Wàttwiller

Wàttwiller (IPA: [ʋɑd̥ˈʋilər], frànzeesch Wattwiller, ditsch: Wattweiler) ìsch a frànzeescha Gmeind àm Rànd vu da Vogesa ìm Arrondissement Thann-Guebwiller (Kanton Cernay) ìm Owerelsàss (Haut-Rhin). Der àktüell Maire heisst dr Mathieu Ermel. Der Bàrg Hàrtmànnswillerkopf (frz.: Vieil Armand), wia ìm Erscht Waltkriag a groß Schlàchtfald gsì ìsch, lìggt uff der Gmàrkung.

Wàttwiller
Verwàltung
Land	Frànkrich
Region	Grand Est
Département	Haut-Rhin (68)
Arrondissement	Thann-Guebwiller
Kànton	Cernay
Kommünàlverbànd	Thann-Cernay
Àmtliga Nàma	Wattwiller
Maire	Mathieu Ermel (2014-2020)
Code Insee	68359
Poschtlaitzàhl	68700
Iiwohner
Iiwohner	1.668
Flech	13,61 km2
Bevelkerungsdicht	125,35 Iiw./km2
Làg
Koordinate	47° 50′ 11″ N, 7° 10′ 48″ E
Heche	355 m
Wàttwiller Wàttwiller (Frànkrich)
Website
http://www.wattwiller.fr

Wàttwiller ìsch bekànnt fìr si Mineràlwàsser.

Gschìcht

Wàttwiller ìsch scho ìm Neolithikum bewohnt gsì, un aui d'Reemer han do gsìdelt un zum erschta Mol d'Thermàlqualla benutzt. Wàttwiller wìrd ìm Johr 735 zum erschta Mol erwähnt, wu's der Gràf Eberhard ìm Kloschter Müarbàch gschankt hàt. Ìm Ort si dertmoliger Nàmma „Wattonvilare“ bedittet „Bürahof vum Watto“. Wàttwiller hàt noch bis zur Frànzeesche Révolution zum Fìrschtatum Müarbàch gheert. Frèhjer hàt's a Kloschter ga, wu 1336 zuma Dominikànerkloschter worra n ìsch.

Der Àbt Berthold hàt s Därfla befeschtiga lo un zwìscha 1260 un 1285 s Schloss Hìrzastei bauia. Àschliassend ìsch d'Ortschàft àls Stàdt ànerkännt worra. Wàttwiller ìsch 1376 vu da Anglander un 1468 vu da Schwitzer gstìrmt worra, vum Bürakriag ìsch's dergega verschont worra. Derfìr han ìm Drissigjehriga Kriag d'Schweda Zersteerunga àgrìchtet. 1464 ìsch Wàttwiller s Marktracht verlèiha worra.

Zamma mìt em Rascht vum Fìrschtatum Müarbàch ìsch Wàttwiller ìm Johr 1680 zu Frànkrich kumma. As hàt d'Stàdtracht ghà, bis ìm 19. Johrhundert d'Feschtung zersteert worra ìsch.

Vun 1871 bìs 1918 hàt d Gmein zem ditsche Richslànd Elsàss-Lothringe ghert.

Dur sina geogràphischa Neecha zur Schlàcht àm Hàrtmànnswillerkopf hàt Wàttwiller aui unterm Erschta Waltkriag glìtta un ìsch dernoh fàscht vollstandig kàpütt gsì.

Kriagsgräberstätta üss der Zitt vu da Schlacht um der Hàrtmànnswillerkopf sìn Nécropole nationale du Silberloch - Hartmannswillerkopf, Deutsche Kriegsgräberstätte Cernay un Kriegsgräberstätte Guebwiller.

Verwàltung

Dr Maire vun Wàttwiller ìsch dr Mathieu Ermel. Wàttwiller ghert zem Kommünàlverbànd Thann-Cernay.

Bevälkerungentwìcklung

Johr	1962	1968	1975	1982	1990	1999	2007
Iwohner	879	1020	1135	1186	1506	1593	1721

Wìrtschàft

Nawa der Produktion vu Mineràlwàsser (lüag lìnks dernawa!) un Sprudelwàsser (lüag rachts do unta!) hàt Wàttwiller a làndwìrtschaftliga Bragung; as wara vor àllem Rìnder ghàlta. Züadam wìrd Gedreida àbauie, Forschtwìrtschàft betrìwa un Wi hargsellt.

Scho zur Reemerzitt ìsch d'Qualla vu Wàttwiller gnutzt worra, wu sìch ìm Regionale Naturpark Ballons des Vosges befìndet. As hàt kei Kontàkt mìt àndra Gwässer rund uma, waga dam ìsch's frèi vu Nitràt, wenn's àn d'Owerflache kummt. Aui Nàtrium ìsch numma wenig drìnna, waga dam ìsch's vu der frànzeesche Académie nationale de Médecine àls gsundheitsferdernd ànerkännt. As hàt z Wàttwiller drèi Qualla, eina dervu lìt keina hundert Metter vum Ortszandrum awag. D'Àbfàssung vum Quallawàsser entsteht ìn a Pàrkàlàge zwìscha Ìwwerdorf un Wàld. Vu dara Stell wìrd s Wàsser dura 2 km lànga unterìrdischa Leitung mìt geniagend Fàll bis ìns Gebäi gfiahrt, wu d'ìndüschtriamassiga Flàschafìllung stàttfìndet. Do kà ma àlles – uff elsassisch - ìwwer dàs Wàttwillra Mineràlwàsser erfàhra.

Àndra Bohrunga sìn ìn da letschta Johra ìn der Neecha vu der geologischa Spàlta duragfiahrt worra, um (wàrm) Thermàlwàsser z'entdecka. Trotz Unerfolg, han dia Bohrunga känna feschtstella, dàss der unterìrdischa Wàsserspeicher gànz groß ìsch.

Pàrterschàfta

Pàrtnergmeinda ìsch zitter 1965 Wàsewiler, wu zitter der 1970er Johr e Ortsteil vu Ìhringa àm Kaiserstüahl ìn Südbàda ìsch.

Weblìnk

•  Commons: Wattwiller – Sammlig vo Multimediadateie
• Wàttwiller uff quid.fr

Referanza

Dä Artikel basiert uff ere fräie Übersetzig vu dere Version vum Artikel „Wattwiller“ vu de franzeesische Wikipedia. E Liste vu de Autore un Versione isch do z finde.