Baschi Dürr
| Dialäkt: Baseldütsch |
Dr Baschi Dürr (* 7. Februar 1977 z Basel) isch e Schwizer Politiker (FDP.Die Liberalen) und gweelte Regierigsroot vom Kanton Basel-Stadt.
Politischs ändere
Dr Dürr isch scho seer früe bi de Basler Jungliberale Mitgliid worde und het spööter in dr Liberal-Demokratische Partei Basel (LDP) Karriere gmacht und isch deren iire Vizebresidänt worde. 2005 isch er us dr LDP usdräte und zur FDP Basel-Stadt gange, won er schnäll zur Gschäftsläitig ghöört het. 2003 isch er in dr Grooss Root gweelt worde und het vo 2006 d Finanzkommissioon presidiert. In de Joor 1999, 2007 und 2011 het dr Dürr für e Nazionalroot kandidiert, s erste Mol no für d LDP.
Noch em Dood vom Nazionalroot Peter Malama im Septämber 2012 weer dr Dürr äigentlig an dr Räije für e Nazionalroot gsi, het aber wäge sinere Kandidatur für e Basler Regierigsrot und s Regierigsbresidium zugunste vom Basler FDP-Bresidänt Daniel Stolz verzichdet.[1]
Dr Dürr isch im zwäite Waalgang am 25. Novämber 2012 dr Favorit gsi[2] und isch in Regierigsroot gweelt worde, het aber gegen e Guy Morin im Kampf um s Regierigsbresidium verloore.[3]
Bruefligs ändere
Dr Baschi Dürr isch Mitarbäiter vo dr Wirtschaftsredakzioon vo dr Nöije Zürcher Zitig gsi. Denn het er as Mediesprächer bim Healthcare-Unternääme Hoffmann-La Roche z Basel gschafft und as Kommunikazionsberooter. Hüte schafft er in ere PR-Agentur z Basel. Er het sich bi Kampanie gege d Mietwohnschutz-Iniziative, gege d Stedt-Iniziative und bim Geegevorschlag, s Spiddaal uszlaagere, für d Raucher-Iniziative und für d Parkruum-Iniziative stark gmacht. Dr Dürr het Wärbig für e Chemiikonzärn Clariant gmacht, für d Groossbank UBS, het z Schwamedinge d Überdachig von ere Autibaan begläitet, und für d Farmaindustrii d Däätigkäite vo dr lokale «IG Deponiesicherheit» organisiert.[4]
Usbildig und Brivats ändere
Dr Dürr isch dr Soon vom Rächtsaawalt David Dürr und isch z Basel uf d Wält choo. Er isch uf s Basler Realgümnasium gange, won er scho seer jung politisch aktiv worde isch. An dr Universidäät Basel het er Wirtschaftswüsseschafte studiert. Vo 1997 bis 2002 isch er Mitgliid vo dr Inspekzioon vom Gümnasium Leonhard gsi.
Dr Baschi Dürr het zwäi Chinder. Er lebt im Basler Wettstäikwardier.
Weblingg ändere
- Website vom Baschi Dürr
- Bortret vom Baschi Dürr uf dr Website vom Groosse Root vom Kanton Basel-Stadt
- Daniel Meier: Regierungsrat am Bügeln. (Site cha nüme abgrüeft wärde; Suche im Webarchiv) In: NZZ am Sonntag vom 18. November 2012
- Maurice Thiriet: Baschi, der Profi. Porträt in: Tages-Anzeiger vom 20. Novämber 2012
- Baschi Dürr mag es gerne kahl uf bazonline.ch, aktualisiert am 11.09.2014, abgrüeft am 25. Mai 2016
Fuessnoote ändere
- ↑ Dürr verzichtet auf Nationalrat – Stolz rückt nach (Memento vom 4. Oktober 2012 im Internet Archive), Basler Zeitung online, 1. Oktober 2012
- ↑ Regierung: Baschi Dürr tritt gegen zwei Juxkandidaten an (Memento vom 11. Novämber 2012 im Internet Archive), bz Basel online, 31. Oktober 2012
- ↑ [Guy Morin schafft die Wiederwahl als Regierungspräsident und Baschi Dürr wird neuer Sicherheitsdirektor]. TagesWoche vom 25. November 2012
- ↑ Dürrs Mandate (Memento vom 26. Augschte 2012 im Internet Archive), TagesWoche online, 3. Februar 2012, abgrüeft am 25. Novämber 2012.
|
Dä Artikel basiert uff ere fräie Übersetzig vum Artikel „Baschi_Dürr“ vu de dütsche Wikipedia. E Liste vu de Autore un Versione isch do z finde. |