Tubuai

Tubuai isch dr Naame vom ene Atoll im Südpazifik und au vo däm sinere Hauptinsle, 640 km südlig vo Tahiti. Uf dr Insle lääbe 2'050 Lüt (2007), si het e Flechi vo 45 km² und isch d Hauptinsle vo de Austral-Insle, wo zu Franzöösisch-Polynesie ghööre. De Austral-Insle säit mä vilmol au „Tubuai-Insle“. Dr Hauptort isch Mataura.

Tubuai
Tubuai us em Wältall Tubuai us em Wältall
Gwässer	Pazifische Ozean
Archipel	Australinsle
Geografischi Laag	23° 23′ S, 149° 27′ W-23.383333333333-149.45
Tubuai (Französisch-Polynesien) Tubuai
Zaal vo de Insle	7
Hauptinsle	Tubuai
Landflechi	45 km²
Laguneflechi	85 km²
Höggsti Erhebig	Mont Taitaa 422 m
Iiwooner	2050 (2007)
Blick vom ene Motu über d Lagune uf d Hauptinsle Blick vom ene Motu über d Lagune uf d Hauptinsle

Geografii

S Tubuai Atoll befindet sich im Früestadium vo sinere Entwicklig. Im Zentrum isch die grösst Insle, wo zimlig gebirgig isch. Uf em Riff im Oste lige säggs chliineri Insle, vo Nordoste uf Südoste si das:

1. Motu Mautaro (Nordoste)
2. Motu Toena (Nordoste)
3. Motu Moturaa (Oste)
4. Motu Motihia (Oste)
5. Motu Ofai (Südoste)
6. Îlot Plat (Südoste)

Die höggsti Erheebig isch dr 422 m hoochi Mont Taitaa östlig vo dr Middi vo dr Hauptinsle. Im Südoste isch dr Hanareho, wo 325 m hooch isch. Zwüschene isch flachers Land, sodass d Insle, wemm mä sä vo witem vom Norde oder Süde us aaluegt, usgseet, wie wenn s zwäi Insle weere.

Dr Hauptort und s Verwaltigszentrum vo de Australinsle isch s Dorf Mataura an dr Nordküste.

Es git drei Däilgmäinde (communes associées):

1. Dr Hauptort Mataura (954 Iiwooner, im Norde)
2. Taahueia (552, im Nordoste)
3. Mahu (544, im Süde)

Weblingg

• https://web.archive.org/web/20130129185046/http://www.thetahititraveler.com/islandguide/tubuaiintro.asp

Dä Artikel basiert uff ere fräie Übersetzig vum Artikel „Tubuai“ vu de dütsche Wikipedia. E Liste vu de Autore un Versione isch do z finde.