Stockmihli Musikanten

Dialäkt: Schwäbisch

D Stockmihli Musikanda (zeitweis hend-se sich au Original Schwarzwälder Stockmihli Musikanten ghoißa) send friher amôl a bekannda siddeitscha Volksmusik-Grubbe vo Briilinge em Schwarzwald-Baar-Kreis gwäa. Ihr Repertoire hôt sich hauptsächlich aus Volksmusik em Stil vo de Schlager zammagsetzt, zom Doil gsonga ond zom Doil au instrumental. Dui Grubbe ischt oft en volkstimliche Fernseh-Sendonga ufftredda, zom Beischbiil bei Sidwescht 3 en dr Reihe Drei in einem Boot ond beim Saarländischa Rundfunk en dr Show-Reihe Im Krug zum grünen Kranze, wo vom Ehepaar Ruth Mönch ond Willy Seiler moderiirt wôrra ischt. Deet send-se sogar d Haus-Kabell gwäa. Au a Turnee durch Japan, Kanada, Finnland, Griichaland ond Australia hend dia Musikanda gmacht. Am 4. September 2004 hend-se ihr ledschds Konzert gäa, kurz bevor-se ihr 50-jährigs Jubileom hedded feira kenna.

Quell

Artikl vo dr Dorothea Schwarz en dr Tageszeidong Südkurier vom 26. Februar 2005