Struppi51

Sali Struppi51 un härzlig willchuu bi dr Alemannische Wikipedia!

Ich frai mi, ass Du zue üs gstosse bisch un dass dyn erschte Versuech im Sandchaschte funktioniert het! I freu mi uff de erschte längre Byytrag vo dir  Wänn De no Froge hesch, no chasch Di gärn an mi oder aine vo dr andere Nutzer wände oder d Syte Wikipedia:Hilfe konsultiere. Allgmaini Diskussione findsch uff em Stammtisch. Nützlig isch au s Wikipedia-Portal.

Vil Spass bim Mitmache! --Terfili (Diskussion) 12:19, 1. Mär. 2012 (MEZ)

Sali Terfili

Merci für's fründliche Willkomme da im Forum und per e-mail. Ja, ich würd gärn au mitschriibe (ich chann das uf "Züritüütsch" oder "Bärndütsch, will ich äine vo däne allemannische "bilingues" bin - denäbe au uf Hochtüütsch, Änglisch und Französisch). Ich weiss vom Schriibe i andere Fore, dass mer näbe inhaltliche au didaktischi Fähler mache cha. Um settigi oder anderi Fähler under allne Umständ vo allem Aafang a z'vermiide, wett i mich gärn mit dir oder öper anderem per e-mail uustusche, bevor ich dänn würklich "pouschte". Säg mer drum bitte, wie de Uustusch per Mail chönnt funktioniere. Vorsichtigerwiis (demit ich kei Späm überchumm) hinderlaan i da vorläufig noch e kei e-mail-Adrässe.

Hani alles kompliziert gnueg gsäit? ;-) Dänn hoffi uf äs Zeiche us äm Üechtland.

Mit eme härzliche Gruess

Struppi51

Sali Struppi51, ich ha der grad äs Mail gschrybe. Du hesch warschynts in de Yystellige aktiviert, dass per Mail benoochrichtigt wirsch, wenn öber doo uff dyni Benutzerdiskussion schryb, drum hesch bi mym erschte Post au äs Mail übercho. --Terfili (Diskussion) 14:21, 1. Mär. 2012 (MEZ)

Tschlin & Co

Salli Struppi51 vile Dank für din erschte Artikel! Es paar Hiwiis: Alli Artikel wärde usschliesslig uff em hochdütsche Lemma agleit, nie uff em alemannische. Es gitt au kei alemannischi Wyterleitige. Drumm hani Kanton Graubünde miesse lösche. Wenn du wotsch uff en Artikel verlinke, funktioniert das z.B. eso: [[hochdeutsches Lemma|s gliich Lemma uff Schwiizerdütsch]] also [[Kanton Graubünden|Kanton Graubünde]] gitt Kanton Graubünde.

Din Artikel Tschlin isch no arg churz. Noch unsere Löschregle muess en Artikel mindeschtens fünf Setz ha, susch wird er widr glöscht. Also due dr Artikel bitte no usbaue, uff dr dütsche Wikipedia hetts jo gnueg Infos! --Dr Umschattig red mit mir 16:43, 4. Sep. 2012 (MESZ)

Sali Umschattiger, Merci für's feed back uf mini erschte Gehversüech uf de Wikepedia. Das mit em Verlinke hätt mer en andere Wikipedianer gseit, ich han em natürli vertraut. Jetzt aber weiss ich mee.

Ich ha grad no vier wiiteri Sätz under Tschlin ingeschribe, damit de Artikel staa bliibt - so, wie du's vorgschlage häsch. Mee chunnt dänn no, es bruucht aber än Moment (oder zwei, oder drüü), will ich nöd immer Internet-Zuegang han und au no anders z'tue han. Säg mer bitte au, ob ich das feed back a diich richtig "formatiert" han, resp. wien-is susch hett mache sölle. Alles zäme chunnt mer halt no zimli "spanisch" vor... Struppi51 (Diskussion) 14:12, 5. Sep. 2012 (MESZ)