Dr Weschtfälisch Friide

Dr Weschtfälisch Friide het em achzigjöhrige Unabhängikeitschrieg vo de Holländer vom habsburgische Spanie und em Drissigjöhrige Chrieg, wo vor allem z Dütschland stattgfunde het, es Ändi gmacht, wo die meischte europäische Natione vom 15. Mai z Münschter und am 24. Oktober 1648 z Osnabrugg Friidensverdräg abgschlosse hai, wo s Schicksal vom Dütsche Riich bis zu de Napoleonische Chrieg am Ändi vom 18. Johrhundert feschtgleit hai. Die gröschte Veränderige het s im Gränzgebiet zwüsche Frankriich und Dütschland, em nördlige Deil vom karolingische Lotharinge (Lotharii Regnum), gä.

Beschtimmige

Frankriich het ä groosse Deil vom Elsass übercho (s Sundgau, wo s zwei Johr vorhär de Habsburger abkauft gha het, und d Vogtei über nüün Riichsstedt (Waisseburich, Hàwenàu, Roose, Ewernahn, Kaiserschbarig, Kolmer, Dirke, Minschter und Landau) und sini Rächt über d Bischtümer Verdun, Toul und Metz, wo s scho im 16. Johrhundert eroberet het, si beschtätiget worde.
Schwede het vor allem Gebiet im Nordoschte übercho: Vorpommere, Stettin, d Insle Rügen, Usedom und Wollin, d Schdadt Wismar und d Schtift Breme und Werde als Riichslehe und fümf Millione Riichsdaaler.
Brandeburg het Hinterpommere und d Bischtümer Cammin, Halberschdedt und Minde.
Meckleburg het zwar Wismar verlore, aber drfür d Bischtümer Schwerin und Ratzeburg übercho.
Hesse-Kassel d Grafschaft Schaumburg und d Abdei Hersfeld.
Holland isch e suwerääne Staat worde und us em Riich usgschiide.
D Schwizer Eidgenosseschaft isch vom Basler Bürgermeischter Johann Rudolf Wettstein verdräte worde und het sich de jure vom Riich glöst, nodäm si sit em Basler Friide 1499 de facto unabhängig gsi isch.
D Kurfürschte hai witerhi s Rächt gha, Bündnis abzschliesse, und d Ussebolitik vom Kaiser het vom Riichsdaag müesse gnähmigt wärde.
D Riichsschdedt hai a Schtimm im Riichsdaag übercho.
Dr Augsburger Religionsfriide (Cuius regio, eius religio) und dr Passauer Vertrag gülte immer no, und dr Calvinismus wird anerkennt. Usserdäm gits Beschtimmige, wie me interkonfessionelli Komflikt z löse het.

Literatur

dtv-Lexikon, Band 20, Deutscher Taschenbuch Verlag 1970, S.117
Klaus Bußmann, Heinz Schilling: 1648 – Krieg und Frieden in Europa, Katalogband und zwei Textbände, Münster 1998 [Dokumentation der Europaratsausstellung zum 350-jährigen Jubiläum des Westfälischen Friedens in Münster und Osnabrück.] Münster/ Osnabrück 1998, ISBN 3-88789-127-9.
Fritz Dickmann: Der Westfälische Frieden. Münster, 7. Auflage. Aschendorff Verlag, Münster 1998, ISBN 3-402-05161-3.
Heinz Duchhardt (Hrsg.): Bibliographie zum Westfälischen Frieden. Bearbeitet von Eva Ortlieb und Matthias Schnettger. Münster: Aschendorff, 1996 (= Schriftenreihe der Vereinigung zur Erforschung der Neueren Geschichte 26), ISBN 3-402-05677-1.
Heinz Duchhardt: Der Westfälische Friede. Diplomatie - politische Zäsur - kulturelles Umfeld - Rezeptionsgeschichte. München 1998, ISBN 3-486-56328-9.
Herbert Langer: Das Tagebuch Europas. Sechzehnhundertachtundvierzig, Der Westfälische Friede. Brandenburg. V., Berlin 1994, ISBN 3-89488-070-8.
Christoph Link: Die Bedeutung des Westfälischen Friedens in der deutschen Verfassungsentwicklung. Zum 350-jährigen Jubiläum eines Reichsgrundgesetzes. In: Juristenzeitung. 1998, S. 1–9.
Eva Ortlieb, Heinz Duchhardt (Hrsg.): Der Westfälische Friede. Oldenbourg, München 2001, ISBN 3-486-64425-4.
Roswitha Philippe: Württemberg und der Westfälische Friede. Aschendorff, Münster 1976, ISBN 3-402-05627-5. (= Schriftenreihe der Vereinigung zur Erforschung der Neueren Geschichte 8)
Michael Rohrschneider: Der gescheiterte Frieden von Münster. Spaniens Ringen mit Frankreich auf dem Westfälischen Friedenskongress (1643 - 1649). Aschendorff, Münster 2007, (= Schriftenreihe der Vereinigung zur Erforschung der Neueren Geschichte 30), ISBN 3-402-05681-X.
Georg Schmidt: Geschichte des Alten Reiches. Staat und Nation in der Frühen Neuzeit 1495–1806. München 1999, ISBN 3-406-45335-X.
Benno Teschke: Mythos 1648 - Klassen, Geopolitik und die Entstehung des europäischen Staatensystems. Münster 2007, ISBN 978-3-89691-122-3.
Anuschka Tischer: Französische Diplomatie und Diplomaten auf dem Westfälischen Friedenskongress. Außenpolitik unter Richelieu und Mazarin. Aschendorff, Münster 1999, ISBN 3-402-05680-1. (= Schriftenreihe der Vereinigung zur Erforschung der Neueren Geschichte 29)
Manfred Wolf: Das 17. Jahrhundert. In: Wilhelm Kohl (Hrsg.): Westfälische Geschichte. Band 1. Schwann, Düsseldorf 1983, S. 537–685, bes, ISBN 3-590-34211-0, S. 561 ff. (= Veröffentlichungen der Historischen Kommission für Westfalen, XLIII)

Weblingg

Westfälischer Friede im dütschsprochige Wikisource

Commons: Westfälischer Friede – Sammlig vo Multimediadateie