D Viviane „Vivi“ Geppert (* 5. Juni 1991 z Wiesbaden)[1] isch e dytschi Fäärnseemoderatoori.

Lääbe ändere

D Geppert isch im siiddbaadische Kilchzaarte ufgwagse. Im Alter vu 15 Joor het si bi dr zwoote Stapfle vu Germany’s Next Topmodel mitgmacht, wuu ne Model-Scout si doodruf aagschwätzt ghaa het. Go dailnee z chenne, het si aagee, si sei scho sächzeeni.[2] D Geppert isch unter di letschte 25 Dailnämerne chuu.[3] Noch em Abituur 2009 am Marie-Curie-Gimnaasium Kilchzaarte[4] het si vu 2010 bis 2013 ne Bachelor-Stuudium vu dr Meedie- un Kommunikazioonswisseschafte an dr Uniwersideet Augschburg gmacht un um des Zyt bim Studänteraadio Kanal C z Augschburg gschafft. Syt em 11. Jänner 2016 moderiert sie an dr Syte vum Daniel Aminati oder em Thore Schölermann s Boulevardmagazin taff uf ProSieben.[3] Dervoor het si bim Sänder scho as Volonteeri un Redakteeri vum Boulevardmagazin red! Stars, Lifestyle & More gschafft,[5] wu si syter anne 2016 au moderiere duet. Bi dr Oscarverleenig 2016 het si d Noofolg vum Steven Gätjen ibernuu un het zäme mit dr Annemarie Carpendale fir ProSieben vum Roote Deppig briichtet.[2] Im April 2017 het si zäme mit em Thore Schölermann Die große ProSieben Völkerball Meisterschaft moderiert un im Dezämber 2018 Die großen ProSieben Wintergames.[6] Anne 2020 isch d Geppert Backstage-Repoorteri vu dr ProSieben-Show FameMaker gsii.[7] Im Novämber 2020 het si d Sändig JENKE.Live.Der Talk. mit dr Jenke von Wilmsdorff moderiert.[8] Im Novämber 2020 het si d Sändig JENKE.Live.Der Talk. mit dr Jenke von Wilmsdorff moderiert.[9]

Syt Juni 2022 isch d Viviane Geppert ghyrote.[10] Im Mai 2023 het si ne Suhn uf d Wält brocht.[11] Si läbt z München.

TV-Ufdritt ändere

  • 2016, 2018: Sat.1-Frühstücksfernsehen, Sat.1 (2 Ufdritt)
  • 2019, 2021: Wer weiß denn sowas?, Das Erste (2 Ufdritt)
  • 2019, 2020, 2021: Joko & Klaas gegen ProSieben, ProSieben (3 Ufdritt)
  • 2020: Alle gegen Einen, ProSieben (1 Ufdritt)
  • 2020: Wer sieht das denn?!, ProSieben (1 Ufdritt)
  • 2020: Genial oder Daneben?, Sat.1 (1 Ufdritt)
  • 2020: Buchstaben Battle, Sat.1 (2 Ufdritt)
  • 2020: Sweet & Easy – Enie backt, Sixx (1 Ufdritt)
  • 2020: Jenke. Live. Der Talk., ProSieben (1 Ufdritt)
  • 2021: Luke! Die Schule und ich, Sat.1 (1 Ufdritt)
  • 2021: Die Bruce Darnell Show, Moderation bi ProSieben
  • 2022: Schlag den Star, ProSieben (1 Ufdritt)
  • 2023: Mission: Job Unknown, ProSieben (1 Ufdritt)

Weblink ändere

Fueßnote ändere

  1. Facebook Posting von Viviane Geppert. Abgruefen am 5. Juni 2016.
  2. 2,0 2,1 "Angst darf man nicht haben" Badischi Zytig, 26. Meerz 2016
  3. 3,0 3,1 taff Moderatorin ab Januar 2016 Viviane Geppert. In: prosieben.de. Abgruefen am 6. März 2016.
  4. Abi 2009 am Marie-Curie-Gymnasium Kirchzarten: Abios Amigos Freiburg-Dreisamtal.de, 2. Juli 2009
  5. Viviane Geppert Privat uf news.de, abgerufen am 28. Januar 2016
  6. Die ProSieben Wintergames - In der neuen Show „Die ProSieben Wintergames“ stürzen sich Promis im Kajak schwarze Pisten hinunter. 19. November 2018, abgruefen am 21. Juli 2019.
  7. ProSieben nennt weitere Details zum neuen "FameMaker". In: DWDL.de. Abgruefen am 29. Juli 2020.
  8. DWDL de GmbH: Geppert moderiert Talk nach Jenkes ProSieben-Experiment. Abgruefen am 30. November 2020 (änglisch).
  9. DWDL de GmbH: Geppert moderiert Talk nach Jenkes ProSieben-Experiment. Abgruefen am 30. November 2020 (änglisch).
  10. Viviane Geppert: Die Moderatorin hat geheiratet. Abgruefen am 10. Juli 2022.
  11. Viviane Geppert: Die "taff"-Moderatorin gewährt Einblicke in den Alltag als Mama!, ProSieben, 28. Juli 2023


  Dä Artikel basiert uff ere fräie Übersetzig vu dere Version vum Artikel „Viviane_Geppert“ vu de dütsche Wikipedia. E Liste vu de Autore un Versione isch do z finde.