Annecy

	Èneci
Verwàltung
Land	Frànkrich
Region	Auvergne-Rhône-Alpes
Département	Haute-Savoie (74) - (Präfektur)
Arrondissement	Annecy (Unterpräfektur)
Kommünàlverbànd	Grand Annecy
Àmtliga Nàma	Annecy
Maire	Jean-Luc RIGAUT (2014-2020)
Code Insee	74010
Poschtlaitzàhl	74000
Iiwohner
Iiwohner	131.715
Flech	66,94 km2
Bevelkerungsdicht	763,65 Iiw./km2
Làg
Koordinate	45° 53′ 57″ N, 6° 07′ 46″ E / 45.899166666667°N,6.1294444444444°EKoordinate: 45° 53′ 57″ N, 6° 07′ 46″ E / 45.899166666667°N,6.1294444444444°E
Heche	m
	Èneci Èneci (Frànkrich)
Website
	http://www.annecy.fr

Annecy isch e Stadt z Frankrych.

Si lyt im Departement Haute-Savoie (uf Dütsch: «Hochsavoie»), wo zu der französische Grossregion Auvergne-Rhône-Alpes gehört.

Annecy het öppe 125000 Ywooner.

Geografy ändere

D Stadt lyt im Südoschte vo Frankrych, am See Lac d‘Annecy. Si isch öppe vierzg Kilometer vo der Schwiiz wäg, i der Noch vom Kanton Gämf.

Si isch am nordweschtleche Rand vo de Voralpe und vom Regional Naturpark Massif des Bauges.

Bilder ändere

Annecy; vordra der See Lac d’Annecy, im Hindergrund der Jura, wo vordra d Stadt Gämf lyt (uf däm Bild nid z gseh)
d Chile Visitation
d Burg vo Annecy
e Kanal i dr Stadt

Gschicht ändere

Der Name vo der Ortschaft am See isch i der römische Zyt Bautas gsi, und i der Umgäbig isch spöter der Wyler Anniciaca entstande. Vo dämm het d Stadt denn der Name übercho.

Di middelalterlechi Sidlig isch im ene Dokumänt vo anne 1107 s erschte Mol erwähnt. Dozmol isch bi der eltere Chile, wo em heilige Mauritius gweiht gsi isch, e Burg bout worde.

Im Spootmiddelalter isch es i der Stadt Gämf zum ene Komflikt zwüschem Bischof vo Gämf und de Grafe vo Gämf cho, und der Graf het us der Stadt müesse flüchte; er het z Annecy sin neu Sitz ygrichtet, und so isch die Stadt zum politische Zäntrum vo der Grafschaft Gämf worde. Im vierzääte Joorhundert sind d Grafe vo Gämf usgstorbe, und anne 1401 het der Graf Amadeus der Achti vo Savoie die ganzi Grafschaft Gämf gchauft.

I der Reformazioonszyt het au der Bischof müesse Gämf verloo, und jetz isch der Gämfer Bischofssitz au uf Annecy cho. Do isch i der Stadt d Bischofskathedrale, wo wie die alti vo Gämf em heilige Petrus gweiht isch, bout worde.

1792 het Frankrych i der Revoluzioon au s Gebiet vo Hochsavoie ygnoo, und es isch jetz im Departemänt Mont Blanc gsi. Vo 1815 bis 1860 isch d Herrschaft wider as Herzogshuus vo Savoie und Könige vo Sardinie zruggcho, denn isch s Gebiet aber z’letscht wider zu Frankrych cho, und sid 1860 isch Annecy d Hauptstadt vom Departemänt Haute-Savoie.

Ufe erscht Jänner 2017 het me die alte Nochbergmeinde Annecy-le-Vieux, Cran-Gevrier, Meythet, Pringy und Seynod zu der Stadt Annecy ygmeindet.