Twinings
D’ R. Twining & Co Limited [ˈtwaɪnɪŋz] ìsch a britisch Unternamma, wo haissa Getranker vermàrktet. Unter siinera Aigamàrka Twinings of London verkàuift’s hàuiptsachtlig Grian- un Schwàrztee. S’ Unternamma wird sitter mehr àss 250 Joohra vu dr Fàmìlia Twining glaita. Dr Sìtz bfìndet sìch z’ London. Ànna 1964 ìsch s’ Unternamma dur d’ Gruppa Associated British Foods ìwwernumma worra.
| R. Twining & Co Limited | |
|---|---|
| |
| Unternähmensform | Kàpitààlgällschàft (Limited) |
| Gründig | 1706 |
| Sitz | London, Verainigt Keenigraich |
| Leitig |
Rosalyn Schofield, George McCallum, Nicholas Revett, Robert Tavener |
| Umsatz | 233,99 Mio. GBP[1] äbb 278,57 Mio. EUR |
| Branche | Tee |
| Uffdritt im Netz | twinings.co.uk |
Gschìcht
ändere
S’ Unternamma-n-ìsch vum Thomas Twining (1675–1741) grìnda worra, ema ehamààliga-n-Ààgschtällt vu dr Britischa Oschtìndià-Kompànii, wo ànna 1706 s’ Kàffeehüüs „Tom’s Coffeehouse“ z’ Devereux Court bii dr Strand z’ London gäffnet hàt. S’ ìsch aina vu da äärschta Kàffeehiiser gsìì, wo mehr Tee àls Kàffee verkàuift hàt.[2] Z’ London sìnn ìm 17. un 18. Joohrhundert Kàffeehiiser wìchtiga Traffpunkta gsìì, wu d’ Manner ìhra Gschaftspàrtner un Kunda ààgtroffa hann. Tom’s Coffeehouse ìsch àwwer aina vu da äärschta Kàffeehiiser gsìì, wu àui Fràuija kumma sìnn.[2] Ìn dara Zitt ìsch a groossa Konkürranz zwìscha da zàhlriicha Kàffeehiiser gsìì. Dr Thomas Twining hàt jedoch mìt’m Teeverkàuif vìel Gald verdiant —sallamols ìsch Tee a Moodagetrank vu dr Oowerschìcht gsìì. Ìm Twining sii Ärfolg ìsch soo unmìttelbàr gsìì, àss’r sii Tee fìrs diira Gald verkàuift hàt: ànna 1706 hann 100 Gràmm Twining’s Gunpowder Green Tea äbb 200 Euro vu hìtta koschta.
D’ Gsällschàft Twinings hàt a soo güater Rüaf ghàà, àss dr britischa Àdel sii Tee kàuifa hàt. Unter da Kunda sìnn unteràndrem dr Roger Abdy, dr Lord George Anson, d’ Fàmìlia Blount of Twickenham, dr Earl of Cardigan un dr bekànnta Mooler William Hogarth gsìì.
Ànna 1717 hàt dr Thomas Twining zwai àndra Kàffeehiiser gäffna, drunter s’ Hüüs àn dr Strand 216 —hìttz’tààgs ìsch noch doo s’ Kàffeehüüs z’ fìnda; s’ Hüüs ìsch àlso dr ältschta Miater ìn dr britischa Hàuiptschàdt.[3] Ìm gliicha Joohr hàt’r zem äärschta Mol a guldiga Leeb àls Logo bnutzt —dr Leeb vu Twinings ìsch dr ältschta bekànnta Firmalogo, wo noch hìtt bnutzt wìrd.[4][5] Ànna 1734 hàt dr Twining siina Kàffeehiiser verkàuift un hàt sìch numma-n-uff dr Teehàndel konzäntriart, wo mehr räntàwel gsìì-n-ìsch. Ànna 1741 ìsch dr Thomas Twining gschtoorwa. S’ Unternamma hàt’r ìm Suhn Daniel verärbt. Dr Daniel Twining hàt ààgfànga, Tee ìn Àmerikà z’ exportiara. Wu dr Daniel ànna 1762 gschtoorwa-n-ìsch, hàt siina zwaita Fràui, d’ Mary Little, s’ Fàmìliagschaft glaita. Vun ìhr hàt ànna 1771 ìm Daniel sii Suhn üss äärschter Eha, dr Richard Twining, s’ Gschaft ìwwernumma; dr jìngera Brüader ìsch Gschaftspàrtner worra. Wu maa ànna 1773 bii dr Boston Tea Party mehrera Tonna Tee ìns Meer gworfa hàt, hàt d’ Firma behàuiptet, àss därt kää Twinings-Tee gsìì-n-ìsch.
