Alemannische Wikipedia

Svetlin Roussev

bülgàrischer Giiger
Dialäkt: Mìlhüüserisch

Dr Svetlin Roussev (bülgàrisch Светлин Русев; diitscha schrìftliga-n-Ìwwersätzung Swetlin Russew; * 5. Àwrìl 1976 ìn dr Schwiiz) ìsch a bülgàrischer Giiger, wo-n-unter da bekànntescht klàssischa Müüsikànta vu siim Lànd zeehlt.[1][2] Ar hàt vor àllem ìm Frànkriich un ìn dr Schwiiz gschpìelt.

siina Kàrriar ändere

Ìm Svetlin Roussev siina baida Ältra sìnn berüafliga Giiger gsìì. Dr Roussev ìsch ìn dr Schwiiz uff d’ Walt kumma, wu siina Ältra a Tournee gmàcht han.[3] D’ Fàmìlia schtàmmt üss Russe-n-ìm Norda vum Bülgària.[4] Dr Roussev hàt z’äärscht mìt siinera Müatter Müüsik glarnt; vìela bekànnta Müüsikànta sìn d’haim biim Roussev kumma.[3] Ìm Àlter vu fìmfa Joohra ìsch schun dr Roussev ìn d’ Nàzionààla Kunschtschüal vu Russe gànga.[5] Wu-n-’r sewana Joohra gsìì-n-ìsch hàt’r ìn Konzärta gschpìelt.[3] Vu 1991 bis 1998 hàt dr Roussev àm Pàriiser Konsärwàtorium unter da bekànnta Giiger Gérard Poulet, Devy Erlih un Jean-Jacques Kantorow gschtudiart. Ìm Joohr 1994 hàt’r doo a Äärschta Giigerpriis so wia-n-a Äärschta Priis vu dr Kàmmermüüsik bikumma. Züadam hàt’r mehrera Giigawattkampf dur d’ Walt gwunna, un hàt ànna 2001 biim Internàzionàla Giigawattkàmpf vu Sendai a Priis bikumma,[6] wu-n-’r a Inschtrumäntàlkonzärt vum Johann Sebastian Bach gschpìelt hàt.

Ìm Joohr 2000 ìsch dr Roussev d’ „Klàssischa Äntdäckung“ vu dr ADAMI gsìì. Ìm gliicha Joohr ìsch’r Sologiiger ìm Nàzionàlorkäschter vum Auvergne ìm Frànkriich worra. Zamma mìt dam Orkäschter un em Dirigànt Arie van Beek hàt’r ìm Karl Amadeus Hartmann siina „Müsik vum Trüür“ uffgnumma fìr a Album, wo-n-ànna 2004 üssagànga ìsch. Vu 2005 bis 2016 ìsch dr Roussev Sologiiger ìm Filhàrmoonisch Orkäschter vu Radio France z’ Pàris gsìì,[7] un vu 2007 bis 2016 ìsch’r Sologiiger un Konzärtmaischter gsìì-n-ìm Filhàrmoonisch Orkäschter vu Seoul ìm Südkoreà.[6] Ìm Nowamber 2016 ìsch’r Sologiiger un Konzärtmaischter vum Orkäschter vu dr Wälschschwiiz worra.[6][8] Ìhn hàt ma-n-àui àls Solìscht ìns Filhàrmoniiorkäschter vu Tokyo un ìns Keenigliga Filhàrmoonischa Orkäschter vu Lüttlig iiglààda. Züadam ìsch dr Roussev Giigalehrer àm Pàriiser Konsärwàtorium gsìì. Ànna 2016 ìsch’r Kunschtlaiter vum Filhàrmoonischa Orkäschter vu Sofia-n-ìm Bülgària worra.[9] Àb 2017 hàt’r Giiga-n-àn dr Müüsikhoochschüal vu Gämf ìn dr Schwiiz unterrìchtet. Üsserdam ìsch’r Mìtglìed gsìì ìm Kunschtroot vu da Faschtschpìeler März-Müsiktààga z’ Russe ìm Bülgària.

