Hoffmann-La Roche
D F. Hoffmann-La Roche AG[1], churz Roche, isch e Pharmakonzärn und Härsteller vo Reagänzie und Grät zur medizinische Diagnostik, wo wältwit dätig isch. Si het ihre Hauptsitz z Basel. Aktuell forscht Roche bsunders uf de Gebiet Onkologii, Virologii und Transplantationsmedizin. Im Wältränking vo de 20 Undernääme mit de höggste Usgoobe für Forschig und Entwigglig (F&E) isch d Roche im Joor 2014 (noch Microsoft und vor Novartis) uf em fümfte Blatz gsi.[2]
| F. Hoffmann-La Roche AG | |
|---|---|
| |
| Unternähmensform | Aktiegsellschaft |
| ISIN | CH0012032113 |
| Gründig | 1896 |
| Sitz | Basel, Schwiz |
| Leitig |
Severin Schwan |
| Mitarbeiter | 81'507 (31. Dezember 2009) |
| Umsatz | 49,051 Mrd. CHF (2009) |
| Produkt | |
| Uffdritt im Netz | www.roche.com |
| Dialäkt: Baseldütsch |
Firmedate ändere
D Roche beschäftigt wältwit meh as 81'500 Mitarbeiter, drvo öbbe 10'000 in dr Schwiz[3] und mehr as 12'000 z Dütschland. Dr Konzärn het 2009 en Umsatz vo 49,051 Milliarde Schwizer Franke und e Reingwünn vo 8,510 Milliarde Schwizer Franke gha.
D Roche blant, bis 2011 si Stammsitz z Basel für 550 Mio. Franke uszbaue. Mä het druf verzichdet, dr Bau 1 z baue, wo d Form von em an d Doppelhelix us dr Biochemii hätt sötte erinnere. Stattdesse isch im Dezämber 2009 dr neui Bau 1 vorgstellt worde. S neue Hochhuus wird mit 175m s höchste Gebäud in dr Schwiz und 21m höcher as dr Doppelhelixentwurf si.[4]
S Historische Archiiv ändere
S historische Archiiv Roche isch e Baasler Kulturguet, wo nazionali Bedütig het.
Literatur ändere
- Hans C. Peyer, Paul Sacher (Hrsg.): Roche – Geschichte eines Unternehmens 1896–1996. Basel 1996. ISBN 3-907770-68-4
Weblinks ändere
Commons: Hoffmann-La Roche – Sammlig vo MultimediadateieFuessnote ändere
- ↑ Iidrag vo der «F. Hoffmann-La Roche AG» im Handelsregister vom Kanton Basel-Stadt (Site cha nüme abgrüeft wärde; Suche im Webarchiv)
- ↑ Global Innovation 1000 Study, 2014: Top 20 R&D spenders abgrüeft am 19. Februar 2015
- ↑ Roche in dr Schwiz Archivlink (Memento vom 29. Septämber 2011 im Internet Archive)
- ↑ Roche Prässimiddeilig, 17. Dezämber 2009 zum neue Bau 1 Archivlink (Memento vom 28. Septämber 2011 im Internet Archive)
Koordinate: 47° 33′ 31″ N, 7° 36′ 27″ O; CH1903: 612711 / 267558