Toni Vescoli
De Toni Vescoli (* 18. Juli 1942 z Züri) isch en Rock-, Blues- und Folk-Musiker us de Schwiiz. Er schriibt au Lieder und isch eine vo de erschte schwiizer Rock 'n' Roll-Intërprete. Über 30 Jaar hät er z Wila im Tösstal gwont und gschaffet. Sit 2008 isch er z Wald im Zürcher Oberland dihäi.
Garriëre ändere
De Vescoli isch z Peru und z Chüsnacht ufgwachse. Won er no i de Leer gsi isch, hät er aagfange Musig mache und 1962 d Gruppe Les Sauterelles (d' Heugümper) gründet. Die Gruppe hät seer vil Uuftritt gha, fascht jede Tag im Jaar. Drum sinds i de Schwiiz schnäll seer bekannt worde. Nachane sind d Heugümper als Vorgruppe vom Cliff Richard & The Shadows uufträtte und im Usland öppe mit de Rolling Stones. S Lied «Heavenly Club» isch 1968 13 Wuche i de Hitparade gsi, sibe Wuche lang uf em erschte Platz. S isch au uf Radio Luxemburg und im Südwestfunk e Ziit lang uf em erschte Platz gsi.
1970 händ sich d Sauterelles ufglööst. Dänn hät de Toni Vescoli eläige Musig gmacht. Im Lauf vo de Ziit hät er verschidnigi Stil gsunge. E Ziit lang im Stil vom Bob Dylan, aber au Kauntrimusig. 1996 händ sich d Sauterelles wider zämetue. De Vescoli singt deet wider mit, aber au bi sinere äigete Ethno Country Rock Show.
Sit 1977 macht de Vescoli bi Määrlikasette und de Pingu-Hörspiil mit. Drum känned vil Chind us em Vorschuelalter sini Stimm. Mängisch maalet er d Titelbilder vo dene Hörspiil grad sälber.
Diskografii ändere
Mit Les Sauterelles ändere
lueg bi de: Sauterelles
Als Solokünschtler ändere
Singel:
- 1974: Es Pfäffli
- 1975: Scho root!
Albe:
- 1974: Lueg für dich
- 1975: Guete Morge
- 1976: So gedacht heut’ Nacht
- 1978: läbig (Live-Album)
- 1979: Zäme (als Trio mit em Töbi Tobler und em Bruno Brandebärger)
- 1983: Ich bin so frei
- 1989: Nr. 1 (Vescoli & Co.)
- 1992: Vescoli & Co. 2 (Vescoli & Co.)
- 1993: Bob Dylan-Songs
- 1994: 3 (Vescoli & Co.)
- 1999: Tegsass
- 2008: 66
Literatur ändere
- Gusty Hufschmid: 33 Jahre Schweizer Hitparade. Josef Keller Verlag Starnberg und München 2000 ISBN 3-7808-0182-5