Dood Räkter vu dr Uniwersiteet Hoohaim un Voorstandsmitgliid im Uniwersiteetsbund Hoohaim gsii.[1][2][3][4][5]
Lääbe un Wiirke
ändereDr Dabbert het noch ere Lehr as Buur Agraarwisseschafte an dr Christian-Albrechts-Universiteet z Kiel studiert un het s Stuudium vu dr Agraarekonomy mit em Graad vun eme Master of Science an dr Pennsylvania State University abgschlosse. Är het anne 1990 an dr Uniwersiteet Hoohaim zum Dr. sc.agr. bromewiert mit ere Dissertazioon zum Teema Zur optimalen Organisation alternativer landwirtschaftlicher Betriebe, untersucht am Beispiel organisch-biologischer Haupterwerbsbetriebe in Baden-Württemberg un het si deert 1993 fir s Biet Landwiirtschaftligi Bedriibsleer mit syre Schrift Ökonomik der Bodenfruchtbarkeit habilitiert.
Vu 1992 bis 1994 het er s Inschtitut fir Sozioekonomy am Zäntrum fir Agraarlandschafts- un Landnutzingsfoorschig (ZALF) z Müncheberg glaitet. Syter 1994 het er as Brofässer dr Hoohaimer Leerstuel fir Brodukzioonsteory un Resursenekonoomik im Agraarberaich ghaa. Vu 2000 bis 2002 isch er Dekaan vu dr Fakulteet IV – Agraarwisseschafte II – Agraarekonomy, Agraartächnik un Dierprodukzioon vu dr Uniwersiteet Hoohaim gsii. Vu 2002 bis 2006 isch er Dekaan vu dr fusionierte Fakulteet Agraarwisseschafte z Hoohaim gsii. Am 16. Dezämber 2011 het er si mit eme grooße Mee as intäärne Räkter-Kandidaat geege 13 anderi Bewäärber*ne um d Räkteraatsnoofolg vum Hans-Peter Liebig duuregsetzt. Är het s Amt am 1. April 2012 aadrätte. Am 15. Mai 2017 un am 30. Juuni 2023 isch er wiidergweelt woore.[6]
Dr Dytsch Hoochschuelverband het dr Dabbert 2016 zum Räkter vum Joor gweelt. 2021 isch er deert uf dr dritt, 2023 uf dr zweet Blatz chuu.[7][8][9] Vu 2020 bis 2022 isch er Voorsitzer vu dr Landesräkterkumferänz Baade-Wiirtebäärg gsii. Derzue isch er im wisseschaftlige Byyroot vum FiBL Schwyz gsii.
E Foorschigsschwäärpunkt vum Dabbert sin ekonoomischi Frooge vum ekoloogische Landböu gsii. E zweete Schwärpunkt isch in interdisziplineere Modellierigsaasätz glääge, wu me d Landwiirtschaft uf Landschafts- oder Regionaaleebeni cha abbilde.
Dr Dabbert isch am 1. Oktoober 2024 no schwäärer Chranket gstoorbe.[10][11]
Weblink
ändereFueßnote
ändere- ↑ Senat bestätigt Prof. Dr. Stephan Dabbert als künftigen Rektor
- ↑ Das Rektorat der Universität Hohenheim
- ↑ Stuttgarter Zeitung: Stephan Dabbert erneut beliebtester Rektor in Baden-Württemberg und Nummer zwei in Deutschland
- ↑ Stephan Dabbert in Gerbers biographisches Lexikon S. 319
- ↑ Trauer um Prof. Dr. Stephan Dabbert
- ↑ Stephan Dabbert für eine dritte Amtszeit gewählt
- ↑ Stuttgarter Zeitung, Stuttgart, Germany: Stephan Dabbert ausgezeichnet: Der beliebteste Uni-Rektor kommt aus Stuttgart-Hohenheim – Stuttgarter Zeitung. In: stuttgarter-zeitung.de. Abgruefen am 19. Februar 2016 (de-DE).
- ↑ Im Jahr 2021 erreichte Rektor Dabbert Platz 2 in Baden-Württemberg
- ↑ Dabbert ist am beliebtesten unter den Rektoren im Land, Stuttgarter Zeitung vom 24. März 2023.
- ↑ Klebs: Nachruf. Hohenheimer Online Kurier, 2. Oktober 2024, abgruefen am 2. Oktober 2024.
- ↑ Rektor der Universität Hohenheim gestorben, FAZ, 2. Oktoober 2024.
|
Dä Artikel basiert uff ere fräie Übersetzig vu dere Version vum Artikel „Stephan_Dabbert“ vu de dütsche Wikipedia. E Liste vu de Autore un Versione isch do z finde. |