Verfassig vum Land Bade

D Verfassig vum Land Bade vum 18. Mai 1947 isch d Verfassig gsii vum Land Bade, wu zue dr franzesische Bsatzigszone ghert het, un em ehmolige Bundesland Bade vu dr Bundesrepublik Dytschland. Si isch vum 19. Mai 1947 bis 19. Novämber 1953 in Chraft gsii.

Publikation vu dr Badische Verfassig vum 18. Mai 1947 im Regierungsblatt

S Bundesland Bade isch am 25. April 1952 mit Wirttebärg-Hauezollre un Wirttebärg-Bade im Bundesland Bade-Wirttebärg ufgange.

D Verfassig isch in fimf Hauptabschnitt unterdailt gsii:

• Erster Hauptabschnitt Grundrechte (Artikel 1 bis 20)
• Zweiter Hauptabschnitt Grundpflichten und Gemeinschaftsleben
  • Abschnitt I Familie, Erziehung und Bildung (Artikel 21 bis 33)
  • Abschnitt II Kirchen und Religionsgemeinschaften (Artikel 34 bis 36)
  • Abschnitt III Arbeit und Wirtschaft (Artikel 37 bis 49)
• Dritter Hauptabschnitt Staatsaufbau
  • Abschnitt I Die Staatsgewalt und ihre Ausübung (Artikel 50 bis 57)
  • Abschnitt II Wahlen und Volksabstimmungen (Artikel 58 bis 59)
  • Abschnitt III Der badische Landtag (Artikel 60 bis 75)
  • Abschnitt IV Die Landesregierung (Artikel 76 bis 87)
  • Abschnitt V Von der Anklage gegen die Mitglieder der Landesregierung (Artikel 87 bis 88)
  • Abschnitt VI Gesetzgebung (Artikel 89 bis 97)
  • Abschnitt VII Verwaltung (Artikel 98 bis 108)
  • Abschnitt VIII Rechtspflege (Artikel 109 bis 117)
  • Abschnitt IX Die Parteien (Artikel 118 bis 121)
• Vierter Hauptabschnitt Der Schutz der Verfassung (Artikel 122 bis 126)
• Fünfter Hauptabschnitt Schlußbestimmungen (Artikel 127 bis 130)

Di Berotend Landesversammlig het dr Verfassigsentwurf, wu si uusgschafft ghaa het, in ire 16. Sitzig am 21. April 1947 mit 40 gege zwelf Stimme aagnuu. Wu di franzesisch Militerregierig em Täxt vu dr Verfassig am 25. April 1947 zuegstimmt ghaa het, isch d Verfassig vum Land Bade em Volk glychzytig mit dr Wahl zum erschte Landdag am 18. Mai 1947 zur Abstimmig vorglait wore un mit 67,9 % vu dr giltige Stimme aagnuu wore.

Ergebnis	Jo-Stimme	Nai-Stimme	Gsamt
Stimme (absolut)	297.031	140.216	437.247
Stimme (Brozänt)	67,93 %	32,07 %	100 %

D Verfassig isch am 19. Mai 1947 in Chraft drätte. Si isch dur Gsetz vum 28. Februar 1951 (GVBl. S. 183) gänderet un dur Artikel 94 Absatz 2 vu dr Verfassig vum Land Bade-Wirttebärg vum 11. Novämber 1953 per 19. Novämber 1953 ufghobe wore.

Literatur

• Birgit Wilhelm: Das Land Baden-Württemberg: Entstehungsgeschichte – Verfassungsrecht – Verfassungspolitik. Böhlau Verlag, Köln / Weimar 2007.
• Otto Gilliar: Die Entstehung der badischen Verfassung vom 19. Mai 1947. In: Das Markgräflerland, Heft 2/1982, S. 3–43, Digitalisat vu dr UB Fryburg.
• Paul Feuchte: Besatzungsregime oder Selbstregierung. Demokratischer Aufbau in (Süd-) Baden nach 1945. In: Schau-ins-Land, 120. Jahrgang (2001), S. 209–221, Digitalisat vu dr UB Fryburg.

Weblink

• Verfassung des Landes Baden vom 18. Mai 1947
• Verfassung des Landes Baden-Württemberg vom 11. November 1953

Fueßnote

Dä Artikel basiert uff ere fräie Übersetzig vu dere Version vum Artikel „Verfassung_des_Landes_Baden“ vu de dütsche Wikipedia. E Liste vu de Autore un Versione isch do z finde.