Anne-Marie Dermon

D Anne-Marie Dermon (* 16. Juni 1944 z Züri; † 6. Jänner 2018 au deert) isch e Schwyzer Theaterschauspiiler gsii.

Lääbe

D Dermon het iri Schauspiiluusbildig am Büünestudio Züri gmacht. Ire Debüt uf dr Biini het si in dr Saison 1963/64 am Schauspiilhuus Züri gee. Vu 1964 bis 1967 het si Engaschmänt am Nazionaaltheater Mannem ghaa un vu 1967 bis 1972 am Bayerische Staatsschauspiil z Minche. Deert het si d Donna Siebenschwert in Der seidene Schuh vum Paul Claudel (Reschy: Hans Lietzau), d Irina in Drei Schwestern vum Anton Tschechow (Reschy: Heinz Hilpert) un d Virgilia in Coriolanus vum William Shakespeare (Reschy: Hans Hollmann) gspiilt.

Ab 1972 isch d Dermon Mitgliid vum Ensemble vum Schauspiilhuus Züri gsii, wu si bis anne 2004 uf dr Biini gstanden isch. Di het deert iiber aachtzg Rolle gspiilt, unter anderem 1972 d Virginia in Das Leben des Galilei vum Bertolt Brecht (Reschy: Harry Buckwitz), 1973 d Glafira in Jegor Bulytschov und die anderen vum Maxim Gorki, 1975 d Rikke in dr Uuruffierig vu Der Rattenfänger vum Carl Zuckmayer (Reschy: Leopold Lindtberg), 1977 d Gräfin Geschwitz in Lulu vum Frank Wedekind (Reschy: Hans Neuenfels), 1979 d Lotte in Groß und klein vum Botho Strauß (Reschy: Werner Düggelin), 1981 d Titelroll in Medea (Euripides/Luca Roncon), 1984 d Prothoe in Penthesilea vum Heinrich von Kleist, 1987 d Rachel in Wassa Schelesnowa vum Gorki (Reschy: Gerhard Klingenberg) un d Monika Stettler in Die Physiker vum Friedrich Dürrenmatt (Reschy: Achim Benning), 1988 d Lady Milford in Kabale und Liebe vum Friedrich Schiller (Reschy: Gerd Heinz) un d Frau Ill in Der Besuch der alten Dame vum Dürrenmatt, 1998 d Elisabeth in Rachearie vum Lars Norén (Reschy: Gerd Leo Kuck), 1999 d Anna in Nachtasyl vum Gorki (Reschy: Uwe Eric Laufenberg) un 2000 d Polina Andrejewna in Die Möwe vum Tschechow (Reschy: Daniel Karasek).

D Dermon isch am 6. Jänner 2018 z Züri gstoorbe.

Filmografy

• 1976: Der Gehülfe
• 1985: Fast eine Weihnachtsgeschichte
• 1988: Einer will nicht mehr mitmachen
• 1990: Ein erster Wurf ist meistens das Beste (d Titelroll in dr Johanna Spyri-Biografy)

Uuszaichnige

• Bryys vu dr Armin-Ziegler-Stiftig

Literatur

• Julia Danielczyk: Anne-Marie Dermon. In: Andreas Kotte (Hrsg.): Theaterlexikon der Schweiz. Band 1. Chronos, Zürich 2005, ISBN 3-0340-0715-9, S. 455.
• C. Bernd Sucher (Hrsg.): Theaterlexikon. Autoren, Regisseure, Schauspieler, Dramaturgen, Bühnenbildner, Kritiker. Von Christine Dössel und Marietta Piekenbrock unter Mitwirkung von Jean-Claude Kuner und C. Bernd Sucher. 2. Auflage. Deutscher Taschenbuch-Verlag, München 1999, ISBN 3-423-03322-3, S. 133.

Weblink

• Anne-Marie Dermon in dr Internet Movie Database