Dr Achaiisch Bund

Dr Achaiisch Bund isch e Bündnis (Koinon) vom nordpeloponnesische Stamm vo de Achäer im antike Griecheland gsi und spööter häi zwölf Poleis drzue ghöört.

Charte vo dr antike Landschaft Achaia us em historische Atlas vom William Shepard vo 1926 (Süddäil)

Dr Stadtbund het die 12 achaiische Stedt Aigai, Aigeira, Aigion, Bura, Dyme, Helike, Olenos, Patrai, Phara, Pellene, Rhypes und Tritaia umfasst. Spööter si no Keryneia und Leontion drzue choo.

D Hauptkwelle für d Gschicht vom Bund isch dr Polybios (bsundrigs 2,38-44), wo s koinon allerdings idealisiert daarstellt und vor allem d Expansion vo de Achaier, wo zum Däil aggressiv gsi isch, aabespiilt.

Gschicht

Dr Ursprung

Dr erst Achaiisch Bund isch noch fr Iifüerig vo de demokratische Verfassige im 5. Joorhundert v. d. Z. um e Kult vom Zeus Homagyrios entstande. 373 v. d. Z. isch die füerendi Polis Helike von ere Fluetwälle vollständig zerstöört worde. Aigai, Olenos und Rhypes si in son eme schlächte Zuestand gsi, as d Bevölkerig si ufgee het. Keryneia und Leontion si ufblüet und häi dere iiri Blätz im Bund gfüllt.

Dr Kampf gege Makedonie

Dr Bund het gegen e Köönig Philipp II. Politik gmacht. und isch verschwunde, wo dä Griecheland underworfe het. Um 280 v. d. Z. isch er under dr Füerig vo Aigion nöi gründet worde zum wie dr Polzbios schribt, d Makedonier z verdriibe. Im Chremonideische Chrieg het dr Bund zämme mit Athen und Sparta vergääblig gege Makedonie kämpft. Au nidachaiischi Gebiet si Mitgliider vom Bund mit Bürgerrächt. Der Bund het e Volksversammlig ghaa, e Root und Beamti. Am Aafang isch er vo zwäi Stratege aagfüert worde, woorschinlig vo 255 v. d. Z. nume no vo äim.

Im Kampf gege dr makedonisch Köönig Demetrios II. het sich dr Bund 239 sine alte Riwale, de Aitoler zämmedoo. S Bündnis mit Sparta het nid lang ghebt, wil bäidi Site iir Gebiet häi welle vergössere. Dr Spartanerköönig Kleomenes III. het im Bund e Hufe Stedt chönne abspängstig mache, woorschinlig wil si nid freiwillig zum Bund ghöört häi, wie das dr Polybios suggeriert. Wo s usgsee het, wie wenn d Spartaner dr Bund chönnte vernichte häi d Achaier 225 v. d. Z. ihri antimakedonischi Politik ufgee und dr makedonisch Köönig Antigonos III. Doson gege Sparta um Hilf bittet.

S Bündnis mit Makedonie

Mit dr Hilf vom Doson häi d Achaier groossi Däil vom Peloponnes übernoo, under anderem in dr Argolis und am Isthmus vo Korinth, aber au in Arkadie. 222 isch Sparta in dr Schlacht vo Sellasia entschäidend gschlaage worde. Wääred em Zwäite Makedonische Chrieg si d Achaier 198 v. d. Z. vo dr Site vo Makedonie under em Philipp V. uf d Site vo Rom übere, und dr Bund het in de Joor druf si grössti Usdeenig ghaa.

Dr Partner vo de Römer

Im Joor 188 v. d. Z. häi d Achaier über dr ganz Peloponnes gherrscht, wo d Aitoler, wo gege Rom kämpft gha häi, alles verloore häi. Wo d Rämer gegen e Köönig Perseus vo Makedonie Chrieg gmacht het, het sich dr Bund brobiert uusezhalte und het zur Stroof 168 v. d. Z. 1000 Mitgliider vo dr Oberschicht as Gäisle uf Rom müesse schigge, under en dr Polybios. 147 v. d. Z. isch s zum Chrieg mit Rom choo. D Achaier häi verloore, Korinth isch zerstöört worde und 146 isch dr Bund ufglööst worde. E chli spööter isch er seer vil chliiner no äinisch gründet worde, het aber politisch kä Rolle me gspiilt. Südgriecheland isch schliesslig 27 v. d. Z. zur römische Brovinz Achaea worde.

Liste vo de Stratege vom Achaiische Bund

Joor	Naame
256/255	Margos
245/244	Aratos vo Sikyon I
243/242	Aratos vo Sikyon II
241/240	Aratos vo Sikyon III
239/238	Aratos vo Sikyon IV
237/236	Aratos vo Sikyon V
236/235	Dioitas
235/234	Aratos vo Sikyon VI
234/233	Lydiadas vo Megalopolis I
233/232	Aratos vo Sikyon VII
232/231	Lydiadas vo Megalopolis II
231/230	Aratos vo Sikyon VIII
230/229	Lydiadas vo Megalopolis III
229/228	Aratos vo Sikyon IX
228/227	Aristomachos vo Argos
227/226	Aratos vo Sikyon X
226/225	Hyperbatas (zruggdräte), Timoxenos I
225/224	Aratos vo Sikyon XI
224/223	Timoxenos II
223/222	Aratos vo Sikyon XII
221/220	Timoxenos III
220/219	Aratos vo Sikyon XIII
219/218	Aratos (dr Soon)
218/217	Eperatos
217/216	Aratos vo Sikyon XIV
216/215	Timoxenos IV
215/214	Aratos vo Sikyon XV
213/212	Aratos vo Sikyon XVI
210/209	Aristainos vo Megalopolis I
209/208	Kykliadas I
208/207	Philopoimen I
206/205	Philopoimen II
201/200	Philopoimen III
200/199	Kykliadas II
199/198	Aristainos vo Megalopolis II
198/197	Nikostratos
195/194	Aristainos vo Megalopolis III
193/192	Philopoimen IV
191/190	Diophanes
190/189	Philopoimen V
189/188	Philopoimen VI
188/187	Archon I
187/186	Philopoimen VII
186/185	Aristainos vo Megalopolis IV
185/184	Lykortas vo Megalopolis I
183/182	Philopoimen VIII
182/181	Lykortas vo Megalopolis II
180/179	Kallikrates
179/178	Hyberbatos
175/174	Xenarchos
172/171	Archon II
170/169	Archon III
151/150	Menalkidas vo Sparta
150/149	Diaios vo Megalopolis I
149/148	Damokritos
148/147	Diaios vo Megalopolis II
147/146	Kritolaos vo Megalopolis

Lueg au

Litratuur

Andreas Bastini: Der achäische Bund als hellenische Mittelmacht. Geschichte des achäischen Koinon in der Symmachie mit Rom. (= Europäische Hochschulschriften. Reihe 3: Geschichte und ihre Hilfswissenschaften. Bd. 335). Lang, Frankfurt am Main u. a. 1987, ISBN 3-8204-9193-7 (Gliichzitig: Köln, Univ., Diss., 1982).
Jörg-Dieter Gauger: Achäer(bund). In: Hatto H. Schmitt, Ernst Vogt (Hrsg.): Kleines Lexikon Hellenismus. Harrassowitz, Wiesbade 2003, S. 9–16.