Bedretto

Bedretto (lombardisch Büdree) isch e Gmai im Kanton Tessin in dr Schwyz. Si ghert zum Chrais (circolo) Airolo im Bezirk Leventina.

Bedretto
Wappe vo Bedretto
Basisdate
Staat:	Schwiiz
Kanton:	Tessin (TI)
Bezirk:	Leventinaw
Kreis:	Airolo
BFS-Nr.:	5063i1f3f4
Poschtleitzahl:	6781
Koordinate:	682753 / 15042146.4999928.5166711402
Höchi:	1'402 m ü. M.
Flächi:	75,2 km²
Iiwohner:	94 (31. Dezämber 2022)
Website:	www.bedretto.ch
Bedrettodal Bedrettodal
Charte
Charte vo Bedretto w

Geografi

Bedretto lyt weschtli vu Airolo im Bedrettodal. Zue Bedretto ghere d Wyler Ossasco, Villa Bedretto (dt. Romig bzw. Romegg), Bedretto, Ronco Bedretto un All'Acqua. S Rothuus stoht z Villa Bedretto.

Gschicht

Bedretto isch zum erschte Mol gnännt wore anne 1210 as Bedoledo. Scho in dr eltschte Urkunde wird Bedretto as sälbständigi Gmai gfiert. Anne 1227, wu in dr Dalschaft Leventina d Alpe ufdailt wore sin, het Bedretto e Nochberschaft bildet, aber kai aigeni Alp iberchuu. Im nämlige Johr wird Gmai au as sälbstständigi Pfarrei gnännt.

Verwaltig

Dr Burgermaischter (Sindaco) vu Bedretto isch dr Diego Orelli.

Bevelkerigsentwicklig

Quälle: Bundesamt für Statistik 2005 Wel d Lyt friejer scho nit hän chenne läbe vum Buure, hän si mieße saisonal uuswandere go z Italie oder z Frankrych as Maronibroter, Chellner oder Huusdiener z schaffe.

Hite het d Gmai nume no wenig Yywohner, zum greschte Dail Seniore. S Dal isch in dr Wintermonet vimol vu dr Ussewält abgschnitte un bietet kai Arbetsmegligkaite, wäge däm wandere di Junge ab. No dr Volkszellig vu 2000 isch Bedretto d Gmai in dr Schwyz mit em hechschte Aadail an iber 65-jehrige.

Johr	1850	1860	1870	1880	1888	1900	1910	1920
Yywohner	388	334	308	254	247	257	242	244
Johr	1930	1941	1950	1960	1970	1980	1990	2000
Yywohner	275	263	213	148	117	77	50	72

Dialekt

Dr lombardisch Dialäkt vu Bedretto ghert zum Ticinese.

Im Winter

Böuwärch

• Chilche SS. Martiri Maccabei, Villa (19. Jh.)

Lyt

• Giovanni Orelli (* 1928 z Bedretto), Schriftsteller

Weblink

 Commons: Bedretto – Sammlig vo Multimediadateie

• Offizielli Website vo Betretto
• Mario Fransioli: Bedretto. In: Historisches Lexikon vo dr Schwiiz..