Aargauer Literaturhuus
S Aargauer Literaturhuus isch e kulturelli Institutioon z Länzbig im Kanton Aargau.
was es isch und was me do macht
ändereEs isch es Huus, wo me d Literatur un algemäin d Sprooch cha uf verschideni Aarten erlääbe: mit rede, lose, lääse, schryben und spiile. Me probiert uus, was me mit Buechstabe, Wörter und Sätz cha mache. D Textstatt isch dr Oort, wo me jungen Autoore bi iirem Schrybe hilft. Es git Vortreeg, me diskutiert drüber was d Literatur isch, was d Dichter und Autoorinne schrybe und was das für d Gsellschaft bedüütet.
Me luegt uf d Schwiizer und die ussländischi Literatur. Es wird vo Zyt zu Zyt öpper als Gaschtautoor yglade, wo de im Huus taarff lääben und do cha schrybe. Im Atelier Litera chöme Chinder bi Projäkt vo dr Begabteförderig im Kantoon cho Gschichten und Gedicht schrybe.
S Literaturhuus git’s sit 2004. Es schaffet im alte Länzbiger «Müllerhuus» am Bläichiräin. Syni Arbet macht s mit dr Hilf vom Aargauer Kuratorium.
Es paar Mol isch im Länzbiger Huus s Literaturfestival für di mödärni Lyrik Neonfische gsi.
Am 10. Merz 2020, grad hundert Joor noch em Dichter Paul Haller sym Todestaag, isch en Oobig im Aargauer Literaturhuus gsi under em Motto «Kais Stärndli schickt e Häiteri».
Organisazioon
ändereD Läitig vom Literaturhuus isch bi dene Lüüt gsi:
- Andreas Neeser, vo 2004 bis 2011
- Svenja Herrmann und Martina Kuoni, 2010
- Sibylle Birrer, vo 2012 bis 2013
- Bettina Spoerri, vo 2013 bis 2022
- Cédric Weidmann, sit 2022
Literatur
ändere- Nicole Hess: Domizile auf Zeit. Oder: Welche Räume bruacht der künstlerische Prozess?