Vitibuckturm

Dè Vitibuckturm isch èn 37 Meter hochè Uussichtsturm in Holzkonschtruktion uff èm Vitibuck, im Huusbärg vo Düèngè.

Vitibuckturm

D Spitze vum Uussichtsturm uff em Vitibuck

Basisdate

Ort:

Düèngè

Land:

Baden-Württemberg

Staat:

Deutschland

Koordinate: 47° 38′ 22,6″ N, 8° 16′ 39,3″ O

Verwendig:

Fernmeldeturm

Zuegänglichkeit:

Sendeanlage öffentlich zugänglich

Bsitzer:

Stadt Waldshuèt-Düèngè

Turmdate

Bauziit:

1979 (1936 Ärschtè Turm)

Gsamthöchi:

37 m

Date zur Sendeaalag

Breitegrad:

47.6396

Längegrad:

8.27759

Positionskarte

Vitibuckturm

Laag ändere

Dè Gipfel vum Vitibuck (458 Meter) lyt öppè 120 Meter übber dè Altschtadt vo Düèngè. Dè Wäg zum Gipfel un èm Turm, wo druff stòt, füürt a dè ehemòligè Baddischè Buèrèschuèl vorby.

Gschichtè ändere

Dè ärschte Turm isch 1936 mit èrè Höchi vo 20 Meter baut worrè. Ändi Auguscht 1975 isch dè Turm abbrännt. D Ursach hèt niè ermittlèt wörrè chönnè. Dè Neubau isch durch dè yheimischè Architäkt Willi Jockers^[1] im Septembèr 1979 ygweyyt worrè.^[2] Dörtzmòl isch èn 37 Meter hochè Turm mit 131 Stufè in èrè intressantè Holzkonschtruktion baut worrè, wo-nè übberdachti Uussichtsblattform uff 25 Meter hèt. Sèll isch mit èm aaltè Turm nǜmmi möglich gsi, well d Bäum d Sicht vodeggt hèt. 2017 un 2018 isch dè Turm umfangrych renovyrt worrè. D Uussichtsblattform isch komplètt neu gschtaltet worrè; sèllèwäg hèt dè Turm èn Stägèdritt mee chriègt.^[3]

Bauwyys ändere

Dè Turm hèt èn dreieggigè Querschnitt, bschtòt also us drei Längsträger, wo mit Querträger mitnand vobundè sin. Näbb dè obberè Uussichtsblattform bschtòt dè Turm us drei Blattformè bis zum bedonyrtè Sockel.

Sockel vum Vitibuckturm
D Sitewand vum Vitibuckturm
Dè Vitibuck vum Wäg am Fuèss hèr

Uusbligg ändere

120° Süd-Panorama vum Vitibuckturm

D Uussichtsblattform macht èn Rundumluègi übber diè högschstè Baumwipfel vum Vitibuck wèg möglich, wo bi klarer Sichte dè Uusbligg vo dè Küssaburg bis zuè dè Alpèchètti ermöglichè duèt.