Tatjana Geßler

D Tatjana Geßler (* 14. Oktober 1973 z Haidelberch) isch dytschi Färnsehmoderatori, Färnsehschurnalischti un Autori.

D Geßler moderiert fir dr SWR d Landesschau aktuell, het in dr SWR-Sändig Landesschau Baden-Württemberg iri aige Rubrik mit Name Tatjanas Tiergeschichten un schafft as Chinderbuechautori unter anderem fir dr Stiuegerter Thienemann-Esslinger Verlag. Si het iber 40 Buchvereffetlichunge in acht Länder.

Lääbe un Karriere

D Diplom-Wirtschaftsingenieuri Geßler, wu aafangs as Täxteri in ere Stuegerter Wärbeagentur gschafft ghaa het, schafft syter anne 1998 fir dr SWR. Si het acht Johr lang all Wuche d Sändig Landesschau – die Woche moderiert. Dodervor isch si vier Johr mit em Landesschau-Mobil z Bade-Wirttebärg unterwägs gsii. Syter 2011 moderiert si d Landesschau aktuell Baden-Württemberg.

Derzue het d Geßler Sändige moderiert wie Treffpunkt Feste und Bräuche oder Sundersändige wie Tour de Ländle. Näb dr Serie Tatjanas Tiergeschichten git s syter 2011 d Sändig Tatjanas Tiervermittlung. Fir s Landesmagazin Landesschau isch si as Live-Reporteri in Landesschau vor Ort im Yysatz gsii.

Zur Serie Tatjanas Tiergeschichten het si drei Biecher gschribe. D Geßler schafft derzue au fir Thienemann-Esslinger Verlag as Chinderbuech-Autori. Dert sin di boode Serie Unsere Tierklinik un Zuhause im Zoo uusechuu. E Dail vu däne Bänd sin au as Heerbiecher uusechuu.

D Geßler isch ghyrote mit em Erwik Jost.

Moderierti Sändige

2000–2003 Treffpunkt Gschwätzt ond Gelacht
2002 Treffpunkt Fasnacht + Live aus den Ländern
2001–2005 Landesschau Mobil
2002 Drei in einem Boot
2003–2004 Landesschau Daheim in Baden-Württemberg
Syt 2004 Tour de Ländle
2007/2008 Frühlingsreise/Winterreise
Syt 2006 Treffpunkt Feste und Bräuche + „Der Sonntagabend“
2002–2010 Landesschau die Woche
2009 Genießen im Schlaraffenland
2008–2011 Landesschau live vor Ort
2010–2011 Landesschau Kultur
Syt 2011 Landesschau aktuell Baden-Württemberg
2011–2013 Tatjanas Tiervermittlung

Wäärch

Sachbiecher

Tatjanas Tiergeschichten:
- Unterwegs zu außergewöhnlichen Tieren in Baden-Württemberg. Silberburg Verlag, Tübingen 2007, ISBN 978-3-87407-754-5.
- 25 Begegnungen mit heimischen und exotischen Tieren in Baden-Württemberg. Silberburg Verlag, Tübingen 2008, ISBN 978-3-87407-787-3.
- Streicheln, Schauen, Staunen in Baden-Württemberg. Silberburg Verlag, Tübingen 2010, ISBN 978-3-87407-865-8.

Chinder- un Juugedliteratur

Verzellige

D Buechraie Unsere Tierklinik isch mittlerwyli in acht Länder vereffetligt wore: Dytschland, Eschtrych, Schwyz, Italie, Frankrych, Pole, Tschechie un Japan.

Unsere Tierklinik:
- Rehkitz in Not. Verlag Planet Girl, 2011 Stuttgart.
- Kätzchen vermisst. Verlag Planet Girl, 2011 Stuttgart.
- Rettet die Hundewelpen. Verlag Planet Girl, 2011 Stuttgart.
- Ein Herz für Kätzchen. Verlag Planet Girl, 2012 Stuttgart.
- Meerschweinchen in Gefahr. Verlag Planet Girl, 2012 Stuttgart.
- Das verschwundene Fohlen. Verlag Planet Girl, 2013 Stuttgart.
- Zwei Schweinchen und ein Wunder. Verlag Planet Girl, 2014 Stuttgart.
- Spürnase in der Klemme. Verlag Planet Girl, 2015 Stuttgart.
Zu Hause im Zoo:
- Gorillababy ganz groß. Verlag Planet Girl, 2014 Stuttgart.
- Trubel im Elefantenhaus. Verlag Planet Girl, 2014 Stuttgart.
- Kleiner Pinguin vermisst. Verlag Planet Girl, 2014 Stuttgart.
- Ein Koala zum Kuscheln. Verlag Planet Girl, 2015 Stuttgart.

Weblink

Commons: Tatjana Geßler – Sammlig vo Multimediadateie

Literatur vu un iber Tatjana Geßler im Katalog vu dr Dütsche Nazionalbibliothek
d Tatjana Geßler uf dr Websyte vum SWR

Dä Artikel basiert uff ere fräie Übersetzig vu dere Version vum Artikel „Tatjana_Geßler“ vu de dütsche Wikipedia. E Liste vu de Autore un Versione isch do z finde.