Beat Flach
Dr Beat Flach, wo am 21. Jänner 1965 z Bärn uf d Wält cho isch, isch e Schwiizer Politiker.
s Lääben un d Politik ändere
Dr Flach het z Basel Matroos vo dr Rhyschiffahrt gleert und dänn als Schlosser und Modällbouer gschaffet. Drzue het er d Matuur im ene Lehrgang für Erwachseni gmacht und a dr Uni Fryburg und dr Uni Luzärn studiert und dr Abschluss als Master of Laws gmacht. Nach em Zuesatzstudium a dr ETH Züri schaffet er jetz füre Schwiizerisch Ingenieur- und Architekteveräin. Er isch vrhürootet und woont mit dr Familie z Gaueschtäi.
Er politisiert bi de Grüenliberale, won er 2008 ghulfe het d Kantonalpartei im Aargau gründe. S Aargauer Volk het en anne 2009 in kantonal Groossroot gwählt und 2011 in Nazionalroot. Dört macht er näbe anderem bi dr Sicherhäitspolitische Komissioon mit. 2015 und au bi dr Wahl vom Bundesparlamänt 2019 isch er wider Nazionalroot woorde.
Sit 2018 isch dr Beat Flach dr Presidänt vo dr Stiftig Natur und Wirtschaft.
Weblink ändere
- Beat Flach uf dr Websyte vo dr Bundesversammlig
- d Websyte vom Beat Flach