Vorbärgzone

Dialäkt: Markgreflerisch (Obfige)

Vorbärgzone wird d Biellandschaft vor dr Randgebirg vu dr Oberrhynische Diefebeni gnännt, bsundersch vor em Schwarzwald, dr Vogese un em Pfälzerwald. Di dertige Vorbärg sin Randscholle, wu bim Absinke vum Grabebruch an dr Flanke vu dr Gebirg hange blibe sin. Uf ihne sin Schichte vum Deckgebirg erhalte, wu uf dr benochberte hechere Scholle zmaischt schoi abdrait sin. Si sin vylmol mit ere Lessschicht deckt un biete gueti Voruussetzige zum Buure. Zum Byschpel wird in dr Vorbärgzone z Bade, im Elsass un dr Pfalz intensive Obst- un Räbböu bedribe.

Oberrhyebeni un Vorbärgzone vum sidlige Schwarzwald. Blick vu dr Burg Staufe in Richtig Schimberg

Weblink

• Geologie des Oberrheinischen Tieflandes mit Vorbergzone und Kaiserstuhl (Memento vom 25. März 2007 im Internet Archive) (PDF; 1,8 MB) – Landesanstalt für Umwelt, Messungen und Naturschutz Baden-Württemberg

Dä Artikel basiert uff ere fräie Übersetzig vu dere Version vum Artikel „Vorbergzone_(Oberrheingraben)&“ vu de dütsche Wikipedia. E Liste vu de Autore un Versione isch do z finde.