Wigarte (Friburg)

Wigarte isch e Stadtdeil vu Friburg im Brisgau. Im Norde wird er dur d'Dreisam vum Stadtdeil Betzehüse trennt, im Oschte lit uf dr andere Site vu dr Güeterbahnlinie Hasle un im Süde, dur d'Obfiger Stross (dt. Opfinger Straße) trennt, dr Stadtbezirk Hasle-Haid, wo ebefalls zue Hasle zellt. Im Weschte schliesslich grenzt dr neu Stadtdeil Riselfeld an Wigarte.

Wappe vu Friburg Wappe Wigarte (Freiburg-Weingarten)
Stadtkreis Friburg (FR) Bade-Wirttebärg, Ditschland

Basisdate
Stadtdeil vu Friburg
Stadtdeilnummere:	66
Geografischi Lag:	47° 59′ 40″ N, 7° 48′ 36″ O47.9944444444447.81250Koordinate: 47° 59′ 40″ N, 7° 48′ 36″ O
Hechi:	250 m ü. NN
Flechi:	1,63 km²
Iiwohner:	11.110 (31. Dezember 2017)
Bevelkerungsdichti:	6460 Einwohner je km²
Poschtleitzahl:	79114
Vorwahl:	0761
Internetufdritt:	www.freiburg.de

Wigarte isch in dr 1960er Johre vu dr Freiburger Stadtbau (alem. Friburger Stadtbau) errichtet worre. Dr Stadtdeil het ca. 10.000 Iwohner. Er isch prägt durch sini vile Hochhüser un dr im Verglich zum reschtliche Friburger Rüm hoche Usländeradeil (ca. 21 %).

Dr Stadtdeil isch ursprünglich e Bezirk vu Hasle gsi, wo no später as e eigene Stadtdeil usglideret worre isch.

Kilche

Die katholisch St. Andreas-Kilche isch 1968/69 baut worre. D'Kilchegmei isch 1975 gründet worre. Nooch eme Brand isch dr Innenrüm 1992/94 renoviert un neu gstaltet worre. Die evangelische Christe ghöre zue dr Dietrich-Bonhoeffer-Gmei. Usserdem git's e Neuapostolischi Kilche.

Kinderschuele

Im Stadtdeil git's mehreri Betreuigsirichtige fer Vorschuelkinder, nämlich

zwei in dr Trägerschaft vu dr Arbeiterwohlfahrt,
drei in evangelischer Trägerschaft,
eini in katholischer Trägerschaft un
ei städtischi Irichtig.

Schuele

D'Adolf-Reichwein-Grundschuel bsueche d'Kinder ussem Stadtdeil bis zum vierte Schueljohr. Si het e Ussestell im Hüs Wigarte.

Verkehr

Durch Wigarte füehre d'Friburger Stadtbahnlinie 3 (Vauban – Haid) un 5 (Riselfeld – Hornusstross). Sowohl über d'Besançon-Allee as Deil vu dr Weschtumfahrig vu Friburg wie au dr Aschluss Berliner Allee isch dr Stadtdeil guet an dr Autobahnzubringer Friburg-Mitti (B31a) un demit an d'Bundesautobahn 5 / Europastross 35 abunde.

Suschtigs

Im Stadtdeil git's e grossi Erwaxene-Begegnigsstätte (EBW).
Z'Wigarte lit dr ca. 3 ha gross Dietebachsee uf ca. 230 m über NN.
S'Gelände vu dr Evangelische Fachhochschuel lit im Stadtdeil Wigarte

Weblink

Dä Artikel basiert uff ere fräie Übersetzig vum Artikel „Weingarten_(Freiburg)“ vu de dütsche Wikipedia. E Liste vu de Autore un Versione isch do z finde.