Zaschtler Loch
S Zaschtler Loch odder Zaschtlerkar a dè Nordsitè vom Fèldbärggipfel im Schwarzwald isch s högschtglègene Kar in èm dütschè Mittelgebirge. Im Zaschtler Loch fangt s Zaschtler Dal aa, wo dè Zaschtlerbach nord- un nordweschtlich zuè dè Dreisam a dè öschtlichè Stadtgränz vo Fryburg flǜeßt.
Geology
ändere
Bim Zaschtler Loch handlèt s sich um è Stègèkar mit drei stark voschnittènè Karböddè:
- eim uff 1400 Meter Höchi
- eim zimli kabuttè uff 1320 Meter
- eim guèt erhaaltènè uff 1250 Meter
Alli drei Böddè sin durch Felswänd mitènand vobundè. S Kar isch è Übberbliibsel vom annèdubaki dõ vorhandènè Fèldbärg-Glètscher. Dè untere Boddè hèt diè aalt Hoolform bhaaltè un wörd ganz von èm Moor ygnõ. Sèll Moor öschtlich vo dè Zaschtler Hüttè isch öppè 100 Meter lang un 40 Meter breit. Durch èn zwölf Meter hochè bogèförmigè Pseudowall wörd s Moor a dè rächtè Felsflankè abgränzt. Sèlli Felswand bschtòt uss Gneis mit uffligèndem Èndmoränèmatriaal. Zwǜschè m Wall un dè Felswand lyt è chlyni Sènki vo zwei Meter Dǜèfi, wo vomuètlich von èm chlynè Iisschtròm uss dè südöschtlich dèvò glègènè Rǜnni bildèt wörd. 150 bis 200 Meter bedrait dè Höchèunterschyd zwǜsche m unterè Karboddè un dè Obberkantè vo dè Felswänd.[1] A dè freiligèndè Felsè um d Zaschtler Hüttè isch dè Glètscherschliff z erkènnè.[2]
Nadur un Kultur
ändereS Zaschtler Loch isch s Quällgebièt vom Zaschtlerbach. Im Winter chönnèd sich Wächtè un Lawinè a dè Karhäng bildè. Mengmòl haaltet sich dè Schnee bis wit i dè Summer iè. Um 1840 ummè hèts è Kälteperiodè z Europa gää, dõrum hèn d Bewooner vom öschtlichè un nördlichè Fèldbärggebièt d Schneefleggè bis uff dè Grund uffghackt, well si Angscht vor ènèrè Vogletscherung vom Fèldbärg ghaa hèn.[3] Sit 1651 wörrèd im Zaschtler Loch d Vycher gweidèt.[4] D Vyhhüttè isch hüt èn gaschtronomischè Bedryb. Denäbbè lyt sit 1952 d Fryburger Hüttè vom Ski-Club Fryburg.[5] Au Meilerblätz sin im Zaschtler Loch nõchgwisè worrè.[6]
S Zaschtler Loch ghört zum Nadurschutzgebièt Fèldbärg un bildèt dört ein vo dè wärtvollschtè Pflanzèschtandört. È Initiativè vo Mitglyder vom Schwarzwaldvorein un dè Arbètsgmeinschaft Heimètschutz Schwarzwald hèt i dè 1960er-Johr diè blaanti Erschlièßung für dè Skibedryb durch è Kabinèseilbaan vohinderèt.[7]
Unfäll un Opfer
ändere- Am 23. Februar 1941 hèt von èrè Lawinè drei Schiläufer im Zaschtler Loch voschüttèt worrè. D Bergungsmannschaft isch durch è witteri Lawinè voschütt gangè, i wellèrè dè Bärgwachtmaa Fritz Nübling uss Fryburg z Dot chò isch.
- Am 2. Februar 1953 hèt è Wächtè èn 54-jöhrigè Schiläufer uss Heidelbärg i dè Dot grissè.
- Auch am 20. Januar 1959 isch è Düsseldorferi, wo z Fryburg studyrt hèt, wègè-rè Wächte ums Läbbè chò.
