Tour de France 2010

Ändergäbnis
Wäge Doping disqualifiziert	Flagge Spaniens Alberto Contador	91:58:48 h
	Flagge Luxemburgs Andy Schleck	+ 00:39 min
Zweite	Flagge Russlands Denis Menschow	+ 02:01 min
Dritte	Flagge Spaniens Samuel Sanchez	+ 03:40 min
Vierte	Flagge Belgiens Jurgen Van den Broek	+ 06:54 min
Fümfte	Flagge der Niederlanden Robert Gesink	+ 09:31 min
Sächste	Flagge Kanadas Ryder Hesjedal	+ 010:15 min
Siibte	Flagge Spaniens Joaquim Rodríguez	+ 011:37 min
Achte	Flagge Tschechiens Roman Kreuziger	+ 11:54 min
Nünte	Flagge der Vereinigten Staaten von Amerika Chris Horner	+ 12:02 min
	Flagge Italiens Alessandro Petacchi	243 P.
Zweite	Flagge des Vereinigten Königreichs Mark Cavendish	232 P.
Dritte	Flagge Norwegens Thor Hushovd	222 P.
	Flagge Frankreichs Anthony Charteau	143 P.
Zweite	Flagge Frankreichs Christophe Moreau	128 P.
Dritte	Flagge Luxemburgs Andy Schleck	116 P.
	Flagge Luxemburgs Andy Schleck	91:59:27 h
Zweite	Flagge der Niederlanden Robert Gesink	+ 08:52 min
Dritte	Flagge Tschechiens Roman Kreuziger	+ 11:15 min
	Flagge der Vereinigten Staaten von Amerika Team Radioshack	276:02:03 h
Zweite	Flagge Spaniens Caisse d'Epargne	+ 09:15 min
Dritte	Flagge der Niederlanden Rabobank	27:49 + min
	Flagge Frankreichs Sylvain Chavanel

D Tour de France 2010 isch die 97. Uflag vom wichtigste Etapperenne uf der Wält gsi. Si het am 3. Juli 2010 z Rotterdam agfange – s fümfte Mol ass d Tour z Holland agfange het, noch 1954, 1973, 1978 und 1996 – und isch am 25. Juli 2010 traditionsgmäss uf der Avenue des Champs-Élysées z Paris fertig si.

Si het e Gsamtdistanz vo 3642 km, öbbe 180 km lenger als d Tour de France 2009 gha, 20 Etappe und e Prolog in dr Form vom ene churze Einzelzitfahren, umfasst, im Gegesatz zu 2009. Der Streckeverlauf uf der Charte isch em Uhrzeigersinn gfolgt, zerst über d Alpe und denn über d Pyrenäe.

Favorite

Als Favorite für e Gsamtsiig hai näben em Titelverteidiger Alberto Contador die ehemolige Toursiiger Carlos Sastre (2008) und Lance Armstrong (1999–2005), der best Nochwuchsfahrer vo dr 2009 Tour, dr Andy Schleck, der Siiger vom Giro d’Italia 2010, dr Ivan Basso, und der Erst in der UCI-Wältrangliste, dr Cadel Evans gulte. Au vom Bradley Wiggins, em Alexander Winokurow und em Denis Menschow het me gsait, ass si gueti Chance haige. Dr Armstrong isch nüm stark gnueg gsi und er het au Päch gha und noch e baar Stürz keini Chance meh gha im Gsamtklassemänt. Er het aber siis Team zum Siig im Manschaftsklassemänt gfüehrt. Dr Ivan Basso isch nit in Form gsi und au dr Wiggins und dr Evans hai entdüscht.

Die beste Sprinter wo drbii gsi si, si dr Thor Hushovd (Cervélo TestTeam) , dr Mark Cavendish (Team HTC-Columbia) und dr Tyler Farrar (Garmin-Transitions) gsi und die si d Favorite für s grüene Liibli gsi, aber au dr Oscar Freire (Rabobank), dr Alessandro Petacchi (Lampre-Farnese Vini), dr Jose Joaquin Rojas (Caisse d'Épargne), dr Gerald Ciolek (Team Milram) und dr Edvald Boasson Hagen (Team Sky) hai bi de Sprint mitgmischt. Dr Cavendish het mit fümf Etappe meh as jede andere gwunne.

D Rennfahrer und d Equipe

D Rennleitig het 22 Mannschafte iiglade: die 18 UCI ProTour-Teams und 4 Professional Continental Teams. Jedes Team bestoht us nüün Fahrer. Im Ganze si 198 Velorennfahrer us 31 Natione am Start gsi, drunder 15 Dütschi, 5 Schwiizer und 3 Östriicher. Wie im Vorjohr isch s Team Milram die einzigi Mannschaft mit ere dütsche Lizänz und s Cervélo TestTeam isch s einzige Team us dr Schwiiz gsi.

