Dr Dierpark Langi Erle

Dialäkt: Baseldütsch

Dr Dierpark in de Langen Erle befindet sich uf em Stadtgebiet vo Basel und het e Flechi vo öbbe 20 Hektare im Uferwald Langi Erle uf dr östlige Ufersiite vom Fluss Wiise. Dr Dierpark und däm si Drägerverein Erlen-Verein isch im Johr 1871 vo initiative Basler gründet worde. Dr Park het e Baumbestand vo öbbe 450 Bäume – vo dr Rottruurbueche bis zum Mammutbaum. Dr Dierpark isch während de Dagesstunde frei zuegänglig.

Tierpark Lange Erlen
E Luchs im Dierpark Langi Erle

Dr Dierpark isch uf d Haltig vo Hirsch (s Wappedier vom Dierpark und vom Erle-Verein) und iiheimische Dierarte spezialisiert und isch e wärtvolli Ergänzig zum Basler Zolli. Es het zäh verschidnigi Arte vo Hirsch, drunder dr Damhirsch grad in drei Farbe. Wildsäu, Kapuzineraffe, Poitou-Esel, Sardinischi Zwärgesel, Pony, Zwärggeisse, Hängibuuchsäu, Fäldhase, Chüngeli und Meersäuli cha män au gseh. Drnäbe niste Störch und Reiher. Es git Pfaue, Perlhüehner, mehreri Eulenarte, Wildhüehnerarte, Fasan und uf em Deich Schwän, Gäns und Änte. 2008 isch e Luchsgheeg aagleit worde.

Weblingg ändere

  Commons: Tierpark Lange Erlen – Sammlig vo Multimediadateie

Koordinate: 47° 34′ 28″ N, 7° 36′ 28″ O; CH1903: 612728 / 269318

  Dä Artikel basiert uff ere fräie Übersetzig vum Artikel „Tierpark_Lange_Erlen“ vu de dütsche Wikipedia. E Liste vu de Autore un Versione isch do z finde.