Alida Airaghi

D Alida Airaghi, wo ane 1953 z Verona uf d Wält cho isch, isch e bekanti iteliänischi Dichterin.

s Läbe

Si het a der Università statale z Mailand klassischi Literatur studiert. Derno het si z Züri gläbt und dört vo 1978 bis 1992 Schuel ggää. Dört het si agfange ihri Wärch, vor allem Gedicht, uf Iteliänisch schrybe. Si isch Autorin für iteliänischi und schwiizerischi Zytschrifte. Teil Stück vo der Airaghi sind au in iteliänische Lyrikanthologie abtrukt worde. Es bar Bischpiil vo däm, wo si gmacht het, chame uf irere Website läse.

D Alida Airaghi het der Schriftsteller Siro Angeli ghürootet; die beide händ zwo Mäitli. Hütt läbt und schaffet si z Garda. Der Filippo La Porta seit von ere, si sig «una delle voci poetiche più rilevanti dell’attuale panorama italiano», si sig also eini vo de bedüütendschte iteliänische Dichterstimme vo hüt.

Wärch

L’appartamento. in: Nuovi Poeti Italiani, Band 3, Einaudi 1984
Rosa rosse rosa. Bertani 1986
Appuntamento con una mosca. Stamperia dell'arancio 1991
Il lago; Sul pontile, nell'acqua; Litania periferica; Le mura di Verona. Lietocolle 1996-1998
Laghi e oltre. zäme mit der Anna Felder und em Fabio Pusterla, Lietocolle1999
Il peso del giorno. La Luna -Grafiche Fioroni 2000
Litania periferica. Manni 2000
Un diverso lontano. Manni 2003
Frontiere del tempo. Manni 2006
Fine dicembre. Le Onde 2010
Il silenzio e le voci. Nomos 2011
Versi editi e inediti. in: Nuovi Poeti Italiani Band 6, Einaudi 2012
Elegie del risveglio. Sigismundus- Nulla Die 2016-2022
Omaggi. Einaudi 2017
Qualcosa del genere. Italic Pequod 2018
L’attesa. Marco Saya 2018
In cornice. Ensemble 2019
Rime e varianti per i miei musicanti. Marco Saya 2020
Se domani ti arrivano dei fiori. Giovane Holden 2021
Consacrazione dell'istante, AnimaMundi 2022
Il velo, Tau 2022
Sotto assedio, Gattomerlino 2023
Quanto di storia, Marco Saya 2023
Gente normale, Eretica 2024

Weblink

d Website vo der Alida Airaghi