Iigladeni Team

UCI ProTour-Teams Flagge Belgiens Quick Step Flagge Belgiens Omega Pharma-Lotto Flagge Dänemarks Team Saxo Bank Flagge Deutschlands Team Milram Flagge Frankreichs ag2r La Mondiale Flagge Frankreichs Française des Jeux Flagge Italiens Lampre-Farnese Vini Flagge Italiens Liquigas-Doimo Flagge Kasachstans Astana Flagge der Niederlanden Rabobank Flagge Russlands Team Katusha Flagge Spaniens Caisse d’Epargne Flagge Spaniens Euskaltel-Euskadi Flagge Spaniens Footon-Servetto Flagge des Vereinigten Königreichs Sky Professional Cycling Team Flagge der Vereinigten Staaten von Amerika Team HTC-Columbia Flagge der Vereinigten Staaten von Amerika Garmin-Transitions Flagge der Vereinigten Staaten von Amerika Team RadioShack UCI Professional Continental Teams Flagge Frankreichs Bbox Bouygues Télécom Flagge Frankreichs Équipe Cofidis Flagge der Schweiz Cervélo TestTeam Flagge der Vereinigten Staaten von Amerika BMC Racing Team

Etappenübersicht

Streckecharte vo der Tour de France 2010

Der Streckeverlauf für s Renne vo 2010 isch am 14. Oktober 2009 bekanntgee worde. Ungwöhnlig drbii isch gsi, ass es abgseh vom Prolog nume en einzigs Einzelzitfahre gee het; au e Mannschaftszitfahren isch nit vorgseh gsi. Im Streckeplan het s nüün Flachetappe gha, vier hügeligi Etappe und sächs Bärgetappe mit drei Bergakümft. Zsämme hai 25 Aastiig vo de Kategorie 2, 1 und HC müesse bewältigt wärde, drundere zweimol der Pyrenäepass Col du Tourmalet.

Noch em Prolog im holländische Rotterdam si die erste drei Etappe dur Belgie gange. Under anderem isch z Brüssel und z Spa Halt gmacht worde. Die ersti Ziilaakumft in Frankriich sälber isch z Arenberg gsi, wo eine vo de elf Ort isch, wo zum erste Mol Etappenort worde si. In der zweite Helfti vo der erste Wuche isch d Tour an Paris vorbii gege Süde gfahre. Zwüsche Montargis und Gueugnon isch mit 227,5 km der lengsti Dagesabschnitt gsi.

In dr 7. Etappe si die ersten Alpepäss vorcho, zwei Hochgebirgsetappe si dur en erst Ruhedag drennt worde und denn isch non e hügelige Abschnitt cho. Drei Überfüehrigsetappe hai s Fäld an dr Rand vo de Pyrenäe brocht, öbbe 100 km vo dr Mittelmeerküste ewäg. Die dritti Tourwuche het mit vier Hochgebirgsetappe und em zweite Ruhedag z Pau agfange, mit dr Bärgaakumft uf em Tourmalet isch die letzti Pyrenäenetappe z Änd gange.

Denn isch e Flachetappe und s Einzelzitfahre vo Bordeaux uf Pauillac cho. Die letzti Etappe het wie immer in dr Nöchi vo Paris aagfange und mit der mehrmolige Umrundig vo de Champs-Elysées g ändet.

Etappe	Typ	Dag	Start–Ziil	km	Etappesiiger	Zit (h)	Gäls Liibli
0Prolog		Sa., 3. Juli	Rotterdam (NED) – Rotterdam	008,9	Flagge der Schweiz Fabian Cancellara	0:10:00	Flagge der Schweiz Fabian Cancellara
01. Etappe		So., 4. Juli	Rotterdam – Brüssel (BEL)	223,5	Flagge Italiens Alessandro Petacchi	5:09:38
02. Etappe		Mo., 5. Juli	Brüssel – Spa (BEL)	201	Flagge Frankreichs Sylvain Chavanel	4:40:48	Flagge Frankreichs Sylvain Chavanel
03. Etappe		Di., 6. Juli	Wanze (BEL) – Arenberg	213	Flagge Norwegens Thor Hushovd	4:49:38	Flagge der Schweiz Fabian Cancellara
04. Etappe		Mi., 7. Juli	Cambrai – Reims	153,5	Flagge Italiens Alessandro Petacchi	3:34:55
05. Etappe		Do., 8. Juli	Épernay – Montargis	187,5	Flagge des Vereinigten Königreichs Mark Cavendish	4:30:50
06. Etappe		Fr., 9. Juli	Montargis – Gueugnon	227,5	Flagge des Vereinigten Königreichs Mark Cavendish	5:37:42
07. Etappe		Sa., 10. Juli	Tournus – Les Rousses	165,5	Flagge Frankreichs Sylvain Chavanel	4:22:52	Flagge Frankreichs Sylvain Chavanel
08. Etappe		So., 11. Juli	Les Rousses – Avoriaz	189	Flagge Luxemburgs Andy Schleck	4:54:11	Flagge Australiens Cadell Evans
1. Usruehdag		Mo., 12. Juli
09. Etappe		Di., 13. Juli	Morzine – Saint-Jean-de-Maurienne	204,5	Flagge Frankreichs Sandy Casar	5:38:10 h	Flagge Luxemburgs Andy Schleck
10. Etappe		Mi., 14. Juli	Chambéry – Gap	179	Flagge Portugals Sérgio Paulinho	5:10:56
11. Etappe		Do., 15. Juli	Sisteron – Bourg-lès-Valence	184,5	Flagge des Vereinigten Königreichs Mark Cavendish	4:42:29
12. Etappe		Fr., 16. Juli	Bourg-de-Péage – Mende	210,5	Flagge Spaniens Joaquim Rodríguez	4:58:26
13. Etappe		Sa., 17. Juli	Rodez – Revel	196	Flagge Kasachstans Alexander Winokurow	4:26:26
14. Etappe		So., 18. Juli	Revel – Ax-3 Domaines	184,5	Flagge Frankreichs Christophe Riblon	4:52:42
15. Etappe		Mo., 19. Juli	Pamiers – Bagnères-de-Luchon	187	Flagge Frankreichs Thomas Voeckler	4:44:52	Flagge Luxemburgs Andy Schleck
16. Etappe		Di., 20. Juli	Bagnères-de-Luchon – Pau	199,5	Flagge Frankreichs Pierrick Fédrigo	5:31:43
2. Usruehdag		Mi., 21. Juli
17. Etappe		Do., 22. Juli	Pau – Col du Tourmalet	174	Flagge Luxemburgs Andy Schleck	5:03:29	Flagge Luxemburgs Andy Schleck
18. Etappe		Fr., 23. Juli	Salies-de-Béarn – Bordeaux	198	Flagge des Vereinigten Königreichs Mark Cavendish	4:37:09
19. Etappe		Sa., 24. Juli	Bordeaux – Pauillac	052	Flagge der Schweiz Fabian Cancellara	1:00:56
20. Etappe		So., 25. Juli	Longjumeau – Paris, Champs-Élysées	102,5	Flagge des Vereinigten Königreichs Mark Cavendish	2:42:21