Dr Roussev schpìelt vor àllem Klàssik, Bàrockmüüsik so wia zittgnossischa klàssischa Müüsik. Kàmmermüüsik hàt’r unter bekànnta Diriganta gschpìelt, wia-n-em Chung Myung-whun, em Yehudi Menuhin, em Leon Fleisher, em Vladimir Cosma un em Marek Janowski. Ìm Joohr 2012 hàt’r zamma mìt dr Piànìschta Plamena Mangowa bii da Internàzionààla Kàmmermüüsik-Faschtschpìeler vu Plowdiw gschpìelt.[10] Àm 25. Mai 2015 ìsch sii Album „Fire and Ice“ üssagànga, wu-n-’r zamma mìt’m Symfoniiorkäschter vum Bülgààrischa Nàzionààla Rundfunk Liader vum Jean Sibelius un vum bülgàrischa Komponìscht Pantscho Wladigerow gschpìelt hàt.[3][11] Zamma mìt’m frànzeescha Tschällìscht François Salque un dr bülgàrischa Pianìschta Elena Rozanova hàt’r a Dräimànnorkäschter bìldet. Zamma han sa a Album uffgnumma, wo-n-ànna 2016 veräffentligt worra-n-ìsch. Üsserdam hàt dr Rousev d’ Tango-Müüsikàntagrupp Tanguísimo grìnda.[3] Ìm Septamber 2017 hàt’r zamma mìt dr koreànischa Piànìschta Yeol Eum Son a äffentliga Konzärt z’ Clermont-Ferrand ìm Frànkriich uffgnumma.[12] Dàs Album, wo „Midnight Bells“ haischt, ìsch àm 28. Dezamber 2018 üssagànga.

Ànna 2019 ìsch dr Roussev Solìscht gsìì uff’m Àlbum vum Symfoniiorkäschter vum Bülgààrischa Nàzionààla Rundfunk, wu sa Liader vum Pantscho Wladigerow gschpìelt han.[13] Ìm Jüüni 2021 hàt’r a Àlbum looh veräffentliga, wu-n-’r Liader vum Schwiizer Komponìscht Frank Martin gschpìelt hàt.[14]

Ìm Roussev siina Giiga-n-ìsch a Camposelice vum Joohr 1710, wo-n-ìhm sitter Hornung 2012 d’ Jàpànischa Müsikschtìftung lehnt. Ìm Bülgària ìsch dr Svetlin Roussev Müüsikànt vum Joohr 2006 gsìì. Ànna 2007, 2016 un 2019 hàt’r d’ Krìschtàlllaira vum Bülgàrischa Kültüürminìschterium bikumma.[15][16][17] Ìm Joohr 2018 ìsch’r Ehrabìrger vu siinera Haimetschtàdt Russe worra. Ìm Hornung 2019 hàt ìhm dr bülgàrischa Schtààtsowerhàuipt Rumen Radew d’ Ehra-n-üsszaichnung vum Presidànt vu dr Repüblik Bülgària gaa.[18]

Dr Roussev ìsch Botschàfter vu dr UNICEF.

siina Wark ändere

Dr Svetlin Roussev hàt mehr àls zeehn Albums looh veräffentliga, wo-n-’r zamma mìt àndra bekànnta Müüsikànta uffgnumma hàt:[19]

  • Pantcho Vladigerov, zamma mìt dr Elena Rozanova, 2004
  • Hartmann / Henze, zamma mìt’m Arie van Beek, em Philippe Bernold un em Xavier de Maistre, 2004
  • De l’école franco-belge du violon, zamma mìt dr Elena Rozanova, 2006
  • Grieg & Medtner 3rd Sonatas, zamma mìt’m Frédéric d'Oria-Nicolas, 2010
  • (LIVE) La symphonie des siècles, zamma mìt’m François-Xavier Roth, 2011
  • Fire & Ice, zamma mìt’m Emil Tabakov un em Symfoniiorkäschter vu dr Bülgààrischa Nàzionààla Rundfunk, 2015
  • Piano Trios, zamma mìt dr Elena Rozanova un em François Salque, 2016
  • Eugène Ysaÿe Neiges d’antan, zamma mìt’m Amaury Coeytaux un em Keenigliga Filhàrmoonischa Orkäschter vu Lüttlig, 2016
  • Lalo & Roussel, zamma mìt’m Alain Raës, em Okräschter vu Douai-n-ìm Hauts-de-France un em Jean-Jacques Kantorow, 2016
  • Midnight Bells, zamma mìt dr Yeol Eum Son, 2017
  • Ravel à Gaveau, zamma mìt’m Denis Pascal, em Aurélien Pascal un em David Lively, 2019

