De Werner Hösli (* 30. Ougschte 1961 z Hasle) isch en Schwiizer Politiker (SVP) und sit em 16. Juni 2014 Schtänderot für de Kanton Glaris.

Läbe ändere

Politischi Laufbahn ändere

De Hösli isch vo 1982 bis ins 1986 Gmeindschriiber z Hasle gsi und vo 1986 bis 1994 Gmeindrot dete. Aaschlüssend isch er vo 1994 bis ins 2001 Gmeindspräsident vo Hasle gsi. Im 2001 isch er dann in de Glarner Landrot gwählt worde und isch dete bis 2009 Mitgliid gsi. In dere Ziit isch er Präsident vo verschidnige Kommissione gsi, bispilswiis für de kantonal Gsamt-Richtplan. Wo de This Jenny im 2014 us gsundheitliche Gründ us em Ständerot zruggträte isch, het de Hösli für sini Nachfolg kandidiirt und isch am 1. Juni 2014 zum Glarner Ständerot gwählt worde. Sis Amt het er am 16. Juni 2014 aaträte.

Brueflichs und Privats ändere

De Werner Hösli isch sit em 2010 Leiter vom Alterszentrum z Schwande. Vorher isch er vom 1997 bis ins 2009 Betriibsleiter vo de Spinnerei Linthal gsi, wo er sither Mitgliid vom Verwaltigsrot isch. Er isch ghürote und het eis Chind.

Weblink ändere