D Klassemänt währed dr Tour

Die Tabälle zeigt die Erste in de verschiidnige Klassemänt, wär weles Liibli aahet oder weli farbigi Ruggenummere drait am Ändi vo jeder Etappe.

	Etappesiiger	Gsamtklassemänt	Punktklassemänt	Bärgklassemänt	Nochwuchsklassemänt	Mannschaftsklassemänt	Dr agressivst Fahrer
Prolog	Fabian Cancellara	Fabian Cancellara	Fabian Cancellara	nit vergee	Tony Martin	Team RadioShack	nit vergee
01. Etappe	Alessandro Petacchi		Alessandro Petacchi				Maarten Wijnants
02. Etappe	Sylvain Chavanel	Sylvain Chavanel	Sylvain Chavanel	Jérôme Pineau		Quick Step	Sylvain Chavanel
03. Etappe	Thor Hushovd	Fabian Cancellara	Thor Hushovd		Geraint Thomas	Team Saxo Bank	Ryder Hesjedal
04. Etappe	Alessandro Petacchi						Dimitri Champion
05. Etappe	Mark Cavendish						José Iván Gutiérrez
06. Etappe	Mark Cavendish						Mathieu Perget
07. Etappe	Sylvain Chavanel	Sylvain Chavanel			Andy Schleck	Astana	Jérôme Pineau
08. Etappe	Andy Schleck	Cadel Evans				Rabobank	Mario Aerts
09. Etappe	Sandy Casar	Andy Schleck		Anthony Charteau		Caisse d’Epargne	Luis León Sánchez
10. Etappe	Sérgio Paulinho			Jérôme Pineau			Mario Aerts
11. Etappe	Mark Cavendish		Alessandro Petacchi				Stéphane Augé
12. Etappe	Joaquim Rodríguez		Thor Hushovd	Anthony Charteau		Team RadioShack	Alexander Winokurow
13. Etappe	Alexander Winokurow		Alessandro Petacchi				Juan Antonio Flecha
14. Etappe	Christophe Riblon					Caisse d'Epargne	Christophe Riblon
15. Etappe	Thomas Voeckler	Andi Schleck (Dr Alberto Contador isch im Gääle Liibli gfahre, isch aber 2012 wäge Doping im Joor 2010 rückwirkend disqualifiziert worde)				Team Radioshack	Thomas Voeckler
16. Etappe	Pierrick Fédrigo		Thor Hushovd				Carlos Barredo
17. Etappe	Andy Schleck						Alexander Kolobnew
18. Etappe	Mark Cavendish		Alessandro Petacchi				Daniel Oss
19. Etappe	Fabian Cancellara						nit vergee
20. Etappe	Mark Cavendish						nit vergee
Siiger		Andi Schleck	Alessandro Petacchi	Anthony Charteau	Andy Schleck	Team RadioShack	Sylvain Chavanel

Notize:

Zsämmefassig vom Renne

Prolog

Dr Fabian Cancellara bim Prolog

Dr Prolog isch z Rotterdam usdrait worde, und, wie z erwarte gsi isch, hai d Ziitfahrspezialiste guet abgschnitte drbii. Dr Cancellara het gwunne und s gäle Liibli übercho. Dr Dütschi Tony Martin isch mit zäh Sekunde Abstand Zweite worde und dr David Millar Dritte. D Favorite für s Gsamtklassemänt, dr Armstrong, dr Contador und dr Schleck si au nit wiit hindedri gsi. Bi de Flachetappe, wo denn cho si, hai, usser bi dr zweite Etappe, Sprinter ihri Form chönne under Bewiis stelle.

