Barbara Henneberger
D Barbara-Maria „Barbi“ Henneberger (* 4. Oktober 1940 z Stoufa; † 12. April 1964 bi St. Moritz, Schwyz) isch in dr 1960er Johr e dytschi Skirännlaiferi un olympischi Bronzemedaille-Gwinneri im Slalom.
Lääbe ändere
Scho ase jung het si s Talänt fir dr alpin Wintersport begaischteret. Drotz em Yyspruch vum Jugedreferänt Bairische Skiverband (BSV) isch si 1957 as amtierendi dytschi Jugedmaischteri scho in dr Senioreklass bi dr Dytsche Maisterschafte im Slalom uf em Laber bi Oberammergau derby gsii.[1] Im Riiseslalom isch si diräkt uf dr dritt Blatz in dr Gsamtwärtig chuu, derwylscht si im Kombinationswettbewärb disqualifiziert woren isch.[2] D Henneberger isch in di stark verjingt Nationalmannschaft gruefe wore un isch unter em Trainer Engelbert Haider im Oktober 1957 bim erschte Trainingslehrgang uf dr Zugspitz derby gsii.[3]
In dr Johr 1962 un 1963 isch si im Abfahrtslauf un em Riiseslalom, 1960 un 1962 in dr Kombination un 1964 im Slalom Dytschi Maischteri wore. Derzue sin no zehn Vizemaischterschafte chuu, fimfmol isch si Dritti gsii. 1962 isch si Studänte*newältmaischteri wore.
Ire greschte Triumph het si bi dr Olympische Winterspiil 1960 z Squaw Valley as Bronzemedaillegwinneri im Slalom gfyrt. In dr Kombination, wu nume fir d Wältmaischterschafte zellt het, het si au d Bronzemedaille gwunne. D Bundesrepublik Dytschland het si mit em Silberne Lorbeerblatt gehrt. Bi dr SDS-RennenSDS-Ränne z Grindelwald het si 1963 in Abfahrt, Slalom un Kombination gwunne.
Mit ir un dr Heidi Biebl het s bi dr Olympische Winterspiil 1960 zwoo Medaillegwinnerne im Skilaufe gee, wu im chlaine Ort Stoufa im Allgai (dodmol ca. 4.500 Yywohner) uf d Wält chuu sin. Fir d Zyt no dr Olympische Spiil vu Innsbruck 1964 het d Henneberger ire Ruggdritt aag´chindet, wel si no 23 Johr alt sei un si ganz irem Amerikanischtik-Studium het welle widme.[4]
D Barbara Henneberger isch bi dr Draiarbete zum Skifilm Ski-Faszination vum Willy Bogner zäme mit em US-amerikanische Rännlaifer Buddy Werner dur e Schneebrättlawine ums Lääbe chuu.[5] Si isch uf em Alte Dail vum Münchener Waldfriidhof vergrabe wore. Bi dr Lycht sin rund 5000 Mänsche derby gsii, dodrunter vyl Verdrätter vu dr europäische Ski-Elite un fascht di ganz dytsch Olympiamannschaft vu Innsbruck.[6] Dr Willi Daume het si bi dr Druurfyyr gwirdigt mit dr Wort: „Sie war schön, kühn und mutig. Die Götter haben sie uns nur gezeigt und wieder genommen“.[7]
Dr Willy Bogner isch wäge fahrlässiger Deetig vum Kantonsgrichtsuusschuss vu, Graubünde am 31. Merz 1965 zue re zweemonetige Bedingte Haftstrof verurdailt wore.
Bi dr Wahl zur Sportleri vum Johr 1964, wu im Dezämber 1964 abghalte wore isch, sin fir d Henneberger postum 31 Pinkt (10. Blatz) vergee wore.
Z Kirchheim bi München mahnt d Barbi-Henneberger-Straße an d Skilaiferi.
Weblink ändere
Commons: Barbara Henneberger – Sammlig vo Multimediadateie- Barbara Henneberger in dr Datebank vum Internationale Skiverband FIS (änglisch)
- Barbara Henneberger bei Ski-db (englisch)
- Barbara Henneberger in dr Datebank vu Olympedia.org (änglisch)
- Barbi Henneberger in dr Internet Movie Database
- spiegel.de: Barbara Henneberger – So sensibel. Artikel vum 27. Februar 1963.
- Filmbericht zur Beerdigung vu Associated Press (Youtube)
Fueßnote ändere
- ↑ Hannelore Basler und Sepp Behr Schnellste im ersten Rennen, Pforzheimer Zeitung, 2. Merz 1957, S. 9
- ↑ „Hannelore Basler wurde zweifache Deutsche Meisterin“, Schwäbische Zeitung, 4. März 1957, S. 5
- ↑ „Trainingslehrgang auf der Zugspitze“, Pforzheimer Zeitung, 31. Oktober 1957, S. 4
- ↑ „‚Nach dem Olympia-Winter ist Schluß!‘“, Sportmagazin Nr. 10, 6. Merz 1963, S. 10
- ↑ spiegel.de: Lawinen-Unglück - Tod am Vormittag Artikel vom 22. April 1964
- ↑ „Tausende folgten dem Sarg Barbara Hennebergers“, Schwäbische Zeitung, 17. April 1964, S. 9
- ↑ Sportmagazin Nr. 16, 20. April 1964, S. 32
|
Dä Artikel basiert uff ere fräie Übersetzig vu dere Version vum Artikel „Barbara_Henneberger“ vu de dütsche Wikipedia. E Liste vu de Autore un Versione isch do z finde. |