Lìteràtüür ändere

Weblinks ändere

Ainzelnohwiisa ändere

  1. ↑ Marie Vrinat-Nikolov: Qui s'intéresse encore à la Bulgarie ? In: Le Figaro Vox. 20. Februar 2018, archiviert vom Original am 1. Dezember 202; abgruefen am 25. Oktober 2021 (französisch).
  2. ↑ Dominique Auzias, Jean-Paul Labourdette (Hrsg.): BULGARIE 2021/2022 Petit Futé. Petit Futé, 2021, ISBN 978-2-305-03960-2, Musiques et scènes : musique classique (französisch, 336 S., google.fr [abgerufen am 28. Oktober 2021]).
  3. ↑ 3,0 3,1 3,2 3,3 3,4 Lorenzo Ciavarini Azzi: Roussev interprète Vladigerov et Sibelius : "Fire and Ice", un son venu de l'Est. France TV Info, 6. Dezember 2016, abgruefen am 24. Oktober 2021 (französisch).
  4. ↑ 20 въпроса: Светлин Русев. In: Kapital. 3. September 2021, archiviert vom Original am 3. September 2021; abgruefen am 26. Oktober 2021 (bulgaarisch).
  5. ↑ Jaroslawa Prohaskowa: Цигyлopят Pвĸтлин Πycĸв: H Южнo Eepĸя виaoт нo биc aoтe нo pea aeнцĸpт, в Гĸpмoния им cтигo “дeбpĸ”. In: 24 tschasa. 21. Januar 2018, abgruefen am 27. Oktober 2021 (bulgaarisch).
  6. ↑ 6,0 6,1 6,2 Violinist Svetlin Roussev named concertmaster of Orchestre de la Suisse Romande. In: The Strad. 23. November 2016, archiviert vom Original am 22. September 2020; abgruefen am 24. Oktober 2021 (änglisch).
  7. ↑ Svetlin Roussev quitte l’Orchestre Philharmonique de Radio France. France Musique, 24. November 2016, archiviert vom Original am 6. Oktober 2020; abgruefen am 24. Oktober 2021 (französisch).
  8. ↑ Светлин Русев е новият концертмайстор на Оркестъра на Романска Швейцария. (Nicht mehr online verfügbar.) Classic FM, 25. November 2016, archiviert vom Original am 27. November 2020; abgruefen am 25. Oktober 2021 (bulgaarisch).
  9. ↑ Miglena Stojtschewa: Новият артистичен директор на Софийската филхармония. In: BNT 1. Bulgààrischa Nàzionààlfarnsah, 16. Oktober 2016, archiviert vom Original am 1. Dezember 2021; abgruefen am 25. Oktober 2021 (bulgaarisch).
  10. ↑ 48-ми Международен фестивал на камерната музика, 2012 – участници. (Nicht mehr online verfügbar.) Internàzionààla Kàmmermüüsik-Faschtschpìeler vu Plovdiv, archiviert vom Original am 16. Januar 2021; abgruefen am 25. Oktober 2021 (bulgaarisch).
  11. ↑ CD – Fire and ice par Svetlin Roussev. France Culture, 25. Mai 2015, abgruefen am 24. Oktober 2021 (französisch).
  12. ↑ Deux musiciens mondialement reconnus enregistrent en public à Clermont-Ferrand. In: La Montagne. 10. September 2018, abgruefen am 24. Oktober 2021 (französisch).
  13. ↑ Irena Gadelewa: Светлин Русев записва Владигеров с Радиосимфониците. In: Impressio. 9. November 2018, archiviert vom Original am 29. September 2020; abgruefen am 27. Oktober 2021 (bulgaarisch).
  14. ↑ Tatjana Iwanowa: Светлин Русев свири Франк Мартен - нов албум на европейския музикален пазар. Bülgàrischer Nàzionààler Rundfunk, 2. Juni 2021, archiviert vom Original am 2. Juni 2021; abgruefen am 26. Oktober 2021 (bulgaarisch).
  15. ↑ Стунджи и Елица спечелиха „Кристална лира-2007" за поп и рок музика. In: DarikNews. 1. November 2007, abgruefen am 27. Oktober 2021 (bulgaarisch).
  16. ↑ Димитър Христов с "Кристална лира" 2016 на СМТДБ и Classic FM. Bülgàrischa Müüsikverain, 4. November 2016, abgruefen am 28. Oktober 2021 (bulgaarisch).
  17. ↑ Irena Gadelewa: Наградените с "Кристална лира" 2019. Bülgààrischer Nàzionààler Rundfunk, 3. November 2019, abgruefen am 27. Oktober 2021 (bulgaarisch).
  18. ↑ Президентът Румен Радев удостои световноизвестния цигулар Светлин Русев с Почетния знак на държавния глава. Presidànt vu dr Repüblik Bülgària, 11. Februar 2019, archiviert vom Original am 26. Januar 2021; abgruefen am 27. Oktober 2021 (bulgaarisch).
  19. ↑ Ìm Svetlin Roussev siina Dischkogràfii uff siinera offiziälla Websitta . Abgeruefen am 25. Oktober 2021 (anglisch).
Vun "https://als.wikipedia.org/w/index.php?title=Svetlin_Roussev&oldid=1049778"