Ersti Etappe

In dr erste Etappe isch dr Petacchi z Brüssel as Erste dur s Ziil gfahre, nochdäm zwei Kilometer vor em Ziil d Sprinter Freire und Cavendish in en erste Sturz verwigglet gsi si und denn churz noch dr flamme rouge fast s ganze Fahrerfäld vom ene Massesturz ufghalte worden isch.

Zweiti Etappe

Bi dr zweite Etappe vo Brüssel uf Spa isch e Gruppe mit em Chavanel zäh Kilometer noch em Start usgrisse. S Peloton isch in en andere Massesturz verwigglet worde und het sich schwer do mit ihrer Verfolgig. Umgfalle si under Andere dr Armstrong, dr van de Velde und d Brüeder Schleck. Dr Fränk Schleck het s Schlüsselbei broche und het müesse ufgee. Dr Andy het sich an dr Achsle verletzt und het mehreri Minute verlore. Dr Cancellara het en mit andere Fahrer vom Saxo Bank Team zum Hauptfäld zrugggfüehrt, aber das het en d Füehrig im Gsamtklassemänt kostet. Dr Chavanel het duureghalte bis zum Schluss und mit meh as drei Minute Vorsprung uf e Cancellara däm s gäle Liibli abgnoh.

Dritti Etappe

S Fahrerfeld vor dr 3. Etappe

Die dritti Etappe isch vo Wanze uf Arenberg Porte du Hainaut gange und het über mehreri Chopfsteipflasterabschnitt gfüehrt. Dr Chavanel, immer no in Gäl, het zwei Panne gha und sovil Zit verlore, ass dr Cancellara as Sächste bi dr Akumft wiider Gsamterste worden isch. Dr Armstrong het au Päch gha und wägen ere Panne e chli meh as zwei Minute uf e Cancellara verlore und, schlimmer us siiner Sicht, fast ei Minute uf e Contador. Dr Norwäger Thor Hushovd het dr Sprint gwunne vor em Geraint Thomas und em Cadel Evans und isch Erste im Punktklassemänt worde. S Saxo Bank Team het d Füehrig im Mannschaftsklassemänt übernoh vor Garmin und Sky. Bi de Junge het dr Geraint Thomas vor em Andy Schleck gfüehrt, nochdäm dr Tony Martin, wo s wiisse Liibli drait het, gstürzt isch.

Vierti Etappe

Dr Jens Voigt und dr Alberto Contador bim Iischriibe vor dr 4. Etappe

Bim Massesprint in dr vierte Etappe z Reims het dr Mark Cavendish wiider entdüscht. Dr Petacchi het si zweiti Etappe in dere Tour gwunne, vor em Julian Dean und em Norwäger Edvald Boasson Hagen. In de Gsamtklassemänt het sich wenig gänderet. Dr Cancellara het s gäle Liibli bhalte, dr Hushovd s grüene, dr Thomas s wiisse und dr Pineau s Liibli vom beste Bärgfahrer. Saxo Bank het d Mannschaftswärtig agfüehrt.

Fümfti Etappe

In dr fümfte Etappe si dr José Ivan Gutierrez vo dr Caisse d’Epargne, dr Belgier Jurgen Van De Walle vo Quick Step und der Franzose Julien El Fares vo Cofidis sächs Kilometer vom Start usgrisse und hai s bis zum ene Vorsprung vo siibe Minute brocht. Denn het s Columbia Team vom Cavendish ihri Verfolgig organisiert. E baar Kilometer vor em Ziil hai si zwei vo de Usrisser iigholt, dr Gutierrez het brobiert elei wiiterzfahre, isch aber vier Kilometer vor em Ziil vom Peloton iigholt worde. Dr Ängländer Cavendish isch im Windschatte vom Garmin Team gfahre, wo für e Farrar gschafft het. Dä isch aber schwach gsi und dr Cavendish het en abghänggt und dr Sprint vor em Dütsche Ciolek gwunne. Wil braktisch alli Fahrer immer zsämme bliibe si bis ins Ziil, het sich an de Klassemänt nüt gänderet.

Sächsti Etappe

Die sächsti Etappe vo Montargis uf Gueugnon isch die lengsti in dere Tour de France gsi. Schon e Kilometer noch em Rennafang hai sich drei Fahrer abgsetzt, dr Sebastian Lang vo Omega Pharma Lotto, dr Franzos Mathieu Perget vo dr Caisse d'Epargne und dr Spanier Ruben Perez vo Euskaltel. Bi meh as drissig Grad im Schatte si si uf e Vorsprung vo bis zu acht Minute cho, s Peloton het se aber acht Kilometer vor em Ziil iigholt. Im Massesprint het dr Cavendish wiider gwunne und isch jetzt im fümfte Rang vo dr Punggtwärtig gsi. Im Hushovd si Vorsprung uf e Petacchi isch uf vier Pünggt zsämmegschmulze. As kämpferiste Fahrer het dr Mathieu Perget die roti Ruggenummere übercho und im Bärgklassemänt dr Sylvain Chavanel überholt. Sust het sich wenig gänderet in de Klassemänt.

