De Wolfram Schlabach (* 14. Juni 1936 z Friburg; † 9. März 2013 z Bollschwil) isch e ditsche Herspilautor, Spil- un Theaterpädagog un Radiomoderator gsii.

Lebe ändere

De Schlabach isch z Friburg uf d Welt kumme. Wu de Zweet Weltkrieg aagfange het, isch er vier Johr alt gsii. Si Vater isch as Soldat im Krieg gsii, si Mueter isch mit em us de Stadt Friburg gflichtet. Si hän d Kriegsjohr deno bi Verwandte z Elzach, im Prechtal un am Bodesee verbrocht. Noch em Krieg sin si wider zruck uf Friburg un au si Vater isch us em Krieg haimkumme. Ase Bue isch de Schlabach Minischtrant in de Katholische Kilche gsii.

Im Johr 1950 het de Wolfram Schlabach as Statischt bim Film Schwarzwaldmädel mitgspilt[1]

Noch em Abitur het er Gschicht un Ditsch studiert. Si berueflig Engagement het vor allem em Theater gulte. As Honorarprofääser an de Katholische Hochchuel Friburg het er iber 25 Johr lang Seminar un Vorlesige zue de Theme Spilpädagogik un Theaterpädagogik ghalte.

Im Johr 1978 het er d „Friburger Spilwerkstatt“ (hit „Friburger Schuelprojekt-Werkstatt“) in s Lebe gruefe, e Furtbildigsiirichtig fir Lehrer, wu Spil, Kreativität un Schueltheater as Schwerpiunkt ghet het. Drait wore isch d Spilwerkstatt vum Staatlige Schuelamt, vum Kultusminischterim Bade-Wirtteberg un der Stadt Friburg. Ab 1987 hän au d Nochberlandkrais bi de Finanzierig mitgmacht un sit 2005 daile sich d Stadt Friburg un s Land d Dregerschaft. Bi syre Verabschidig vu dr Spilwerkstatt anne 2001 het er vum Intendant Hans Ammann d Ehrenodle vum Friburger Stadttheater kriegt[2].

Langi Johr het de Wolfram Schlabach as Radiomoderator fir dr Sidweschtfunk un speter fir dr Sidweschtrundfunk gschafft, unter anderem het er d alemannisch Mundartsändig „Mundart am Samstag“ uf SWR4 moderiert. Er het e Huffe Herspil un Theatersticker gschribe, vil devu au uf Alemannisch.

Si Frau Irmtraud, e Fotografi, het er scho as Kind känneglehrt. Si hän 1963 ghirote, sin anne 1972 uf Bollschwil zoge un hän zämme zwai Kinder ghet, de Suhn Rolf-Thilo un d Dochter Candida.

Im Merz 2013 isch de Schlabach noch ere lengere Kranket im Alter vu 77 Johr gstorbe.

Sunschtigs ändere

  • De Schlabach isch aktiv Mitglid bi de Friburger Fasnetzumft „Fasnetruefer“ gsii.
  • De Wolfram Schlabach isch Mitglid vu de SPD gsii un fir si Bartei langi Johr im Gmairot vu Bollschwil ghockt.

Uuszaichnige ändere

  • Europäischer Regio-Preis
  • Ehrenodle vum Friburger Stadttheater

Schrifte ändere

  • Das Christkind ist anders. Buchner, München 1968
  • Spielkiste. Freiburger Spielwerkstatt, Freiburg i. Br. (Souffleurkasten)
  • Spielstunden 1. Freiburger Spielwerkstatt, Freiburg i. Br. (Souffleurkasten)
  • Schultheater 1. Freiburger Spielwerkstatt, Freiburg i. Br. (Souffleurkasten)
  • Schulspiel und Spiel-Handwerk. Freiburger Spielwerkstatt, Freiburg i. Br. (Souffleurkasten)
  • Advent und Weihnachten. Freiburger Spielwerkstatt, Freiburg i. Br. (Souffleurkasten)
  • Mundartszenen. Freiburger Spielwerkstatt, Freiburg i. Br. (Souffleurkasten)
  • Witze, Sketsche, kurze Stücke. Freiburger Spielwerkstatt, Freiburg i. Br. (Souffleurkasten)
  • Schultheater 2. Freiburger Spielwerkstatt, Freiburg i. Br. (Souffleurkasten)
  • Arbeitsgruppe: Mundarttheater in der Schule. Mundartspiel im Unterricht. In: Gerhard W. Baur (Hrsg.) (1990): Mundart und Schule in Baden-Württemberg. Bühl, S. 79-81 (Themen der Landeskunde, Heft 5)
  • Kinder- und Jugendtheater im Unterricht. Vorbereitung, Nachbereitung; methodisch-didaktische Handreichungen. Bernd Bosse, Christian Bredl, Wolfram Schlabach. Landesstelle für Erziehung u. Unterricht, Stuttgart 1984 (Berichte und Materialien des Projekts "Darstellendes Spiel in der Hauptschule)

DVD ändere

  • Hämatit-Abbau im Sulzbachtal vor 7000 Jahren. DVD von Gert Goldenberg, Wolfram Schlabach und Norbert Kindler. Landesbergbaumuseum Baden-Württemberg. Sulzburg 2004

Fueßnote ändere

  1. Die Schwarzwaldmädel-Story, SWR4, 03.09.2007
  2. Wolfram Schlabach gestorben, SWR, 13.03.2013

Weblink ändere