Dànk da gschaftliga-n-Ärfolga vu siim Groossvàtter un siim Vàtter ìsch dr Richard Twinings ìn siinera Zitt aina vu da wìchtigschta Gschaftslitt vu London gsìì. Ar hàt ìm Premierminìschter William Pitt ämpfoohla, d’ Schtiir fìr iigfiahrta Wààra z’ ärmassiga —dàs hàt dr Pitt gmàcht. Züadam ìsch mìt’m Commutation Act vu 1784 a Schtiira-n-ärmassigung um Teewààra gsìì, so dàss àlla Litt Tee känna kàuifa hann.
Ànna 1818 hann dr Richard Twining II. un siina Briader George un John s’ Fàmilia-n-unternamma ìwwernumma. Ànna 1825 hann sa d’ Twining’s Bank grìnda, wo sìch ànna 1892 mìt dr Lloyds-Bànk zammagschlossa hàt. Ànna 1837 hàt Keenigin Victoria d’ Twinings àls Hoflìeferànt ànärkännt. D’ Twinings ìsch dr äärschta Teehàndler gsìì, wo daa Schtàtüs ghàà hàt.[6] Dr Schtàtüs ìsch ànna 1863 ärnäijert worra.[7]
Ànna 1857 hàt dr Richard Twining III. zamma mìt’m Vätter Samuel Harvey Twining s’ Fàmìliagschaft ìwwernumma. Zamma hann sa näija Teelaada ìn gànz London gäffnet. Mìt’ra Priissankungspolitik hann sa ìmmer meh Tee verkàuift. Àlso ìsch s’ Tee ìm Groossbritànnia a Getrànk vu da Màssa worra.
Ìm Zwaita Waltkriag ìsch a Bùmba-n-uffs Müatterhüüs vu dr Twinings àn dr Strand 216 käijt. Ìnnerhàlb vu weeniga Schtunda hàt man àwwer s’ Iigàngstoor vum Hüüs wìederbàuia, un gliich hàt maa-n-ìm Hüüs witter Tee verkàuift.
Ìm Joohr 1964 ìsch d’ Twinings dur d’ Associated British Foods ìwwernumma worra. Noh-n-em Ìwwernamma ìsch d’ Filiàla vergreessert worra, un a näija Teefàwrìk ìsch bii Andover ìm Hampshire bàuia worra. Schpeeter hàt maa-n-àui Schtàndorta fìr d’ Prodükzioon z’ New Forest ìm Hampshire un z’ Greensboro ìm North Carolina (USA) bàuia. Hìttz’tààgs wara vìela Tees vu Twinings z’ Kalkutta-n-ìm Ìndià àbgmìscht, vor äbb sa waltwitt verschìfft wara.