Sibti Etappe

Die siibti Etappe vo Tournus uf d Station des Rousses isch über fümf Päss gange, die letzte drei si in dr zweite Kategorii gsi. Bim letzte Aastig, wo dr Sylvain Chavanel elei alle vorusgfahren isch, hai sich d Sprintspezialiste ändgültig vo dr Klassemäntspitze verabschiidet, und dr Cancellara, wo öbbe vierzäh Minute uf e Chavanel iibüesst het, het s gäle Liibli an dä abgee. D Favorite si zsämme im Peloton bliibe und an ihre relative Positione het sich nit vil veränderet. E grossi Überraschig isch aber gsi, ass dr Klöden, won e sehr guete Bärgfahrer isch, nit mit em Hauptfäld het chönne mithalte und erst meh as zwei Minute spöter as siini Rivale im Peloton am Ziil acho isch. Dr Pineau, wo as Erste über die erste vier Päss gfahren isch, het siis grüene Liibli mit Erfolg verdeidigt. Dr best Jungfahrer isch dr Andy Schleck worde und bim Sprintklassemänt het sich nüt veränderet.

Achti Etappe

Dr Bradley Wiggins uf dr 8. Etappe

Die erste zwei Drittel vo dr achte Etappe vo dr Station des Rousses uf Avoriaz si nid schwiirig gsi. Zerst isch e Pass vo dr vierte Kategorii und denn e langi Abfahrt mit chliinere Hügel cho. Dr Belgier Mario Aerts, dr Holländer Koos Moerenhout und e baar anderi hai das usgnützt, zum Sprint- und Bärgpünggt zsammle. Die letzte vo dene Usrisser si erst am letzte Bärg überholt worde vom Peloton, wo vo Astana agfüehrt worden isch und wo fast alli Favorite drzue ghört hai, usser em Lance Armstrong, wo noch zwei Stürz meh und meh Zit verlore het, mit 11:45 Minute Abstand am Ziil acho isch und kei Chance für s Gsamtklassemänt meh gha het. Dr Andy Schleck und dr Spanier Samuel Sánchez si churz vor em Ziil usgrisse und dr Schleck het im Sprint d Etappe gwunne.

Nüünti Etappe

Die nünti Etappe het mit ere drissig Kilometer langen Abfahrt agfange, denn isch e Bärg us dr erste Kategorii cho, dr Col de la Colombière, denn dr Col des Aravis (zweiti Kategorii) und denn dr Col des Saisies (ersti Kategorie). Dä Rennabschnitt isch prägt worde von ere Usriissergruppe mit em Sandy Casar, em Anthony Charteau, em Luis León Sánchez, em Jérôme Pineau, em Christophe Moreau und e baar Andere, wo vili Pünggt für s Bärgklassemänt gsammlet hai. Bim letzte Ufstiig vom Dag uf e Col de la Madeleine (Hors Catėgorie) hai sich die beste Fahrer abgsetzt und s Tempo afo forciere. Dr Cadel Evans, dr Carlos Sastre, e chlii druf dr Ivan Basso und dr Lance Armstrong hai nit mit em Andy Schleck und em Alberto Contador chönne mithalte. Die beide hai d Verfolgig vo dr Gruppe vom Casar ufgnoh, wo immer chliiner worden isch und uf em Pass nume no us fümf Fahrer bestande het. Uf dr Abfahrt, wo fast drissig Kilometer lang gsi isch, het dr Samuel Sánchez, wo bim Ufefahre e bitz distanziert worden isch, dr Contador und dr Schleck fast iigholt, het aber uf dr fast ebene Strecki uf Saint-Jean-de-Maurienne wiider vierzig Sekunde verlore. Unterdesse het d Gruppe vom Casar sich nit drum kümmeret, ass dr Schleck und dr Contador guet zsämmegschafft hai und si si churz vor em Ziil überrascht gsi, ass dr Schleck se sogar churz überholt het. Dr Casar het aber dr Sprint vor em Luis León Sánchez und em Damiano Cunego gwunne. S gäle Liibli isch an dr Andy Schleck gange, won e Vorsprung vo 41 Sekunde uf e Contador und vo 2:45 Minute uf e Samuel Sánchez gha het. Dr Schleck isch dr best Nochwuchsfahrer und dr Thor Hushovd dr schnällst Sprinter bliibe. Im Bärgklassemänt het dr Anthony Charteau d Füehrig übernoh vor em Pineau und em Moreau.

