Tamara Wernli
| Dialäkt: Baseldütsch |
D Tamara Wernli (* 18. Novämber 1972 z Baasel[1]) isch e Baasler Moderatorin, Kolumnistin, Autorin und Webvideobroduzäntin.
Lääbe ändere
D Wernli isch z Baasel ufgwaggse, isch uf s Gümnasium und het mit em äidgenössische Handelsdiplom abgschlosse.[2] Si het fümf Joor lang in de USA gläbt, e Schauspiil-Usbildig z Los Angeles gmacht und sich zum „Professional Designation in Marketing“ (Marketingplaner) an dr University of California (UCLA) z Los Angeles usbildet. Spööter het si e Witerbildig am Schwizerische Public-Relations-Instidut SPRI zur PR-Fachfrau gmacht und iir Uniwersidäätsstudium mit em Bätscheler in Gschicht, „BA (Hons) History“, an dr Open University, Milton Keynes (UK), abgschlosse. Si schribt und schwätzt fliessend Änglisch, Franzöösisch, Dütsch und Mundart.
Bi dr Baasler Zitig het si in iirer wöchentlige Rubrik „Tamaras Welt“ über gsellschaftligi Thema gschriibe. Bim TV-Sänder Telebasel isch si vo 1999 aa fast 20 Joor lang Noochrichde-Moderatoorin gsi und het joorelang au as Gastgääbere, Broduzäntin und Redakdere iiri äigene Tokshous gha („CinéBâle“, „Tamara uff Bsuech“, „Kochen im Schloss“).[3][4] Si verfasst für Undernääme Bordret, Interwiu, Kolumne und Repordaasche.[5] Ändi 2018 isch si as Kolumnistin zur Wältwuche gange.[6]
D Wernli het meereri Büecher gschriibe und gläägentlig Text bi dr Huffington Post Deutschland veröffentligt, bis 2017 bi er Achse des Guten und bis Middi 2019 im Magazin Tichys Einblick.[7][8] Si het e Kanaal uf YouTube mit Kommentäär zu gsellschaftlige Thema.[9]
Für iiri Aarbet as Kolumnistin und Videobloggerin het d Wernli 2019 dr „Liberal Award“ vo de Jungfreisinnige Kanton Züüri (JFZH) üüberchoo.[10][11] Im Summer 2021 isch si noch em Top Magazin öini vo de sibzig iiflussriichste dütschsproochige Youtuber gsi.[12]
D Wernli isch verhürootet[13] und het käini Chinder.[14]
Si schafft z Baasel as sälbständigi Moderatoorin, Kolumnistin, Autoorin und Webwideobroduzäntin.
Posizioone ändere
Es git Lüt, wo sääge ass d Wernli en Antifeministin sig. Si sälber gseet das nid eso: Iiri Kritik am modärne Feminismus sig nit «anti-feministisch», si häig äifach en anderi Uffassig vo Emanzipazioon. Iire Standpunkt isch, ass Fordrige wie e Fraue-Kwoote oder d Stigmatisierig vom «wisse alte Maa» nüt wurde bringe. D Christina Neuhaus het in dr liberaal-bürgerlig-konserwatiive Neue Zürcher Zitig gschriibe, ass Schurnaliste, wo si zerst as «Poster-Girl vo dr nöije Rächte» oder „antifeministischs It-Girl“ daargstellt häi, iiri Aasichte mäistens noch eme erste Dräffe gänderet häige: Si sig «emanzipiert, gschäftsdüchdig und gsellschaftspolitisch zimlig liberaal.»[2][14] In ere Kolumne in dr Wältwuche het sich d Wernli gegen e gsamtschwizerischs Burkaverbot stark gmacht. Si het argumentiert, e Chläidervorschrift sig nit liberaal und wurd «stark in s Lääbe und d Freihäit vo deene 100 Fraue iigrife».[15]
Büecher ändere
- „...Sexualität ist wie Essen und Trinken, das tut man auch jeden Tag...“: ein Blick hinter die Kulissen der Sendung CinéBâle : mit Christian Gross, Sir Peter Ustinov, Anita Fetz, Viktor Giacobbo und vielen mehr..., Spalentor-Verlag, 2005, ISBN 978-3-9081-4216-4.
- Blind Date mit Folgen, Gmeiner-Verlag, 2011, ISBN 978-3-8392-1203-5.
- Happy Valentine! (mit Julia K. Stein und Elke Mascha Blankenburg), Gmeiner-Verlag, 2016, ISBN 978-3-7349-9201-8.
Weblingg ändere
- Literatur vu un iber Tamara Wernli im Katalog vu dr Dütsche Nazionalbibliothek
- Offizielli Website vo dr Tamara Wernli
- Youtube-Kanal vo dr Tamara Wernli
- Michèle Binswanger: Jetzt belächelt sie keiner mehr. In: Tages-Anzeiger, 28. August 2018 (Onläin)
- Ilona Stämpfli: Tamara Wernlis Spiel. Video in: SRF 1, Reporter vom 4. Novämber 2018 (YouTube)
Fuessnoote ändere
- ↑ Christoph Klein: Lieber Josef Zindel, ich hätte gerne den Heiko Vogel, Spatz, 08/2012.
- ↑ 2,0 2,1 Neuhaus, Christina. Tamara Wernli: Weltwoche-Kolumnistin und Männerversteherin , Neue Zürcher Zeitung, 1. März 2019. Abgruefen am 2. März 2019.
- ↑ Autorenprofil und Beitragsliste von Tamara Wernli bi dr Huffington Post
- ↑ Autorenprofil von Tamara Wernli beim Gmeiner-Verlag.
- ↑ Blog Tamara Wernli
- ↑ Tamara Wernli: Adieu, meine Lieben. bazonline (Basler Zeitung), 14. Dezember 2018, abgruefen am 17. Dezember 2018.
- ↑ Kurzprofil und Beiträge von Tamara Wernli bei der Achse des Guten (Archiv).
- ↑ Tamara Wernli bei Tichys Einblick
- ↑ Tamara Wernli. Abgruefen am 20. Februar 2018.
- ↑ Tamara Wernli erhält den 20. Liberal Award der Jungfreisinnigen Kanton Zürich. Liberal-Award.ch, abgruefen am 26. November 2019.
- ↑ Christian Keller: «Geradlinig, freidenkend»: Viel Ehre für Tamara Wernli. Prime News, 13. November 2019, abgruefen am 26. November 2019.
- ↑ Youtube Who is who - Top Magazin. TopMagazin, 9. Juli 2021, abgruefen am 12. Juli 2021 (de-DE).
- ↑ Ilona Stämpfli: Tamara Wernlis Spiel. Video in: SRF 1, Reporter vom 4. Novämber 2018 (YouTube)
- ↑ 14,0 14,1 Andrea Fopp: Tamara Wernli – Sie will doch nur glänzen. Als Klatschjournalistin war Tamara Wernli eine lokale Berühmtheit. Nun erobert sie als antifeministische Vorzeigefrau die Schweiz – und das deutsche AfD-Milieu. Die Zeit Nr. 11/2019, 6. Merz 2019.
- ↑ Die Burka. 3. Februar 2021, abgruefen am 17. Juni 2022 (de-DE).
|
Dä Artikel basiert uff ere fräie Übersetzig vum Artikel „Tamara_Wernli“ vu de dütsche Wikipedia. E Liste vu de Autore un Versione isch do z finde. |