Vermicell (vermuetlech vo lat.: vermiculus "Wörmli") esch es Dessert. Di schwizerisch Spezialität werd us pürirte Kestene (Maroni), wo med Butter, Läuterzocker, Schnapps ond Vanillzocker verfenert wärde könnd, hargstöllt. Vermicell send i verschedene Variante i de gsamte Schwiiz verbreitet. För di typischi Form werd d Masse dorch es Lochbläch prässt, so das öbe 15 cm langi "Wörmer" enstönd. Di Vermicell wärde pur, med Rahm oder Vanilglace gässe. Es ged si au als Törtli oder me duet si uf Meringues.

Vermicell mit Vanillglace und Schlagrahm
Pressi us Plaschdik für Vermicelles

Weblink ändere

  Commons: Vermicelles – Sammlig vo Multimediadateie