Hauptmenü ufmache

Zyböri

Gschäftsmaa, Underhalter, Musiker und Mundartschriftsteller

Dr Zyböri – wo mit em bürgerleche Name Theodor Bucher gheisse het – isch e Luzärner Gschäftsmaa, Musiker und Mundartschriftsteller gsi. Er isch am 28. Mai 1868 z Hergiswil im Nidwaldnische uf d Wält cho und het bis am 29. Dezämber 1935 gläpt.

s LäbeBearbeite

Dr Theodor Bucher het scho früh gärn d Lüüt underhalte; er isch als Zauberkünschtler, Buchredner und Sänger ufträtte. Sälber isch er under em Name Ziböri ufträtte, was luzärndütsch für «Theoder» isch,[1] und me het em z Luzärn mängmol schynts au Rohrspatz gseit.

Er het Mundartgedicht gschribe; anne 1909 isch sin erscht Gedichtband usecho, wo 100 wildi Schoss heisst. Und er het au Theaterstück gmacht, und so gilt er als bedütende früene Luzärner Mundartschriftsteller. I sine Gedicht chöme hüüffig Gedanke vor, wo mit algemeine Läbensgfüel z tue händ, und drum isch es nid lang ggange, und vil vo dene Stück sind vo Komponischte für Jodellieder gsetzt worde, bsunders vom Luzärner Musiker Alfred Leonz Gassmann und em Jooscht Marty.

Es bar Gedicht von iim sind i dr Anthology Schwyzer Meie abtrukt.

Derno het denn au sin Soon, dr Walter Bucher, under em Psöidonym Zyböri junior au Mundartsache gschribe, Gedicht und Churzgschichte, wie me i dr Zytschrift Schwyzerlüt vo anne 1954 cha läse.

WärchBearbeite

  • Am Härdfüür
  • Heimetland. Patriotische Szene mit Gesang, Theaterstück, 1911
  • Rütli. Vaterländisches Schauspiel in einem Akt, 1917
  • Muurblüumli, 1923
  • Chlyni Wält. Chinderbüechli, 1922
  • Wir wünschen Euch en. Ein Gratulationsbüchlein, 1922
  • Deheime, 1928
  • Hundert wildi Schoß I, 4 Ausgoobe vo 1909 bis 1922
  • Neui hundert wildi Schoß, 1923
  • Hundert Gedichte in Mundart (Wildi Schoß III), 1921, 1922
  • No einisch Zyböri. Eine Auswahl von Mundartgedichten aus längst vergriffenen Bändchen des bekannten Luzerner Mundartdichters Theodor Bucher, 1980

LiteraturBearbeite

WeblinkBearbeite

FuesnoteBearbeite

  1. Schwyzerischs Idiotikon, Band XVII, Sp. 125, Artikel Zibȫri (Digitalisat).