Zähnti Etappe

Die erste siibzig Kilometer vo der zähnte Etappe si hügelig gsi, s Tämpo vom Peloton isch mässig gsi, und vili Fahrer hai brobiert uszriisse. Bi dr Uffahrt zur Côte de Laffrey (1. Kategorii) het sich e Sächsergruppe uusebildet, wo us de Franzose Pierre Rolland und Maxime Bouet, de beide Belgier Mario Aerts und Dries Devenyns, em Portugiis Sergio Paulinho und em Wiissruss Vasil Kiryienka bestande het, wo alli im Gsamtklassemänt kei Bedrohig für d Favorite dargstellt hai. Im Peloton het s dorum niemer bressant gha, und d Usriisser hai ihre Vorsprung bis zum Gipfel vom Col du Noyer (2. Kategorii) uf fast zwölf Minute chönne usbaue. Die letzti Abfahrt isch technisch aspruchsvoll gsi, wil aber niemer under Druck gsi isch, isch au niemer Risike iigange und alles isch ohni Stürz abgloffe. D Füehrigsgruppe het sich ufglöst und dr Paulinho und dr Kiryienka si de andere drvo gfahre. Im Ändsprint isch dr Portugiis grad no vor em Kiryienka an s Ziil cho. Bi de Sprinter het dr Petacchi dr Vorsprung vom Hushovd um drei Pünggt chönne verchliinere, bi de Bärgspezialiste het dr Pineau as Siibte uf dr Côte de Laffrey ei Punggt meh übercho as dr Charteau und het em s Punggtliibli abgnoh. Caisse d'Epargne het bi de Mannschafte dr ersti Platz verdeidigt vor RadioShack und Astana. Im Gsamtklassemänt het sich nüt gänderet.

Elfti Etappe

S erste Drittel vo dr elfte Etappe isch e langsame Astiig uf e Col de Cabre (3. Kategorii) gsi. E Gruppe mit em Spanier José Alberto Benítez und de Franzose Stéphane Augé, Anthony Geslin und em Jérôme Pineau si vorus gfahre und het die wenige Pünggt im Bärgfahre und bi de Zwüschsprint wo s gee het, iigsammlet. Denn isch e langi Abfahrt cho bis zum Ziil. Bi dr Aakumft z Bourg-lès-Valence si alli Usrisser scho lang iigholt gsi und d Sprinterteam hai em Peloton e hochi Gschwindikeit vorgschriibe. Im Sprint het dr Mark Cavendish vor em Alessandro Petacchi gwunne. Dr Thor Hushovd isch nume Siibte worde und het s grüene Liibli em Petacchi müesse überloo. In de andere Klassemänt het sich nüt gänderet. Dr Augé isch zum kämpferiste Fahrer vo dr Etappe gwehlt worde.

Zwölfti Etappe

Die zwölfti Etappe isch vo Bourg-de-Péage uf Mende gange und isch 210,5 km lang gsi. Dr Fedrigo, dr Hejsedal und dr Costa si am erste Bärg usgrisse, hai d Pünggt für s Bärgklassemänt gnoh und si e baar Kilometer druf wider iigholt worde. Am zweite Bärg het sich e Gruppe vo achzäh Fahrer abgsetzt, drunder dr Anthony Charteau, dr Winokurow, dr Kiryenka, dr Klöden, dr Casar, dr Hesjedal und dr Hushovd. Dä het vorgha d Zwüschsprint z gwünne und im Petacchi s grüene Liibli wider abzneh, was em noch em zweite Sprint au glungen isch, und denn het er sich wider vom Peloton lo iihole. Dr Winokurow het aagrife und isch zsämme mit em Klöden, em Kiryienka und em Hesjedal uf fast vier Minute Vorsprung uf s Peloton cho. Das het reagiert und dr Vorsprung isch langsam zsämmegschmulze. Am letzte Aastiig, wo nume vier Kilometer lang aber sehr steil gsi isch, het sich dr Vorsprung rapid verchliineret, und dr Klöden und dr Hesjedal si ins Peloton zrugggfalle. Dr Contador het aagrife und dr Andy Schleck het e baar Sekunde zum reagiere bruucht und het s nüm fertig brocht zum Contador ufzschliesse. Dä het dr Ändspurt gegen e Joaquim Rodríguez verlore. Dr Schleck het zäh Sekunde uf dr Contador verlore, het aber s gäle Liibli mit eme Vorsprung vo 31 Sekunde bhaltet. Dr Charteau het vor em Pineau im Bärgklassemänt gfüehrt, dr Hushovd isch wider Erste bi de Sprinter gsi und s Team RadioShack isch die besti Mannschaft worde.

Drizähnti Etappe

Die drizähnti Etappe isch hügelig gsi, drei Bärge in dr vierte und zwei in dr dritte Kategorii. Dr Winokurow het sich mit drizäh Sekunde Vorsprung vor de Sprinter in s Ziil grettet. Dr Mark Cavendish isch Zweite worde und het siini Chance im Punggtklassemänt verbesseret. Dr Petacchi as Dritte het acht Pünggt meh übercho as dr Hushovd as Achte und het däm wider s grüene Liibli abgnoh. Im Gsamtklassemänt het sich bi de Füehrende nüt gänderet.