- Am 9. Januar 1966 isch dè Lychnam vom Bärgwachtmaa Walter Wernet borgè worrè. Dèsèll hét vo Kirchzartè gschtammt, un isch é baar Dääg dèvor in èm Schneebrètt umchò.
- Fascht a dè glychè Stell hèt am 9. März 1980 dè 28-jährige Fryburger Leutnant bi dè Gebirgsjäger, dè Wolfgang Ehret dè Dot in èm großè Schneebrett gfundè.[8]
- Am 30. Januar 2015 sin zwei Tourèschiwanderer i dè Nôchi vo dè Wächtè obberhalb vo dè Zaschtler Hüttè in èrè Lawinè mitgrissè worrè. Wôrend einè dèvò sich hèt chönnè sèlber befreiè, isch èn 20-jöhrigè Maa uss Fryburg èrscht knapp zwei Stund nõch èm Uuglück gfundè worrè. Trotz durrègfüürter Reanimation isch er nò am spôtèrè Mittag gschtorbè.[9]
Literadur
ändere- Ekkehard Liehl: Das Zastler Loch, der Kern des subalpinen Naturschutzgebietes Feldberg. I dè: Mitteilungen des Badischen Landesvereins für Naturkunde und Naturschutz e. V., Fryburg i. Br.; N.F. 9: Heft 1, 1966 S. 1–10 (online).
- Regyrungsbräsidium Fryburg (Hrsg.): Der Feldberg – Subalpine Insel im Schwarzwald. Jan Thorbecke Volaag, Oschtfildèrè 2012, ISBN 978-3-7995-0757-8, S. 46 ff.
Weblingg
ändere
Commons: Zastler Loch – Sammlig vo MultimediadateieEinzelnõchwys
ändere- ↑ Ernst M. Wallner: Zastler, Sèlbschtvolaag vo dè Gmeind Obberrièd, Ortsdeil Zaschtler, 1991, S. 16
- ↑ Bernhard Metz, Helmut Saurer: Geomorphologie und Landschaftsentwicklung. Im: Regyrungsbräsidium Fryburg (Hrsg.): Der Feldberg – Subalpine Insel im Schwarzwald. Jan Thorbecke Volaag, Oschtfildèrè 2012, ISBN 978-3-7995-0757-8, S. 47.
- ↑ August Vetter: Feldberg im Schwarzwald, Selbschtvolaag vo dè Gmeind Fèldbärg (Schwarzwald), 1996, S. 481
- ↑ August Vetter: Feldberg im Schwarzwald, Selbschtvolaag vo dè Gmeind Fèldbärg (Schwarzwald), 1996, S. 63
- ↑ August Vetter: Feldberg im Schwarzwald, Selbschtvolaag vo dè Gmeind Fèldbärg (Schwarzwald), 1996, S. 357
- ↑ August Vetter: Feldberg im Schwarzwald, Selbschtvolaag vo dè Gmeind Fèldbärg (Schwarzwald), 1996, S. 173
- ↑ Stefan Büchner und Bernd-Jürgen Seitz: Naturschutz und Tourismus am Feldberg. Im: Regyrungsbräsidium Fryburg (Hrsg.): Der Feldberg – Subalpine Insel im Schwarzwald. S. 438 f.
- ↑ August Vetter: Feldberg im Schwarzwald, Sèlbschtvolaag vo dè Gmeind Fèldbärg (Schwarzwald), 1996, S. 367f.
- ↑ Feldberg / Herzogenhorn: Zwei Menschen sterben bei Lawinenunglücken im Schwarzwald - badische-zeitung.de. Abgruefen am 31. Januar 2015.
Koordinate: 47° 52′ 35″ N, 8° 0′ 34,9″ O
|
Dä Artikel basiert uff ere fräie Übersetzig vu dere Version vum Artikel „Zastler_Loch“ vu de dütsche Wikipedia. E Liste vu de Autore un Versione isch do z finde. |