Hasle (Friburg)
Hasle, sit em 1. Jänner 1890 e Stadtdeil vu Friburg, ghört zue dr weschtliche Stadtdeile. Dr Stadtdeil bestoht sit dr Usgliderig vu Wigarte us dr Stadtbezirke 611 Hasle-Egerte, 612 Hasle-Gartestadt, 613 Hasle-Schildacker un 614 Hasle-Haid.
  | |
|---|---|
| Stadtkreis Friburg (FR) Bade-Wirttebärg, Ditschland | |
| |
| Basisdate | |
| Stadtdeil vu Friburg | |
| Stadtdeilnummere: | 61 |
| Gliderung: | 4 Bezirke: 611 Hasle-Egerte 612 Hasle-Gartestadt 613 Hasle-Schildacker 614 Hasle-Haid |
| iigmeindet sit: | 1. Jänner 1890 |
| Geografischi Lag: | 47° 59′ 26″ N, 7° 49′ 13″ O |
| Hechi: | 20 m unter NN |
| Flechi: | 3,20 km² |
| Iiwohner: | 17.587 (31.12.2005) |
| Bevelkerungsdichti: | 5496 Einwohner je km² |
| Poschtleitzahl: | 79114, 79115 |
| Vorwahl: | 0761 |
Im Norde wird Hasle vu dr Dreisam gegeniberem Noochberstadtteil Stüehlinger begrenzt, öschtlich dur d'Rhidal-Bahnlinie (Charlsrueh-Basel) gegeniber em Stadtdeil Wiehri un weschtlich dur d'Güterbahnlinie un Opfinger Stross gegeniber Wigarte sowie dur d'Besançonallee un südlich dur d'Guildfordallee un d'Wisedalstross gegeniber em Noochbarstadtdeil Sant Jerge.
Dr Namme „Hasle“ leitet sich us em Althochdytsche „Hasala“ fer Haselnussstude un „Aha“ fer Fliessgwässer ab. Am hyttige Dorfbach sin d'Haselnussstude allerdings selte worre.
Geschichte
ändereUrkundlich isch Hasle erschtmols anno 786 erwähnt. In ere Schenkigsurkunde vum 26. Dezember 786 hän e Heimo un si Dochter Svanahilt einige Dörfer, dorunder au Hasle (Haslaha) im Kloschter St. Galle ibertrait.
D'Haslemer Pfarrei findet 1261 e erschti urchundlichi Erwähnig, muess aber scho länger bstande ha.
1118 isch in umiddelbarer Nächi d'Gründig vu Friburg erfolgt. Säll het d'Entwicklig vu Hasle sehr prägt. Bsunders dr Friburger Märkt het die wirtschaftlich Lag z'Hasle gförderet.
Im Drissigjährige Chrieg (1618-1648) isch Hasle 1633 völlig zerstört worre.
Under em Friburger Oberbürgermeister Otto Winterer (Amtszitt vu 1888-1913) het nooch dr Igmeindig zue dr Stadt dr Usbau vu Hasle mit Wohnsidlunge fier Arbeiter agfange. In sällere Zitt isch au d'Gartestadt z'Haslach entstande nooch em Vorbild vum Brite Ebenezer Howard. Säll Wohngebiet mit sine Reihehüser un dr dezueghörige, grosse Gärte, wo fer d'Selbstversorgig vu dr Bevölkerig entworfe worre sin, stoht hüt under Denkmolschutz.
Ab dr 1960er-Johre isch z'Hasle verstärcht mit Familiewohnbau witterentwicklet worre. Säll het zuer Folg gha, dass dr Stadtdeil hüt e sehr homogens Wohngebit isch, wo mit ere sehr guete Infrastruktur (Garte-Hallebad, Strossebahnaschluss, Schuele, Kinderschuele, Ikaufsmöglichkeite, grosse Grienflächene usw.) usgestattet isch.
Weblink
ändere
|
Dä Artikel basiert uff ere fräie Übersetzig vum Artikel „Haslach_(Freiburg)“ vu de dütsche Wikipedia. E Liste vu de Autore un Versione isch do z finde. |