Vierzähnti Etappe

Die erste zwei Drittel vo dr vierzähnte Etappe vo Revel uf Ax 3 Domaines si hügelig gsi und denn isch dr Aastiig uf dr hors categorie Port des Palhères cho, wo 2100 Meter hoch isch. Scho vier Kilometer noch em Start isch die ersti Gruppe usgrisse, wo sich zerst nit wiit vom Peloton het chönne entfärne. Bim Kilometer 27 si si denn zwei e halb Minute vorus gsi, vierzig Kilometer druff scho e chli meh as zäh Minute. Denn het Astana aber afo Dampf mache und dr Vorsprung het sich die ganz Ziit verchliineret. Bi dr Uffahrt zum Port des Palhères isch d Usrissergruppe usenandergheit. Dr Riblon isch dört am Schluss ganz elei alle vorus gsi, au starki Fahrer wie dr Valls, dr Sastre, dr Kiryienka, dr Charteau und dr Cunego si nüme mitcho. Noch ere steile Abfahrt het dr Amaël Moinard dr Riblon fast wider iigholt, aber bim Aastiig uf Ax 3 Domaines, wo zwar nume nüün Kilometer lang aber zimlig stotzig isch, het er kei Chance gha, isch zrugggfalle und isch bald vo dr Gruppe vo de Favorite überholt worde. Dr Christophe Riblon aber het duureghalte und isch mit fast ere Minute Vorsprung vor em Denis Menschow und em Samuel Sánchez, wo im Schleck und em Contador drvo gfahre si, am Ziil achoo. Dr Schleck und dr Contador hai am Schluss zsämmegschafft, zum dr Vorsprung vom Menschow z begränze und hai dr Vorsprung von ere halbe Minute bis uf fufzäh Sekunde im Ziil verchliineret.

Fufzähnti Etappe

Die fufzähnti Etappe isch 187,5 Kilometer lang gsi und het vo Pamiers uf Bagnières-de-Luchon gfüehrt. Dr erst Deil het nume e Bärg in dr vierte Kategorii gha, aber denn si zwei Päss in dr zweite Kategorii cho und zum Schluss dr Port de Balès (hors categorie) und e raschi Abfahrt uf Bagnières-de-Luchon. Uf em erste Bärg hai dr Hushovd und dr Petacchi, wo se im Punggtklassemänt numme zwei Pünggt drennt, um Bärgpünggt gsprintet, dr Hushovd isch Zweite und dr Petacchi Dritte worde, aber bim Zwüschsprint 25 Kilometer spöter si beidi leer usgange. Uf dr Uffahrt zum Col de Portet-d’Aspet het sich en Usriissergruppe bildet, wo dr Bestplatzierti under ne, dr Johan Van Summeren, e halbi Stund hinder em Schleck glägen isch im Gsamtklassemämt. Dorum het me se lo fahre. Dr Voeckler, wo au drbii gsi isch het das usgnützt zum Pünggt für s Bärgklassemänt z sammle. Dr Vorsprung vo dr Spitzegruppe het sich uf fast elf Minute vergrösseret. Bim letzte Aastiig dreiht d Saxobank uf, s Peloton verliert immer meh Fahrer und dr Vorsprung vom Voeckler siiner Gruppe schmilzt zsämme, und die brobiere ihri Gschwindikeit z erhöhe. Die meiste chömme nümme mit und bim Kilometer 159 fahrt dr Voeckler no im Ballan, em Letzte wo no mit em gsi isch, drvo. D Favorite si immer non e baar Minute hinder em Voeckler und zwölf Kilometer vor em Spitz vom Port de Balès grift dr Schleck dr Contador und die andere Favoriten a, aber si Chetti gumpt uuse. Dr Contador macht meh Tempo und fahrt em drvo, währed dr Schleck d Chetti wiider muess iine due und eso dr Aaschluss an die andere Favorite verliert. Bi dr Abfahrt het dr Schleck, wo nit dr best Abfahrer isch, non e baar Sekunde verlore und chunnt im Ziil 3 Minute 29 Sekunde noch em Etappesiiger, em Thomas Voeckler aa, und verliert 39 Sekunde uf dr Contador, wo eso s gäle Liibli übernimmt. Nit wenigi Zueschauer hai s Verhalte vom Contador as unsportlig betrachdet und ihn bi dr Ehrig uspfiffe.

Sächzähnti Etappe

Bi dr Etappe vo Bagnères de Luchon uf Pau hai d Fahrer vier schwiirigi Bärg müesse überwinde: dr Col de Peyresourde, Col d’Aspin (beidi 1. Kategorii), dr Col du Tourmalet und dr Col d’Aubisque (beidi hors catégorie). S Peloton het sich im Ufstiig uf e Col de Peyresourde in chliineri Gruppen ufglöst. Am Spitz isch dr Pol Sylwester Szmyd gsi, wo as Erste über e Pass gfahren isch. Noch ihm si dr Charteau und dr Kreuziger cho. Dr Lance Armstrong und wichdigi Fahrer wie dr Winokurow mit nume siibe Minute Rückstand im Gsamtklassemänt si au drbii gsi. S Peloton het se dorum nit allzu vil Vorsprung lo uusefahre. Am zweite Bärg isch dr Charteau Erste worde und het si Vorsprung im Bärgklassemänt usbaut. Uf e Tourmalet zue isch dr Sandy Casar usgrisse und dr Armstrong isch em nooch. Dr Armstrong het dr Franzoos denn hinder sich glo, dr Cunego und dr Fedrigo si aber bald zuen em gstosse, und denn si no dr Moreau und dr Casar und bald druf dr Horner, dr Barredo und dr Plaza drzuecho. Churz vor em Gipfel het dr Moreau aagrife und het as Erste zwanzig Pünggt und d Sunderprämie gnoh. Dr Charteau isch nume Elfte gsi und ohni Pünggt usgange. Er isch denn ins Peloton zrugggfalle und d Armstrong Gruppe het ihre Vorsprung bis uf sächs Minute chönne vergrössere. Churz vor em Spitz vom Aubisque het dr Moreau aagrife und as Erste vierzig Pünggt übercho. Dr Fedrigo isch Zweite und dr Horner Dritte worde. Bi dr Abfahrt het sich dr Abstand zum Peloton bis uf zäh Minute vergrösseret. Dr Barredo isch dr Spitzegruppe drvogfahre, het zitwiis e Vorsprung vo meh as vierzig Sekunde uf se gha gha, aber zwei Kilometer vor em Ziil het en d Armstrong Gruppe wiider iigholt. Bim Ändsprint het dr Pierrick Fédrigo vor em Sandy Casar und em Rubén Plaza gwunne. Wo denn s Peloton aacho isch, het dr Thor Hushovd no die letzte Sprintpünggt vom Dag gnoh und isch wider im Grüene Liibli gsi.

