Trio Eugster

Chartplatzierige

Single

Oh läck du mir …   CH 4 14.04.1970 (10 Wu.) {{{5}}} Ganz de Bappe   CH 7 01.12.1970 (7 Wu.) {{{5}}} Dä söll emal choo!   CH 2 21.01.1978 (6 Wu.) {{{5}}} Viva la Grischa (Jetzt mues de Buuch weg) (mit OBK)   CH 51 05.10.2008 (7 Wu.) {{{5}}}

S Trio Eugster isch e Schwyzer Gsangstrio vu Dübedorf im Kanton Züri gsii.

Gschicht

S Trio isch anne 1967 grindet woore. Zum Trio hän dr Chaufmann un Immobiliedreihänder Guido Eugster (1936–2021), dr Klavierstimmer Alex Eugster (* 1937) un dr eemoolig Vermässigszaichner un hitig Gaschtwiirt Vic Eugster (1940–2022) gheert. In dr Sächzgerjoor hän di drei Brieder iri eerschte Stuudioufnaame gmacht. Iri Lieder sin zum greeschte Dail vum Alex Eugster kumpeniert oder mitkumpeniert woore. Ire Erfolgsrezäpt isch di doodmool nei Mischig us Schwyzer Volksmusik un Schlaager gsii. Unter em Pseidoniim «Guy Dübendorfer» het dr Fredy Lienhard verschiideni Täxt fir si gschriibe (Ganz de Bappe, Dörfs es bitzli meh si, Expertisen-Tango). E Dail Lieder vum Trio Eugster sin zue „Evergreen“ woore.

Wel s schwäär gsii isch, s Inträssi vu Musikproduzänte z wecke, het s Trio anne 1971 e aige Blatteunternäme grindet, d «Eugster Musikproduktionen AG», wu vu 1997 bis 2003 «Trio Eugster AG» un dernoo «Tell Music AG» ghaiße het. Dr Vic Eugster isch ab 1971 dr eerscht Gschäftsfierer vu sällere Fiirmaa gsii, wu s Trio Eugster dermit zäme mit em Hans Gmür un dr Ines Torelli dääre ire Hit Gigi von Arosa produziert ghaa het. Bis anne 1979 hän si ne Hufe Fäärnseeufdritt ghaa un Turnee gmacht, doderdur het mer s Gesangstrio iiber d Schwyzer Gränze uuse gchännt.

Ab Mitti vu dr Aachtzgerjoor sin si efange chiirzerdrätte. Dr Alex Eugster het au Lieder fir anderi Musikgruppe gschriibe, wie z. B. Miir si vo dr Füürwehr fir s Löschzugchörli Inderlache. Dr Vic Eugster het au zäme mit em Sepp Trütsch e Gsangsduett bildet.

S Trio Eugster isch no syne lenger e Pause au mit Ländlerkapälle ufdrätte. Si hän unter anderem neii Täxt zue eltere Ländlermelodie gsunge. S Trio Eugster het rund zwoo Millione Toondreeger verchauft.

Wiichtigi Hit

• O läck du mir
• Dä söll emal choo
• Iishockey
• Oh Walesee
• Ganz de Bappe
• Expertise Tango
• Sitzed Sie, hocked Sie
• De Pantoffelheld
• Jetz mues de Buuch weg
• ’s Ankebälleli
• Bappi tue d’Auge uf
• Brödli händ si kai gha
• Chunsch wänd chasch
• Metzgete
• Wänn de Böög verbrännt
• Schrebergärtli Blues

Literatur

• Dübendorfer Heimatbuch (Rezänsion in dr NZZ, 5. Jänner 2006)

Weblink

• Trio Eugster uf mikiwiki.org

Fueßnote

Dä Artikel basiert uff ere fräie Übersetzig vu dere Version vum Artikel „Trio_Eugster“ vu de dütsche Wikipedia. E Liste vu de Autore un Versione isch do z finde.