Ìm Àwrìl 2008 hàt d’ Twinings verkìndigt, àss sa ìhra Fàwrìk vu dr Màrka Nambarrie z’ Belfast schliassa wìrd.[8] Àm Andsjoohr 2011 hàt d’ Gsällschàft s’ greeschta Tail vun ìhrer Prodükzioon ìn Kina un Poola verlàgert, dänn’s mehr räntàwelt gsìì-n-ìsch. D’ Fàwrìk vun Andover ìsch noch uffa, àwwer mìt weeniga Ààgschtällta.[9]
Ethik un soziààl Engaschment
ändereÀnna 1997 ìsch Twinings Mìtgrìnder vum Ethical Tea Partnership worra; s’ Ziil drbii ìsch, d’ Noohhàltigkait vu dr Teehärschtällung z’ verbässra.[10]
Üsserdam hàt d’ Twinings-Gsällschàft Pàrtnerschàfta mìt dräi Nìtregiarungsorgànisàzioona ìm Ìndià un Kina unterzaichnet: z’äärscht ànna 2010 mìt Mercy Corps ìm Darjeeling fìr dr Züagàng züa Trìnkwàsser äntwìckla;[11] drnooh ànna 2011 mìt’m UNICEF ìm ìndischa Bundesschtààt Assam, fìr d’ Blutàrmüat un d’ Kìnderschtarbligkait bekampfa;[12] un ìm gliicha Joohr mìt Save the Children, fìr ìn da Kìnder ìm kineesischa Yunnan halfa.[13] Ànna 2019 hàt drzüa d’ Twinings a Pàrtnerschàft mìt dr Hìlfsorgànisàzioon WaterAid ghàà, fìr dr Wàsserzüagàng vu da Àrwaiter ìn da Teefalder ìm Àsia z’ verbässra.[14]
Weblinks
ändere
Commons: Twinings – Sammlig vo Multimediadateie- D’ offiziälla Websitta vu Twinings (uff Anglisch)
- D’ offiziälla Websitta vu Twinings Diitschlànd (uff Hoochdiitsch)
- D’ offiziälla Websitta vu Twinings Schwiiz (uff Hoochdiitsch)
- D’ offiziälla Websitta vu Twinings Itàlia (uff Itàlianisch)
Ainzelnoohwiisa
ändere- ↑ R. Twining and Company Limited: Annual Reports and Financial Statements for the year ended. (pdf) Abgruefen am 28. Februar 2022 (änglisch).
- ↑ 2,0 2,1 Twinings, pas de pause depuis 300 ans. In: La Revue des marques 1993-2020. Abgruefen am 15. Dezember 2018 (französisch).
- ↑ Christopher Winn: I Never Knew That About London. Ebury Press, 2007, ISBN 978-0-09-191857-6 (englisch, Iigschränkti Vorschau uf books.google.de).
- ↑ Tom Standage: A history of the world in six glasses. Walker, New York 2005, S. 202 (englisch).
- ↑ Les 10 logos d'entreprise les plus vieux du monde. In: Atlantico. 22. Juli 2014, abgruefen am 28. Februar 2021 (französisch).
- ↑ Jess Ilse: By Royal Appointment: Twinings & Co. In: Royal Central. 7. Februar 2016, archiviert vom Original am 1. März 2021; abgruefen am 15. Dezember 2018 (britischs Änglisch).
- ↑ Henri Saporta: 300 ans de thé avec Twinings. In: L’Usine nouvelle. 1. Oktober 2006, abgruefen am 28. Februar 2022 (französisch).
- ↑ Tea Time Over For Nambarrie. In: 4NI.co.uk Northern Ireland News. 11. April 2008, abgruefen am 17. Januar 2009 (änglisch).
- ↑ Twinings to leave Britain for Poland. In: The Telegraph. 6. September 2010, abgruefen am 10. Oktober 2019 (änglisch).
- ↑ About Us. Sourced With Care, abgruefen am 14. April 2022 (änglisch).
- ↑ Renewed partnership with Twinings brings clean water to tea workers. Mercy Corps, 22. Januar 2015, archiviert vom Original am 2. April 2019; abgruefen am 15. Dezember 2018 (änglisch).
- ↑ Unicef's work with Twinings. UNICEF UK, archiviert vom Original am 20. Februar 2022; abgruefen am 28. Februar 2022 (britischs Änglisch).
- ↑ Twinings - Corporate Partner. Save the Children UK, archiviert vom Original am 12. April 2021; abgruefen am 12. April 2021 (änglisch).
- ↑ Sarah George: Twinings partners with WaterAid to improve sanitation in tea supply chains. In: edie.net. 21. August 2019, abgruefen am 14. April 2022 (französisch).
|
Dä Artikel basiert uff ere fräie Übersetzig vu dere Version vum Artikel „Twinings“ vu de dütsche Wikipedia. E Liste vu de Autore un Versione isch do z finde. |