Agatebrot

es gsägnets Brot zum Agetetag

S Agatebröötli isch es Gebäck, wo men am Maantag vo dr Häilige Agate, das isch dr 5. Februar, oder grad vorhäär i dr Chile tuet sägne und de Lüüt mitgää. Es git i de katolische Gägende bsunders i de Regioonen a den Alpe vill Brüüch mit däm Brot; es paar Sache derzue cha me bim schwiizerdüütsche Mundartwörterbuech Idiotikon nochelääse.[1]

es Agatebröötli

S Agathebrot chunt s erschte Mol anne 1466 im ene Rächnigsbuech vom Chlooschter Klingetal z Basel vor.

A vilnen Oorte goot dr Pfaarer zum Beck und weiht s Määl für s Bache vo dene Bröötli, wo me je nach Regioon mit verschidene Forme macht. Es gitt au Agateringli.[2]

Vo däm spezielle chlyne Broot seit me, es hälfi bi Fieber und andere Chranketen und öppen au no wemme Häiwee het. Bi de Puure het me früener a mängem Oort so Bröötli de Chüe z frässe ggää, wo me mit ne z Alp isch, und dr Senn het eis i dr Alphütte hiigleit; das heig em Vee ghulfe.

S Agatebrot sig au guet für d Hüüser und d Huushaltige: es hälfi gäges Füür, d Agate isch jo d Schutzpatronin vo dr Füürweer, und wäär so nes Bröötli het, dä heig deheime immer gnueg Broot.

S Agatebroot stoot uf dr Lischte vo de tradizionelle Sache zum Ässe vo dr Schwiiz.

Weblink ändere

Fuessnoote ändere

  1. Lueg im Artikel Agathen-Brōt vom Schwiizerischen Idiotikon, Band V, Spalte 953 f.
  2. Agathenringli i de Datebank vom Kulinarische Erb vo de Schwiz