Sibzähnti Etappe

Dr Alberto Contador im gäle un dr Thor Hushovd im grüne Liibli vor dr 17. Etappe

Die letzti Etappe in de Pyreneä het mit eme Bärg vo dr 4. Kategorii agfange, denn si dr Col de Marie-Blanque und dr Col du Soulor (beidi 1. Kategorii) cho und s Ziil isch uf em Col du Tourmalet gsi. Scho fümf Kilometer noch em Start isch e Gruppe vo siibe Fahrer usgrisse. Keine drvo het e Chance bim Punggt- oder bim Bärgklassemänt gha und dorum het sich bi dene nüt g änderet; und wil s die letzti Bärgetappe gsi isch, het dr Charteau, wenn er nume d Tour z Änd fahrt, s Bärgklassemänt scho gwunne gha. D Usriisser si bis zum Tourmalet vorus bliibe und dr Sastre, wo fast 150 Kilometer lang brobiert het, elei zum Spitz ufzschliesse, isch vom Peloton schliesslig gschluggt worde. Dört het Saxobank s Tämpo vorgee und meh und meh Fahrer si zrugggfalle. Schliesslig het dr Schleck nüün Kilometer vor em Ziil aagrife und nume dr Contador het no chönne mithalte. Churz druf hai si dr Letzt vo de Usriisser, dr Alexander Kolobnew, überholt. Dr Schleck het dr Contador nit chönne abhängge, aber au däm si Agriff het em kei Vordeil brocht, so dass die beide zsämme am Ziil achoo si, wo dr Contador em Schleck dr Etappesiig nit striitig gmacht het.

Achzähnti Etappe

Die achzähnti Etappe isch e Flachetappe vo Salies-de-Béarn gsi. Bim 17. Kilometer si vier Fahrer, dr Breschel, dr Oss, dr Vaugrenard und dr Pineau usgrisse und bis churz vor em Ziil im Peloton vorusgfahre. Si hai eso alli Sprintpünggt iigsammlet, wo s underwägs gee het, und s Schiggsal vom grüene Liibli isch dorum nume vo dr Platzierig am Ziil abhängig gsi. Dr Cavendish het dr Ändsprint souverän gwunne, vor em Dean und em Petacchi. Das het däm glängt, zum im Hushovd s grüene Liibli abzneh.

Nüünzähnti Etappe

Dr Alessandro Petacchi im grüene Liibli uf dr 20. Etappe

Bim Zitfahre vo Bordeaux uf Pauillac het dr Fabian Cancellara vor em Tony Martin und em Berti Grabsch gwunne. Vo de erste Zäh im Gsamtklassemänt isch dr Denis Menschow wie erwartet dr Flinkst gsi und het sich uf e dritte Blatz ufe gschafft. Au dr Contador het relativ guet abgschnitte und het im Andy Schleck, wo besser gfahren isch as me dänggt hät, non e halbi Minute abgnoh.

Zwanzigsti Etappe

Uf de Champs Elisées het dr Mark Cavendish wider bewiise, ass er zu dere Zit dr best Sprinter gsi isch. Dr Petacchi het si erste Blatz im Punggtklassemänt verdeidigt, dr Thor Hushovd isch aber vom Cavendish vom zweite uf e dritte Blatz verdrängt worde. In de andere Klassemänt het sich, wie erwartet, nüt gänderet.

Grichtligs Noochschbiil

Wäärend dr Tour de France 2010 het dr Alberto Contador bin ere Bluetbroob Spuure vom verbotnige Clenbuterol im Bluet gha. Er isch druf gsperrt worde, aber dr schbanisch Verband RFEC het en freigsproche und d Sperri ufghoobe. Dr Velosportwältverband UCI isch in d Beruefig gange und 2012 het dr Internazional Sportgrichtshoof (Court of Arbitration for Sport, churz Cas) dr Contador schuldig gfunde und iin für zwäi Joor rückwirkend vo dr Tour 2010 aa, gsperrt. Dr Contador verliert drmit siini Ditel bi dr Tour 2011 und bim Giro d'Italia 2011.

Weblink

•  Commons: Tour de France 2010 – Sammlig vo Multimediadateie
• Offizielli Internetsite vo dr Tour de France
• Dr Streckeverlauf uf Google Maps/Earth
• S Reglement vo dr Tour de France 2010 (Französisch/Englisch)